ERIYARARE 8:5 - Edisana ñwed Abasi Ibom

⁵ Angel oro onyuŋ emen ŋkpɔ-ufɔp-incense esin ikaŋ itie-uwa ke esit ɔyɔhɔ, onyuŋ aŋwaŋa ɔduɔk ke isɔŋ; ndien obuma, ye mme uyo, ye emireŋ-mireŋ, ye unyek-isɔŋ, etibe.

ERIYARARE 8:5 ပူးပေါင်းရင်းမြစ်များ

1 NDIDEM 19:11

Ndien enye ɔdɔhɔ ete, Wɔrɔ, kada ke obot ke iso Jehovah. Ndien, sese, Jehovah ke ebe, ndien akamba ye ɔkpɔsɔŋ oyobio asiak ikpɔ obot, onyuŋ anuak mme itiat ke iso Jehovah; edi Jehovah iduhe ke oyobio. Ndien ke oyobio ama ekebe, isɔŋ enyek; edi Jehovah iduhe ke unyek-isɔŋ.

ŊWED MME PSALM 18:13

Jehovah onyuŋ atuak enyɔŋ; Ata Edikoŋ onyuŋ osioro uyo esie; edim itiat ye ebok ikaŋ.

EXODUS 19:16

Edikem ke ɔyɔhɔ usen ita, ke ini eyo esierede, uyom enyɔŋ ye obuma edu, idiɔk enyɔŋ onyuŋ ofuk obot, uyom ukorowo onyuŋ ɔsɔŋ eti-eti; ndien kpukpru owo eke edude ke nna enyek idem.

ISAIAH 29:6

Ndien obuma, ye unyek-isɔŋ, ye akwa uyom, ye idio, ye oyobio, ye edemikaŋ eke etade, eyeto Jehovah mme udim, edinam fi.

ISAIAH 30:30

Ndien Jehovah eyenam ekop ubom uyo esiemɔ, onyuŋ owut mmɔ iduɔ ubɔk esie, ke ifuresit ye ikpahesit ye edemikaŋ eke atade, ke oyobio, ye edim, ye edim itiat.

ISAIAH 66:6

Uyom ndutime oto ke obio! uyo oto ke temple! uyo Jehovah emi osiode usiene ye mme asua esie.

JEREMIAH 51:11

Mbufo etuk mme idaŋ, eyɔhɔ mme otu ekɔŋ: Jehovah emedemere spirit ndidem Media: koro enye aduakde ŋkpɔ abaŋa Babylon, ete isobo enye; koro emi edide usiene Jehovah, usiene temple esie.

LEVITICUS 16:12

Ndien enye ɔwɔhɔre ebok ikaŋ ke itie-uwa ke iso Jehovah, esin ke ŋkpɔ ufɔp incense ɔyɔhɔ, ndien owobi edifuɔŋ incense eke enuakde emen ɔyɔhɔ ubɔk ada oduk ke edem ukara.

ZECHARIAH 14:5

Ndien mbufo eyefeŋe ekeduk ke itihere ikpɔ obot mi: koro itihere ikpɔ obot eyetuak ke Azel: ndien mbufo eyefeŋe kpa nte ekefeŋede ebak unyek-isɔŋ ke eyo Uzziah edidem Judah: ndien Jehovah Abasi mi ke edi: kpukpru edisana ikɔt fo eyenyuŋ etiene fi edi.

MATTHEW 24:7

Koro idut eyedaha aŋwana ye idut, obio edidem kiet enyeyuŋ adaha aŋwana ye obio edidem efen: akaŋ ye unyek-isɔŋ eyenyuŋ edu ke nsio-nsio ebiet.

LUKE 12:49

Ŋkedi ndisin ikaŋ ke isɔŋ: ikaŋ oro akpakam obubere naŋa!

UTOM MME APOSTLE 16:26

ndien idaha oro akwa unyek-isɔŋ otibe, tutu enyeŋe ɔfuri ufɔk-ŋkpɔkɔbi; ndien idaha oro kpukpru usuŋ eberere; ŋkpɔkɔbi enyuŋ ekpɔhɔre kpukpru owo ke ubɔk.

UTOM MME APOSTLE 4:31

Ndien ke mmɔ ema ekebɔŋ akam ema, ufɔk emi mmɔ ebonode ke esit enyek; ndien kpukpru mmɔ eyɔhɔ ye Edisana Spirit, enyuŋ etiŋ ikɔ Abasi uko-uko.

ERIYARARE 11:13

Ke idem ini oro akwa unyek-isɔŋ otibe, ubak obio kiet ke itie duop onyuŋ ɔduɔ; thousand owo itiaba enyuŋ ekpaŋa ke unyek-isɔŋ oro. Ndien mmɔ eke esuhɔde ekabare edikhe eti-eti, enyuŋ eyak ubɔŋ enɔ Abasi heaven.

ERIYARARE 11:19

Ekem eberere temple Abasi emi odude ke heaven; enyuŋ ekut ekebe ediomi Esie ke temple Esie; ndien emireŋ-mireŋ, ye mme uyo, ye obuma, ye unyek-isɔŋ, ye ɔkpɔsɔŋ edim-itiat etibe.

ERIYARARE 4:5

Emireŋ-mireŋ ye mme uyo ye obuma enyuŋ eto ke ebekpo ewɔŋɔ; utuenikaŋ itiaba eke ikaŋ ke esasak ke iso ebekpo, emi edide mme Spirit Abasi itiaba.

ERIYARARE 6:12

Ndien ŋkut, ke adaŋemi Enye ama akadianare ɔyɔhɔ ufik-ŋkpɔ itiokiet, nte akwa unyek-isɔŋ otibede, utin onyuŋ akabare ebire nte ɔfɔŋ-ikpo eke edade idet edɔk, ofuri ɔfiɔŋ onyuŋ akabare oyibe nte iyip;

ERIYARARE 8:3

Angel efen edi edida ekpere itie-uwa enyene ŋkpɔ-ufɔp-incense o-gold; ema enyuŋ enɔ enye ekese incense, ete ada adian ye akam kpukpru ikɔt Abasi ke itie uwa o-gold emi odude ke iso ebekpo.