ERIYARARE 8:12 - Edisana ñwed Abasi Ibom

¹² Ekem ɔyɔhɔ angel inaŋ ofri; ndien emia ubak utin kiet ke itie ita, ye ubak ɔfiɔŋ kiet ke itie ita, ye ubak ntantafiɔŋ kiet ke itie ita; ete mmɔ ekabare ebire ke ubak mmɔ kiet ke itie ita, uwemeyo okunyene uŋwana ke ubak kiet ke itie ita, onyuŋ edi kpa ntre ye okoneyo.

ERIYARARE 8:12 ပူးပေါင်းရင်းမြစ်များ

ISAIAH 13:10

Koro mme ntantafiɔŋ enyɔŋ ye mme constellation midiyamake: utin eyekim ke ini enye ɔwɔrɔde, ɔfiɔŋ idinyuŋ iyakke uŋwana esie ayama.

ISAIAH 24:23

Ndien but eyenam ɔfiɔŋ, utin eyenyuŋ ofuk but iso, koro Jehovah mme udim adade ubɔŋ ke obot Zion, ye ke Jerusalem, ubɔŋ onyuŋ odu ke iso mbiowo esie.

JEREMIAH 4:23

Nse isɔŋ, ndien, sese, isɔŋ edi ikpikpu ye ukpɔk; nse ikpa-enyɔŋ, ndien uŋwana iduhe ke esit.

JOEL 2:10

Isɔŋ enyek ke iso mmɔ; enyɔŋ onyuŋ etimere: utin ye ɔfiɔŋ ebire, ntantafiɔŋ enyuŋ enimi uyama mmɔ.

JOEL 2:31

Utin eyekabare edi ekim, ɔfiɔŋ eyenyuŋ akabare edi iyip, ke akwa usen Jehovah emi enyenede ndik mikaidige.

JOEL 3:15

Utin ye ɔfiɔŋ eyebire, ntantafiɔŋ eyenyuŋ enime uyama mmɔ.

AMOS 8:9

Ɔbɔŋ Jehovah onyuŋ ɔdɔhɔ, ete, ndien ama ekem ke usen oro, ke ndinam utin oduk ikɔt ke ufɔt uwemeyo, nnyuŋ nnam isɔŋ okim ke usen uŋwana:

MATTHEW 24:29

Edi ukut mme usen oro ama ekebe, idaha oro utin eyekabare okim, ɔfiɔŋ idinyuŋ inɔŋɔ uŋwana esie, mme ntantafiɔŋ eyeyuŋ eto ke ikpa-enyɔŋ eduɔŋɔ, eyenuŋ enyeŋe mme odudu ikpa-enyɔŋ.

MATTHEW 27:45

Edi ɔtɔŋɔde ke ufɔt uwemeyo tutu osim hour ita ke uwemeyo, ekim ofuk ɔfuri isɔŋ.

MARK 13:24

Edi ke mme usen oro ke ini ukut oro ama ebe, utin eyekabare okim,

MARK 15:33

Ndien ke ini osimde ufɔt uwemeyo, ekim ofuk ofuri isɔŋ tutu osim ɔyɔhɔ hour ita ke uwemeyo.

LUKE 21:25

Ndien mme idiɔŋɔ eyedu ke utin ye ɔfiɔŋ ye ntantafiɔŋ; eritimere-esit eyenyuŋ omum mme idut isɔŋ, oto ke nnanenyin abaŋa eriyomo emi inyaŋ ye mbufut eyomode;

UTOM MME APOSTLE 2:20

Utin eyekabare edi ekim Ɔfiɔŋ eyenyuŋ akabare edi iyip, Ndien akwa usen Jehovah emi ɔwɔrɔde etop edidi:

2 ŊWED CORINTH 4:4

emi abasi eyo emi akanamde ikike mmɔ eke minimke ke akpanikɔ okim, mbak uŋwana gospel ubɔŋ Christ, emi edide mbiet Abasi, edisem ɔnɔ mmɔ.

ERIYARARE 12:4

Ndien isim esie odudi ubak ntantafiɔŋ ikpa-enyɔŋ kiet ke itie ita, osioŋo mmɔ ɔduɔŋɔ ke isɔŋ. Dragon oro onyuŋ ada ke iso ŋwan oro oyomde ndiman eyen, kpaŋ ŋwan oro ama aman, ekpemen eyen esie ata.

ERIYARARE 16:10

Ɔyɔhɔ angel ition aŋwaŋa eso esie ɔduɔk ke ebekpo unam oro; ndien obio ubɔŋ esie akabare okim, mbiobio esie enyuŋ eta edeme mmɔ enɔ ubiak,

ERIYARARE 6:12

Ndien ŋkut, ke adaŋemi Enye ama akadianare ɔyɔhɔ ufik-ŋkpɔ itiokiet, nte akwa unyek-isɔŋ otibede, utin onyuŋ akabare ebire nte ɔfɔŋ-ikpo eke edade idet edɔk, ofuri ɔfiɔŋ onyuŋ akabare oyibe nte iyip;

ERIYARARE 9:15

Ndien ekpɔhɔre mme angel inaŋ eke ekenimde enɔ ini ye usen ye ɔfiɔŋ ye isua oro, ete mmɔ ekpewot ubak owo kiet ke itie ita.

ERIYARARE 9:18

Eda ufen ita emi, ikaŋ ye nsuŋikaŋ ye brimstone, eke ewɔŋɔde mmɔ ke inua, esobo ubak owo kiet ke itie ita.