EXODUS 1:7 - Edisana ñwed Abasi Ibom

⁷ Ndien nditɔ Israel etɔt, enyuŋ esiaha, enyuŋ ewak, enyuŋ esɔŋ eti-eti; ndien mmɔ eyɔhɔ ke isɔŋ oro.

EXODUS 1:7 ပူးပေါင်းရင်းမြစ်များ

GENESIS 1:20

Ndien Abasi ɔdɔhɔ, ete, Yak mmɔŋ ɔyɔhɔ udim-udim unam eke edude uwem, yak inuen enyuŋ efefe ekpɔŋ isɔŋ ke iso ikpa-enyɔŋ.

GENESIS 1:28

Ndien Abasi ɔdiɔŋ mmɔ, Abasi onyuŋ ɔdɔhɔ mmɔ ete, Mbufo etɔt, enyuŋ ewak, enyuŋ eyɔhɔ ke isɔŋ, enyuŋ ekan enye: enyuŋ ekara iyak ke akamba mmɔŋ, ye inuen ke enyɔŋ, ye kpukpru nkpɔ uwem eke enyɔnide ke isɔŋ.

GENESIS 12:2

ndiwutde fi: ndien nyenam fi akabare edi akamba idut, nnyuŋ ndiɔŋ fi, nnyuŋ nnam enyiŋ fo okpon; afo eyenyuŋ edi se ediɔŋde:

GENESIS 13:16

Nyenyuŋ nsin ubon fo edi nte ntan isɔŋ: koro ini owo ekeme ndibat ntan isɔŋ, ndien ekeme ndibat ubon fo nde.

GENESIS 15:5

Ndien enye ada enye ɔwɔrɔ ke edem esa, ete, Nam se enyɔŋ ko, nyuŋ bat ntantafiɔŋ, edieke afo ekemede ndibat mmɔ: onyuŋ ɔdɔhɔ enye ete, Ntem ke ubon fo editie.

GENESIS 17:16

Nyenyuŋ ndiɔŋ enye, nnyuŋ nnɔ fi eyen eke otode enye ke idem ŋko; nnyuŋ ndiɔŋ enye, ndien enye eyekabare edi eka idut; ndidem idut eyeto enye ke idem.

GENESIS 22:17

eyen fo kierakiet; nte nyediɔŋ fi akamba, nyenyuŋ nnam ubon fo ewak eti-eti nte ntantafiɔŋ enyɔŋ, ye nte ntan emi odude ke mben inyaŋ; ubon fo eyenyuŋ enyene enyin-usuŋ mme asua mmɔ:

GENESIS 26:22

enyiŋ Sitnah (Utɔk). Ndien enye adaha do, onyuŋ otibi obube mmɔŋ eŋwen; ndien mmɔ iŋwanake eŋwan ke esit: ndien enye osio enye enyiŋ Rehoboth; onyuŋ ɔdɔhɔ ete, Ke emi ke Jehovah ɔnɔ nnyin ufaŋ, nnyin iyenyuŋ itɔt ke idut emi.

GENESIS 26:4

nyenyuŋ nnam ubon fo ɔtɔt nte ntantafiɔŋ ke enyɔŋ, nnyuŋ nnɔ ubon fo mme idut emi kpukpru: ndien ofuri ekondo eyekut mfɔn

GENESIS 28:14

Ndien ubon fo eyedi nte ntan isɔŋ; afo eyenyuŋ asiaha ke nnasia, ye ke ufien, ye ke edere, ye ke usuk: ndien edito ke afo ye ubon fo kpukpru oruk ke ererimbot ekut ufɔn.

GENESIS 35:11

enye enyiŋ Israel. Ndien Abasi ɔdɔhɔ enye, ete, Ami ndi El Shaddai: ŋwum mfri nyuŋ tɔt; idut kiet ye udim idut eyeto fi ke idem, ndidem eyenyuŋ eto fi ke

GENESIS 46:3

Ndien enye ete, Se, ami mi. Ndien enye ete, Ami ndi Abasi, Abasi usɔ, kufehe ndisuhɔre ŋka ke Egypt; koro nyenam fi edi akamba obio do.

GENESIS 47:27

Ntem ke Israel etie ke isɔŋ Egypt, ke isɔŋ Goshen; mmɔ enyuŋ enyene inyene ke esit, enyuŋ etɔt, enyuŋ ewak eti-eti.

GENESIS 48:16

angel emi akafakde mi osio ke kpukpru idiɔk-ŋkpɔ osuk ɔdiɔŋ nditɔ emi; yak mmɔ enyuŋ ekere enyiŋ mi, ye enyiŋ mme ete mi Abraham ye Isaac; yak mmɔ enyuŋ etɔt ekabare ediwak ke ufɔt isɔŋ.

GENESIS 48:4

ɔdiɔŋ mi. Onyuŋ ɔdɔhɔ mi ete, Sese, nyenam fi aka iso, nnyuŋ nnam fi awak, nnyuŋ nnam fi edi akamba otu owo; nnyuŋ nda isɔŋ emi nnɔ ubon fo eke editienede fi edem, ke nsinsi udeme.

GENESIS 9:1

NDIEN Abasi ɔdiɔŋ Noah ye nditɔ esie, ete mmɔ, Mbufo etɔt, enyuŋ ewak, enyuŋ eyɔhɔ ke ererimbot.

NEHEMIAH 9:23

Afo onyuŋ anam nditɔ mmɔ ewak nte ntantafiɔŋ enyɔŋ, onyuŋ ada mmɔ oduk ke isɔŋ oro afo ɔkɔŋwɔŋɔde ɔnɔ mme ete mmɔ, ete ke mmɔ eyeduk ekeda.

ŊWED MME PSALM 105:24

Ndien enye anam ikɔt esiemɔ etɔt eti-eti; onyuŋ anam mmɔ esɔŋɔ ekan mme asua mmɔ.

ŊWED MME PSALM 107:38

Enye onyuŋ ɔdiɔŋ mmɔ ŋko, ndien mmɔ ewak eti-eti; inyuŋ iyakke ufene mmɔ ekabare ekpri.

EXODUS 1:12

Edi adaŋa nte efikde mmɔ, ntre ke mmɔ edediɔŋ ewak, enyuŋ etɔt. Ntem ke nditɔ Israel enyene mmɔ ndik.

EXODUS 12:37

Ekem nditɔ Israel edaŋa ke Rameses eka Succoth, esim tɔsin irenowo ke itie ikie itiokiet, emi esaŋade ke ikpat, ibatke nditɔwɔŋ.

EXODUS 5:5

Ndien Pharaoh ɔdɔhɔ, ete, Sese, mbon iŋwaŋ emi ke ewewak ke emi, ndien mbufo etre mmɔ mbiomo mmɔ.

EZEKIEL 16:7

Ŋkanam fi ɔtɔt tɔsin tɔsin nte se itibede ke isɔŋ, ndien afo awak onyuŋ okpon, onyuŋ ɔwɔrɔ ediye eti-eti: eba fo eduɔŋɔ, idet fo onyuŋ ɔkɔri, ndien afo ama edi iferi ye ikpikpu.

UTOM MME APOSTLE 13:17

Mbio Israel, ye mbufo emi ebakde Abasi, ekop. Abasi mbio Israel emi ekemek mme ete nnyin, onyuŋ ofori mbio emi ke ini mmɔ edide nte isen ke isɔŋ Egypt, onyuŋ ada edimenere ubɔk emen mmɔ ɔwɔrɔ ke esit.

DEUTERONOMY 10:22

Mme usɔ, owo ata ye duop esuhɔde ke Egypt; ndien ke emi Jehovah Abasi fo ama anam fi awak nte ntantafiɔŋ enyɔŋ.

DEUTERONOMY 26:5

Ndien bɔrɔ ke iso Jehovah Abasi fo, nyuŋ dɔhɔ ete, Ete mi ekedi eyen Aram ndiyo, ndien enye ɔsuhɔre aka ke Egypt okoduŋ do ye owo esisit, ndien akabare do edi idut emi okponde, onyuŋ ɔsɔŋde, onyuŋ awak owo: