ERIYARARE 6:2 - Edisana ñwed Abasi Ibom

² Ndien ŋkut, ndien sese, afia enaŋ-mbakara; andidoro enye ke edem onyuŋ enyene utiga; enyuŋ enɔ enye anyanya; ndien enye ɔwɔrɔ edikan, onyuŋ ɔdɔdiɔŋ akan.

ERIYARARE 6:2 ပူးပေါင်းရင်းမြစ်များ

ŊWED MME PSALM 110:2

Jehovah eyetie ke Zion ɔnɔ esaŋ odudu fo esɔk fi: da ubɔŋ ke otu mme asua fo.

ŊWED MME PSALM 76:7

Afo, kpa afo, emenyene ndik: ndien anie ekeme ndida fi ke iso, ke ini nte esit ayatde fi?

ŊWED MME PSALM 98:1

MBUFO ekwɔ obufa ikwɔ enɔ Jehovah; koro enye anamde mme utibe ŋkpɔ: nnasia esie ye edisana ubɔk esie enam erinyaŋa enɔ enye.

ISAIAH 25:8

Enye eyemen mkpa ke nsinsi; Ɔbɔŋ Jehovah onyuŋ ɔkwɔhɔre kpukpru iso mmɔŋ eyet efep; eyenyuŋ osio esuene ikɔt esiemɔ ke ofuri ererimbot efep: koro edi Jehovah ɔdɔhɔ.

ZECHARIAH 1:8

Ŋkokut ke okoneyo, ndien, sese, owo odoro ke ididuot horse, ndien enye ada ke otu eto myrtle oro edude ke ebedeŋ; ndien horse eken eke edide ididuot, ye aran-aran, ye afia, eda enye ke edem.

MATTHEW 28:18

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

1 ŊWED CORINTH 15:25

Koro Enye enyene ndida ubɔŋ tutu Enye onuk kpukpru mme asua Esie ke idak ikpat.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ERIYARARE 11:18

Mme idut ekeyat esit ndien iyaresit Fo ama edi. Ndien ekem ini nte ekpede ikpe mme akpa-mkpa, enyuŋ enɔde ikɔt Fo mme prophet utip mmɔ, enyuŋ enɔde nti owo eke mmɔ ye mmɔ emi eteŋede enyiŋ Fo, ŋkpri ye ikpɔ; nte enyuŋ esobode mmɔ emi esobode isɔŋ.

ERIYARARE 14:14

Ekem ŋkut, ndien sese, afia ikpa-enyɔŋ; ndien kiet ke etie ke ikpa-enyɔŋ emi ebietde eyen owo; enye ayara anyanya o-gold ke ibuot esie, onyuŋ enyene edisɔp ofut ke ubɔk esie.

ERIYARARE 15:2

Ekem ŋkut se ibietde inyaŋ glass emi abuahade ye ikaŋ; ye mmɔ emi ekekande ebɔhɔ unam oro ye mbiet esie ye ibat enyiŋ esie, nte edade ke mben inyaŋ glass oro, ye harp Abasi ke ubɔk mmɔ.

ERIYARARE 17:14

Mmɔ eyeŋwana ekɔŋ ye Eyen-erɔŋ, ndien Eyen-erɔŋ eyekan mmɔ, koro Enye edide Ɔbɔŋ mbɔŋ ye Edidem ndidem; mmɔ emi edude ye Enye eyenyuŋ ekan, kpa mmɔ emi Abasi okokotde, onyuŋ emekde, emi enyuŋ edide mme anam akpanikɔ.

ERIYARARE 19:14

Ndien udim ekɔŋ emi edude ke heaven edoro ke mfia enaŋ-mbakara etiene Enye ke edem, mmɔ esine ediye linen emi afiade onyuŋ asanade.

ERIYARARE 3:21

Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.

ERIYARARE 9:7

Ndien ŋkukuŋkpɔyɔriyɔ oro ebiet enaŋ-mbakara emi ebeŋede enɔ ekɔŋ; mmɔ enyuŋ eyara ŋkpɔ eke ebietde anyanya o-gold ke ibuot mmɔ, iso mmɔ enyuŋ ebiet iso owo;