ERIYARARE 9:2 - Edisana ñwed Abasi Ibom

² Enye onyuŋ ɔkpɔhɔre obube akwa udem; nsuŋikaŋ onyuŋ oto ke obube oro ɔwɔrɔ, ebiet nsuŋikaŋ akwa ikaŋ emi ebarade; utin ye enyɔŋ enyuŋ ekabare ekim ke ntak nsuŋikaŋ obube oro.

ERIYARARE 9:2 ပူးပေါင်းရင်းမြစ်များ

GENESIS 15:17

Ekem eyo okut, onyuŋ okim eti eti ndien sese, usaŋ uyo eke ɔwɔrɔde nsuŋikaŋ ye edeme ikaŋ, eke asaŋade ke ufɔt okpo oro ebe.

GENESIS 19:28

ndien enye owuk enyin ese edem Sodom ye Gomorrah, ye ofuri edem una-isɔŋ oro, ndien enye okut, ndien, sese, nsuŋikaŋ idut oro ke ɔdɔdɔk nte nsuŋikaŋ

EXODUS 19:18

Ndien ofuri obot Sinai edi nsuŋikaŋ-nsuŋikaŋ; oto koro Jehovah etiede ke ikaŋ ɔsuhɔre ke esit: nsuŋikaŋ esie onyuŋ ɔwɔrɔ ɔdɔk nte nsuŋikaŋ furnace, ofuri obot onyuŋ enyek eti-eti.

ISAIAH 14:31

Tua, O inua-otop; seme, O obio; Philistia, afo amatara kpukpru: koro nsuŋikaŋ otode ke edere, ndien baba owo eke adianarede iduhe ke otu mme udim-ekɔŋ esie.

DANIEL 3:6

ndien ama edi owo ekededi eke mididuɔhɔ ke isɔŋ, midinyuŋ ituakke ibuot, kpasuk ndo-ndo oro eyemen enye eduɔk ke ufɔt akwa ikaŋ eke asakde.

JOEL 2:10

Isɔŋ enyek ke iso mmɔ; enyɔŋ onyuŋ etimere: utin ye ɔfiɔŋ ebire, ntantafiɔŋ enyuŋ enimi uyama mmɔ.

JOEL 2:2

kpa ata ɔkpɔsɔŋ ekim, usen obubit enyɔŋ, kpa ata idiɔk enyɔŋ eti-eti: ebiet usiere eke asuanade ke ikpɔ obot: idut emi awakde, onyuŋ ɔsɔŋɔde; oruk oro akananam iduhe totoko idinyuŋ itieneke enye idi, tutu osim isua ediwak emana.

JOEL 2:30

Nyenyuŋ nnɔ mme utibe ŋkpɔ ke enyɔŋ ye ke isɔŋ, iyip, ye ikaŋ, ye nsuŋikaŋ ebiet adaha.

UTOM MME APOSTLE 2:19

Ndien nyenɔ mme utibe ŋkpɔ ke ikpa-enyɔŋ ke enyɔŋ, Ye mme idiɔŋɔ ke isɔŋ ke idak; Iyip ye ikaŋ ye uye nsuŋikaŋ:

ERIYARARE 14:11

ndien nsuŋikaŋ ndutuhɔ mmɔ eyedɔk ke nsinsi-nsinsi: mmɔ inyuŋ ikopke nduɔk-odudu ke uwemeyo ye okoneyo, kpa mmɔ eke etuakde ibuot enɔ unam oro ye mbiet esie, ye owo ekededi eke ɔbɔde idiɔŋɔ enyiŋ esie.

ERIYARARE 16:10

Ɔyɔhɔ angel ition aŋwaŋa eso esie ɔduɔk ke ebekpo unam oro; ndien obio ubɔŋ esie akabare okim, mbiobio esie enyuŋ eta edeme mmɔ enɔ ubiak,

ERIYARARE 8:12

Ekem ɔyɔhɔ angel inaŋ ofri; ndien emia ubak utin kiet ke itie ita, ye ubak ɔfiɔŋ kiet ke itie ita, ye ubak ntantafiɔŋ kiet ke itie ita; ete mmɔ ekabare ebire ke ubak mmɔ kiet ke itie ita, uwemeyo okunyene uŋwana ke ubak kiet ke itie ita, onyuŋ edi kpa ntre ye okoneyo.

ERIYARARE 9:1

EKEM ɔyɔhɔ angel ition ofri; nnyuŋ ŋkut ntantafiɔŋ nte otode ke enyɔŋ ɔduɔ ke isɔŋ; ndien enɔ enye ukpɔhɔre obube akwa udem.

ERIYARARE 9:11

Mmɔ enyene angel akwa udem oro ke edidem mmɔ; enyiŋ esie ke usem Hebrew ekere Abaddon, ke usem Greek ekere Apollyon.

ERIYARARE 9:17

Edi ntem ke ŋkut mme enaŋ ke ŋkukut ye mme andidoro mmɔ ke edem; mmɔ oro enyene ŋkpɔ-ikpanesit ekɔŋ, ikaŋ ye hyacinth ye brimstone; ibuot mme enaŋ mmɔ ebiet ibuot lion, ndien ikaŋ ye nsuŋikaŋ ye brimstone eto mmɔ ke inua ewɔŋɔ.