ERIYARARE 7:14 - Edisana ñwed Abasi Ibom

¹⁴ Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.

ERIYARARE 7:14 ပူးပေါင်းရင်းမြစ်များ

ŊWED JOB 11:16

Koro afo eyefre ukut fo, onyuŋ eti enye nte mmɔŋ eke ekebede aka;

EXODUS 37:3

Enye onyuŋ atara gold anam mkpanuen inaŋ ɔnɔ enye, esin ke utɔŋ esie mbinaŋ; ndien mkpanuen iba esine ke ŋkaŋ esie kiet, ye mkpanuen iba ke ŋkaŋ esie eken.

ISAIAH 1:18

Jehovah ɔdɔhɔ ete, Mbufo edi ndien, nnyin ikpe ikɔ: mme idiɔk ido mbufo ekpetie nte iduot, eyefia nte snow; ekpeyibe nte crimson, eyekabare nte idet erɔŋ.

DANIEL 11:35

Ndien ndusuk mmɔ emi edide ɔniɔŋ eyeduɔŋɔ, man edomo mmɔ, enyuŋ esio mmɔ ndek ke idem efep, enyuŋ enam mmɔ esana, tutu osim ke utit ini: koro osuk ebetde ini emi ekedoride.

DANIEL 12:1

NDIEN ke ini oro Michael akwa ɔbɔŋ emi adade abaŋa nditɔ oruk fo, eyedaha ada: ndien ini oro eyedi ini ukut emi oruk esie akanam miduhe toto nte idut okodu, tutu osim ini oro: ndien ke ini oro oruk fo eyebɔhɔ, kpukpru mmɔ emi ewetde esin ke ŋwed oro.

DANIEL 7:16

Nsaŋa ŋkpere owo mmɔ kiet emi edade do, nnyuŋ mbup enye akpanikɔ ofuri ŋkpɔ emi. Ndien enye etiŋ ɔnɔ mi, onyuŋ asian mi nte ŋkpɔ emi ediwɔrɔde.

ZECHARIAH 13:1

KE usen oro idim eyesiaha ɔnɔ ufɔk David ye mme andiduŋ Jerusalem, ke eke idiɔk ido ye ke eke ndek.

MATTHEW 24:21

koro ke ini oro akwa ukut eyedu, oruk eke akanam miduhe toto ke eritɔŋɔ ererimbot tutu osim emi, eke midinyuŋ iduhe aba.

MARK 13:19

Koro mme usen oro edidi mme usen ukut, eke oruk oro akanam miduhe toto Abasi ɔkɔtɔŋɔ ndibot ŋkpɔ tutu osim emi, midinyuŋ iduhe aba.

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

UTOM MME APOSTLE 14:22

ekpe ye mmɔ ete esuk eyire ke mbuɔtidem, enyuŋ esian mmɔ ete, nnyin inyene ndibe ke ediwak ukut nduk ke Obio Ubɔŋ Abasi.

ŊWED MBON ROME 5:3

Akan oro, edi nnyin imobure mbure ke ukut nnyin ŋko, sia ifiɔkde ite ukut ɔwɔrɔ ime;

1 ŊWED CORINTH 6:11

Ndien ndusuk mbufo eketie ntem; edi ema eyet mbufo, ema enam mbufo esana, ema etebe mbufo ikpe ke enyiŋ Ɔbɔŋ Jesus Christ, ye ke Spirit Abasi nnyin.

2 ŊWED THESSALONICA 1:4

tutu nnyin ke idem nnyin ibure mbure ibaŋa mbufo ke mme ufɔk Abasi, ke ime ye mbuɔtidem eke mbufo enyenede ke kpukpru isin-enyin ye ukut eke mbufo ekutde:

MME HEBREW 13:12

Mmɔdo Jesus ŋko akakpade ke edem inua-otop obio, man Enye anam mbio-obio esana ke iyip Esiemɔ.

MME HEBREW 9:14

ŋwaŋwaediso ke iyip Christ, emi ke odudu nsinsi Spirit akawade Idem esie ɔnɔ Abasi nte ata edisana uwa, ediyet esit mbufo, anam mbufo ebɔhɔ utom mkpa, enyuŋ enam ŋkpɔ enɔ Abasi uwem.

1 PETER 1:19

edi ekada iyip eke ɔsɔŋde urua efak mbufo, nte iyip eyen-erɔŋ eke ananade ndo onyuŋ ananade ntɔi, kpa eke Christ:

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;

ERIYARARE 12:11

Mmɔ ema ekan enye oto ke iyip Eyen-erɔŋ, Onyuŋ oto ke se mmɔ etiŋde nte ntiense. Mmɔ imaŋa uwem mmɔ tutu osim mkpa.

ERIYARARE 15:2

Ekem ŋkut se ibietde inyaŋ glass emi abuahade ye ikaŋ; ye mmɔ emi ekekande ebɔhɔ unam oro ye mbiet esie ye ibat enyiŋ esie, nte edade ke mben inyaŋ glass oro, ye harp Abasi ke ubɔk mmɔ.

ERIYARARE 17:6

Ndien ŋkut ŋwan oro nte ɔŋwɔŋde iyip nti ikɔt Abasi ye eke mme ntiense Jesus ɔyuhɔ. Ke adaŋemi ŋkutde enye, idem akpa mi eti-eti.

ERIYARARE 2:9

Mmɔfiɔk ukut ye ubuene fo (edi emenyene inyene) ye isuŋi emi ɔbɔde ke ubɔk mmɔ emi edɔhɔde ete idi mme Jew, minyuŋ idige, edi edi synagogue Satan.

ERIYARARE 22:14

Ɔfɔfɔn ɔnɔ mmɔ eke eyetde ɔfɔŋidem mmɔ asana, man mmɔ ekpenyene unen ndisim eto uwem, ekpenyuŋ ebe ke inua-otop eduk ke esit obio.

ERIYARARE 5:9

Ndien mmɔ ekwɔ obufa ikwɔ ete, Afo omodot ndida ŋwed, ndinyuŋ ndianare mme ufik-ŋkpɔ esie; koro ekewotde Fi, Afo ama onyuŋ ada iyip fo osio owo ke kpukpru esien, ye usem, ye obio, ye idut, afak mmɔ ɔnɔ Abasi;

ERIYARARE 7:9

Ke ŋkpɔ emi ema ekebe, ŋkut, ndien sese, akwa otu owo, eke baba owo kiet mikemeke ndibat, eke etode ke kpukpru obio ye esien ye idut ye usem eda ke iso ebekpo ye ke iso Eyen-erɔŋ, esine mfia ɔfɔŋidem, enyuŋ ekama ndak eyop ke ubɔk;