ERIYARARE 6:9 - Edisana ñwed Abasi Ibom

⁹ Ke adaŋemi Enye ama akadianare ɔyɔhɔ ufik-ŋkpɔ ition, ŋkut ke idak itie-uwa mme ukpɔŋ owo emi ekewotde kabaŋa ikɔ Abasi ye ikɔ-ntiense eke mmɔ enyenede.

ERIYARARE 6:9 ပူးပေါင်းရင်းမြစ်များ

GENESIS 4:10

Ndien Enye ete, Afo akanam nso? uyo iyip eyen-uka ke isɔŋ ke eseseme ɔnɔ mi.

EXODUS 29:12

Nyuŋ da nnuenubɔk fo da iyip enaŋ oro tɔi ke nduk itie-uwa, ndien men kpukpru iyip ŋwaŋa ke ukot itie-uwa.

LEVITICUS 4:7

Oku onyuŋ ada iyip eyet ke nduk itie-ufɔp edinem incense emi odude ke efe esop ke iso Jehovah; onyuŋ ɔduɔk ofuri iyip enaŋ ke ukot itie-ufɔp uwa emi ekperede enyin-usuŋ efe esop.

JOHN 16:2

Mmɔ eyebin mbufo esio ke mme synagogue; ini ke onyuŋ edi eke owo ekededi eke ediwotde mbufo eyese ete imɔ inam ŋkpɔ inɔ Abasi.

2 ŊWED CORINTH 5:8

Ŋkɔm ikokop isɔŋ-esit, onyuŋ odu nnyin ke udɔŋ akan ndidaha ŋkpɔŋ ikpɔhidem ŋkodu ye Ɔbɔŋ.

ŊWED MBON PHILIPPI 1:23

Ekikere asiaha mi iba; ɔdɔŋ mi ndidaha nnyɔŋ ŋkodu ye Christ, koro edi oro otim ɔfɔn akan:

ŊWED MBON PHILIPPI 2:17

Edi edieke eŋwaŋade mi eduɔk ke enyɔŋ uwa eke mbuɔtidem mbufo adade ɔsɔk Abasi, ndat esit nnyuŋ ntiene kpukpru mbufo ndara;

2 ŊWED TIMOTHY 1:8

Mmɔdo kuyak but anam fi ndidi ntiense nnɔ Ɔbɔŋ nnyin, kunyuŋ uyak but anam fi ye ami, owo-ŋkpɔkɔbi Esie; edi kam tiene gospel biom ukut, adaŋa nte asaŋade ekekem ye odudu Abasi:

2 ŊWED TIMOTHY 4:6

Koro ke emi emɔŋ ediŋwaŋa mi eduɔk nte ediŋwɔŋ uwa, ini unyɔŋ mi ke ekpere.

MME HEBREW 12:23

emi ewetde enyiŋ mmɔ ke heaven; enyuŋ esaŋa ekpere Abasi, Ebierikpe ofuri ekondo, ye mme spirit ndinen owo emi enamde mmɔ efɔn ema,

ERIYARARE 1:2

emi eketiede ntiense abaŋa ikɔ Abasi, ye ikɔ-ntiense eke Jesus Christ ɔnɔde, kpa kpukpru ŋkpɔ eke enye okokutde.

ERIYARARE 1:9

Ami John, eyen-ete mbufo, emi mbuanade ye mbufo ke ukut ye Obio Ubɔŋ ye ime eke edude ke Jesus, ŋkodu ke isuo emi ekerede Patmos, ke ntak ikɔ Abasi, ye ikɔ-ntiense mbaŋa Jesus.

ERIYARARE 14:18

Angel eŋwen onyuŋ ɔwɔrɔ ke itie-uwa, kpa angel emi akarade ikaŋ, ndien enye okot andinyene edisɔp ofut ke ɔkpɔsɔŋ uyo ete, Sin edisɔp ofut, kpok mme etuek vine emi edude ke isɔŋ; koro mme grape esie edat ema.

ERIYARARE 16:7

Ndien ŋkop itie-uwa nte ɔdɔhɔde ete, Edi akpanikɔ, O Ɔbɔŋ Abasi, Andikara kpukpru ŋkpɔ, mme ikpe Fo enen enyuŋ edi akpanikɔ.

ERIYARARE 19:10

Ndien nduɔ Enye ke ukot, nte ntuak ibuot nnɔ enye. Edi enye ɔdɔhɔ mi ete, Kunam: ndi asaŋutom ye afo ye nditɔ-ete fo emi enyenede ikɔ-ntiense Jesus: tuak ibuot nɔ Abasi. Koro ikɔ-ntiense Jesus edi spirit prophecy.

ERIYARARE 2:13

Mmɔfiɔk ebiet eke oduŋde do; kpa ebiet eke ebekpo Satan ɔdiɔhɔde; ndien ɔmɔsɔŋɔ omum enyiŋ Mi akama, ukonyuŋ ukaŋke mbuɔtidem Mi, kpa ke mme usen ntiense Mi Antipas, owo akpanikɔ Mi, emi ekowotde ke otu mbufo, ke ebiet oro Satan oduŋde.

ERIYARARE 20:4

Ekem ŋkut mme ebekpo, owo enyuŋ etie ke esit, enyuŋ eyak ubiere ikpe esin mmɔ ke ubɔk; ye mme ukpɔŋ owo oro ekebigide mmɔ ibuot ke ntak ikɔ ntiense Jesus ye ikɔ Abasi, ye kpukpru mmɔ emi mikatuakke ibuot inɔ unam oro ye mbiet esie, mikonyuŋ ibɔhɔ idiɔŋɔ ke ɔkpɔ-iso ye ke ubɔk mmɔ; mmɔ enyuŋ edu uwem, enyuŋ eda ubɔŋ ye Christ ke tɔsin isua.

ERIYARARE 8:3

Angel efen edi edida ekpere itie-uwa enyene ŋkpɔ-ufɔp-incense o-gold; ema enyuŋ enɔ enye ekese incense, ete ada adian ye akam kpukpru ikɔt Abasi ke itie uwa o-gold emi odude ke iso ebekpo.

ERIYARARE 9:13

Ekem ɔyɔhɔ angel itiokiet ofri ukorowo; ndien ŋkop uyo nte otode ke nduk inaŋ eke itie-uwa o-gold, emi odude ke iso Abasi,