ERIYARARE 7:17 - Edisana ñwed Abasi Ibom

¹⁷ eyo mme ufiop ekededi idinyuŋ imiaŋa mmɔ: koro Eyen-erɔŋ emi etiede ke ufɔt ebekpo eyedi Andikpeme mmɔ, eyenyuŋ ada mmɔ aka ke idim mmɔŋ uwem: ndien Abasi eyekwɔhɔre kpukpru mmɔŋ eyet ke enyin mmɔ efep.

ERIYARARE 7:17 ပူးပေါင်းရင်းမြစ်များ

ŊWED MME PSALM 22:26

Mbon nsukidem eyedia eyuhɔ: mmɔ eke eyomde Jehovah eyetoro Enye: yak esit mbufo odu uwem ke nsinsi.

ŊWED MME PSALM 23:5

Afo eyebri okpokoro ɔnɔ mi ke iso mme asua mi: eyeda aran eyet mi ke ibuot; cup mi ɔyɔhɔ ɔduɔi.

ŊWED MME PSALM 28:9

Nyaŋa ikɔt fo, nyuŋ diɔŋ mbon udeme fo: bɔk mmɔ ŋko, nyuŋ menere mmɔ ke enyɔŋ ke nsinsi.

ISAIAH 12:3

Ndien mbufo eyekot mmɔŋ ke idaresit ke mme obube mmɔŋ erinyaŋa.

ISAIAH 25:6

Ndien ke obot emi ke Jehovah mme udim edinam akamba udia ɔnɔ kpukpru mme idut, ŋkpɔ eke enyenede isek, ndia ke wine eke anade ke ntak, ke ŋkpɔ eke enyenede isek, enyuŋ ewakde ndia, wine ke ntak eke etimde eduk.

ISAIAH 25:8

Enye eyemen mkpa ke nsinsi; Ɔbɔŋ Jehovah onyuŋ ɔkwɔhɔre kpukpru iso mmɔŋ eyet efep; eyenyuŋ osio esuene ikɔt esiemɔ ke ofuri ererimbot efep: koro edi Jehovah ɔdɔhɔ.

ISAIAH 30:19

Koro mbio ke Zion eyeduŋ ke Jerusalem: afo udutuaha eyet: enye eyetua fi mbɔm ke uyo eseme fo; ke ini enye okopde, enye eyebɔrɔ fi.

ISAIAH 30:25

Ndien ke kpukpru ikpɔ obot, ye ke kpukpru edikoŋ obot, ke akpa ye idim mmɔŋ edidu ke usen akwa obom, ke mme tower eduɔŋɔde.

ISAIAH 35:10

ndien mmɔ eke Jehovah akafakde eyefiak edi ke Zion ekwɔ ikwɔ, nsinsi idaresit onyuŋ ayara mmɔ ke ibuot: mbre ye idaresit eyesim mmɔ, mfuhɔ ye eseme eyefeŋe.

ISAIAH 40:11

Enye eyebɔk ikɔt esiemɔ nte ɔbɔk ufene: eyetaŋ nditɔ erɔŋ ke ubɔk esie, akama ke ikpanesit esie, onyuŋ ada mme ɔnɔ-mmɔŋeba usuŋ.

ISAIAH 49:9

man afo ɔdɔhɔ mbon ŋkpɔkɔbi, ete, Mbufo ewɔŋɔ; ye mmɔ eke edude ke ekim, ete, Eyarare idem mbufo. Mmɔ eyeta mbiet ke ɔkpɔ-usuŋ, mbiet mmɔ eyenyuŋ odu ke kpukpru iferi obot.

ISAIAH 51:11

Ndien mmɔ eke Jehovah afakde eyefiak edi ke Zion ye mkpo; nsinsi idaresit eyedu mmɔ ke ibuot: mbre ye idaresit eyesim mmɔ; mfuhɔ ye eseme eyefeŋe.

ISAIAH 60:20

Utin fo idisopke aba; ɔfiɔŋ fo idinyuŋ itahake aba: koro Jehovah eyedi nsinsi uŋwana fo, ndien mme usen ntuaŋa fo eyekure.

ISAIAH 65:19

Ndien Jerusalem eyenem mi esit, ikɔt mi eyenyuŋ edat mi: ndien idikopke aba uyo eyet ye uyo eseme ke esit.

JEREMIAH 2:13

Koro ikɔt mi emenam idiɔk ŋkpɔ iba; emekpɔŋ mi idim mmɔŋ uwem, enyuŋ etibi obube enɔ idem mmɔ, kpa ndisiaha obube eke mikamake mmɔŋ.

JEREMIAH 31:9

Mmɔ eyetua eyet edi: nyenyuŋ nda mmɔ usuŋ ke mkpe-ubɔk: nyeda mmɔ ŋka idim mmɔŋ, nsaŋa ke edinen usuŋ, mmɔ ididuɔŋɔke ke esit: koro ami ndide ete Israel, Ephraim onyuŋ edi akpan mi.

EZEKIEL 34:23

Ndien nyenam ɔbɔk kiet eke edibɔkde mmɔ adaha ada akan mmɔ, kpa owo mi David; enye eyebɔk mmɔ, ndien mmɔ eyenyene enye ke andibɔk.

MICAH 5:4

Ndien enye eyeda edibɔk ke odudu Jehovah, ke ubɔŋ enyiŋ Jehovah Abasi esie; ndien mmɔ eyebigi: koro ke emi ke enye edikpon tutu osim utit ererimbot.

MICAH 7:14

Da esaŋ fo bɔk ikɔt fo, kpa ufene emi afo enyenede, emi eduŋde ikpɔŋ ke akai ke ufɔt Carmel: mmɔ eyeta mbiet ke Bashan ye ke Gilead, kpa nte eyo oko.

MATTHEW 2:6

Ndien afo Bethlehem, isɔŋ Judah, Ukprike ukaha ke baba usuŋ kiet ke otu mbɔŋ Judah; Koro andikara eyeto fi ke esit ɔwɔrɔ, Emi edikpemede ikɔt Mi Israel.

MATTHEW 5:4

Ɔfɔfɔn ɔnɔ mmɔ eke etuaŋade: koro eyedɔŋ mmɔ esit.

JOHN 10:11

Ami ndi eti ekpeme-erɔŋ; eti ekpeme-erɔŋ ayak uwem Esie ɔduɔk kabaŋa mme erɔŋ.

JOHN 10:14

Ami ndi eti ekpeme-erɔŋ; mmɔfiɔk se inyenede Mi, se inyenede Mi onyuŋ ɔfiɔk Mi kpa nte Ete ɔfiɔkde Mi,

JOHN 4:10

Jesus ɔbɔrɔ enye ete, Edieke afo ɔkpɔfiɔkde enɔ Abasi, ye owo emi obupde fi ete, Nɔ Mi mmɔŋ ŋŋwɔŋ, afo ekpebeŋe Enye, ndien Enye ɔkpɔnɔ fi odu-uwem mmɔŋ.

JOHN 4:11

Ŋwan oro ete Enye, Ɔbɔŋ, unyeneke se adade okoi mmɔŋ, obube onyuŋ ɔtuŋɔ: ada odu-uwem mmɔŋ oro ndien ke mmɔŋ?

JOHN 4:14

edi owo ekededi eke ɔŋwɔŋde mmɔŋ emi Ami ndinɔde enye idikopke nsat-itɔŋ aba: edi mmɔŋ oro ndinɔde enye eyekabare edi idim mmɔŋ ke esit esie eke otopde akabare ɔwɔrɔ edi nsinsi uwem.

UTOM MME APOSTLE 20:28

Etim ese idem mbufo, ye ofuri otu erɔŋ, emi Edisana Spirit okonimde mbufo ke mme andikpeme mmɔ, ete ebɔk mbon ufɔk Abasi, emi Enye ekedepde ke iyip Esie.

1 PETER 5:2

nnyuŋ ndide ntiense ndutuhɔ Christ, nnyuŋ ndide abuana ke ubɔŋ emi ediya-rarede, nte, Ekpeme udim-erɔŋ Abasi emi odude ke otu mbufo; ese ebaŋa mmɔ ke ima esit nte Abasi oyomde, ekuyak etie nte enyenyik mbufo; ekunam emi ebaŋa mbukpo udori, edi enam ke erinyime esit;

ERIYARARE 14:4

Mmɔ emi edi owo emi mikasabakere idem ye iban; koro mmɔ mikɔdɔhɔ ndɔ. Emi edi mmɔ emi etienede Eyen-erɔŋ eka ɔtɔ nte Enye akaka. Ekefak mmɔ esio ke otu owo, ete mmɔ edi akpa mbuŋwum enɔ Abasi ye Eyen-erɔŋ.

ERIYARARE 21:22

Edi ŋkwe temple do, koro Jehovah Abasi Andikara kpukpru ŋkpɔ ye Eyen-erɔŋ edi temple esie.

ERIYARARE 21:23

Obio inyuŋ iyomke utin ye ɔfiɔŋ ndiyama nnɔ enye; koro ubɔŋ Abasi anamde enye aŋwaŋa, Eyen-erɔŋ onyuŋ edide utuenikaŋ esie.

ERIYARARE 21:4

Enye eyekwɔhɔre kpukpru mmɔŋeyet ke enyin mmɔ efep. Mkpa idinyuŋ iduhe aba; eseme ye ntuaŋa ye ubiak idinyuŋ iduhe aba; koro ebe-iso ŋkpɔ ema ebe efep.

ERIYARARE 21:6

Enye ɔdɔhɔ mi ŋko ete, Kpukpru ŋkpɔ ema esu ema. Ami ndi Alpha ye Omega, ntɔŋɔ ye utit. Owo eke okopde nsat-itɔŋ, Ami nyekoi mmɔŋ ke idim mmɔŋ uwem nnɔ enye ɔŋwɔŋ ke ikpikpu.

ERIYARARE 22:1

EKEM angel owut mi akpa mmɔŋ uwem, emi asakde nte crystal, emi otode ke ebekpo Abasi ye eke Eyen-erɔŋ, asaŋa ebe ke ufɔt efak obio.

ERIYARARE 4:11

Ɔbɔŋ ye Abasi nnyin, Afo omodot ndibɔ ubɔŋ ye ukpono ye odudu, koro Afo okobotde kpukpru ŋkpɔ; ndien oto uduak Fo ke mmɔ edu, ekenyuŋ eboro.

ERIYARARE 5:6

Ndien ŋkut ke ufɔt ebekpo, ye ke ufɔt ŋkpɔ-uwem inaŋ, ye ke ufɔt mbiowo, Eyen-erɔŋ adade do, nte ŋkpɔ eke ekewotde Enye; Enye onyuŋ enyene nduk itiaba ye enyin itiaba, emi edide mme Spirit Abasi itiaba, emi esiode edɔŋ ke ofuri isɔŋ.