ERIYARARE 7:10 - Edisana ñwed Abasi Ibom

¹⁰ mmɔ enyuŋ efiori ke ɔkpɔsɔŋ uyo, ete, Yak erinyaŋa enyene Abasi nnyin emi etiede ke ebekpo, Onyuŋ enyene Eyen-erɔŋ.

ERIYARARE 7:10 ပူးပေါင်းရင်းမြစ်များ

ŊWED MME PSALM 115:1

KUNƆ nnyin, O Jehovah, kunɔ nnyin, edi nɔ enyiŋ fo ubɔŋ, baŋa ima fo ye akpanikɔ fo.

ŊWED MME PSALM 3:8

Erinyaŋa edi ŋkpɔ Jehovah; afo ɔmɔdiɔŋ ikɔt fo. [Selah.]

ŊWED MME PSALM 37:39

Ndien edi Jehovah anyaŋa nti owo: enye edi odudu mmɔ ke ini ukut.

ISAIAH 43:11

Ami, ami ndi Jehovah; ndien baba andinyaŋa kiet iduhe ke mibɔhɔke ami.

ISAIAH 45:15

Ke akpanikɔ afo edi Abasi eke odibede, O Abasi Israel, andinyaŋa.

ISAIAH 45:21

Mbufo etiŋ, enyuŋ eda edi; yak mmɔ enyuŋ esobo ibuot ɔtɔ kiet: anie okobuk emi ke eset? anie eketiŋ enye tutu ko? Nte idige ami Jehovah? ndien Abasi efen iduhe ke mibɔhɔke ami: edinen Abasi emi onyuŋ edide andinyaŋa iduhe ikɔrɔ ye ami.

JEREMIAH 3:23

Ke akpanikɔ ŋkpri obot ye akwa otu ikpɔ obot edi ŋkpɔ nsu: ke akpanikɔ erinyaŋa Israel odu ke Jehovah Abasi nnyin.

HOSEA 13:4

Ndien edi ami ŋkedi Jehovah Abasi fo toto ke isɔŋ Egypt; kufiɔk ndien Abasi ke mibɔhɔke ami: koro baba andinyaŋa kiet miduhe ikɔrɔ ye ami.

JONAH 2:9

Ndien ami nyeda uyo ekɔm ŋwa uwa nnɔ fi; nyesio se ŋkakaŋade. Erinyaŋa enyene Jehova.

ZECHARIAH 4:7

Afo akamba obot edi nso ŋkpɔ? Afo eyekabare edi una-isɔŋ ke iso Zerubbabel: ndien enye eyesio itiat ibuot ke mkpo idara, ete, Ufɔn, ufɔn enyene enye.

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

LUKE 3:6

Kpukpru owo eyenyuŋ ekut erinyaŋa Jehovah.

JOHN 1:29

Ke ndaŋ-nsiere John okut nte Jesus asaŋade ekpere enye, onyuŋ ɔdɔhɔ ete, Sese, Eyen-erɔŋ Abasi emi emende mme idiɔk-ŋkpɔ ererimbot efep.

JOHN 1:36

onyuŋ ɔdɔhɔ ete, Sese, Eyen-erɔŋ Abasi!

JOHN 4:22

Mbufo etuak ibuot enɔ se mbufo mifiɔkke: nnyin ituak ibuot inɔ se ifiɔkde: koro erinyaŋa otode mme Jew.

ŊWED MBON EPHESUS 2:8

Koro ke mfɔn ke ema enyaŋa mbufo oto ke mbuɔtidem: erinyaŋa emi inyuŋ itoho mbufo; edi Abasi ɔnɔnɔ:

ERIYARARE 12:10

Ndien ŋkop ɔkpɔsɔŋ uyo ke heaven nte ɔdɔhɔde ete, Ke emi, erinyaŋa ye erikara emedi, Ye Ubɔŋ Abasi nnyin ye odudu Christ Esie; Koro ema esio enye emi odoride nditɔ-ete nnyin ikɔ eduɔk ke isɔŋ. Emi odoride mmɔ ikɔ ke iso Abasi ke uwemeyo ye okoneyo.

ERIYARARE 19:1

KE ŋkpɔ emi ema ekebe, ŋkop se ibietde uyo akwa otu owo nte ɔdɔhɔde ke heaven, ete, Hallelujah; Erinyaŋa, ye ubɔŋ, ye ukeme enyene Abasi nnyin:

ERIYARARE 21:5

Anditie ke ebekpo onyuŋ ɔdɔhɔ ete, Sese, mmanam kpukpru ŋkpɔ edi mbufa. Enye onyuŋ ɔdɔhɔ ete, Wet: koro mme ikɔ emi edi akpanikɔ ye se owo okponimde.

ERIYARARE 22:3

Ŋkpɔ nsobo idinyuŋ iduhe aba; ebekpo Abasi ye eke Eyen-erɔŋ eyenyuŋ odu do; ikɔt Esie eyenyuŋ enam ŋkpɔ enɔ Enye;

ERIYARARE 4:6

Ndien ke iso ebekpo se itiede nte inyaŋ a-glass odu, ebiet crystal. Ndien ke ufɔt ebekpo ye ke ŋkan-ŋkuk ebekpo ŋkpɔ-uwem inaŋ edu, emi enyin ɔyɔhɔde mmɔ idem ke iso-iso ye ke edem-edem.

ERIYARARE 5:7

Ndien Enye edi edibɔ ŋwed ke ubɔk nnasia Anditie ke ebekpo.