ERIYARARE 6:11 - Edisana ñwed Abasi Ibom

¹¹ Ndien enɔ mmɔ kiet kiet afia edisine-ŋkpɔ, enyuŋ edɔhɔ mmɔ ete, ebet kaŋa ke ekpri ibio ini, tutu ibat nsaŋa-utom mmɔ ye nditɔ-ete mmɔ, eke ediwotde nte mmɔ, ɔyɔhɔ.

ERIYARARE 6:11 ပူးပေါင်းရင်းမြစ်များ

DANIEL 12:13

Edi afo ka okuo tutu osim ke utit: ndien afo eyeduɔk odudu, onyuŋ ada ke udeme fo ke utit mme usen.

MATTHEW 10:21

Eyen-eka enyeyuŋ ada eyen-eka ɔnɔ mkpa, ete eyenyuŋ ɔnɔ eyen esie: nditɔ eyenyuŋ edaha eŋwana ye mme ete ye mme eka mmɔ, enyuŋ esin ewot mmɔ.

LUKE 15:22

Edi Ete ɔdɔhɔ ikɔt esie ete, Ewara eda ata eti ɔfɔŋidem oro edisine enye; enyuŋ esine enye mkpanuen ke ubɔk ye ikpa-ukot ke ukot:

JOHN 16:2

Mmɔ eyebin mbufo esio ke mme synagogue; ini ke onyuŋ edi eke owo ekededi eke ediwotde mbufo eyese ete imɔ inam ŋkpɔ inɔ Abasi.

UTOM MME APOSTLE 20:24

Edi mbatke uwem mi ke ŋkpɔ, man ŋkeme ndifehe mbuba mi mma, nnyuŋ nnam utom oro Ɔbɔŋ Jesus ɔnɔde mi, ete ŋkwɔrɔ gospel mfɔn Abasi.

2 ŊWED THESSALONICA 1:7

ndinyuŋ nda nduɔk-odudu nnɔ mbufo emi ekutde ukut, kpa nte Enye edinamde ye nnyin ŋko, ke ini emi Ɔbɔŋ Jesus editode ke heaven ɔbiɔŋɔre ke ikaŋ emi asakde, ye mme angel odudu Esie,

2 ŊWED TIMOTHY 4:7

Mma ŋŋwana eti eŋwan, mma mfehe mbuba mi mma, mma nsɔŋɔ mmum mbuɔtidem ŋkama.

MME HEBREW 11:40

sia Abasi okonimde se ifɔnde ikan ɔnɔ nnyin; ntem ke ikemeke ndinam mmɔ efɔn ema ke nnyin miduhe.

MME HEBREW 12:23

emi ewetde enyiŋ mmɔ ke heaven; enyuŋ esaŋa ekpere Abasi, Ebierikpe ofuri ekondo, ye mme spirit ndinen owo emi enamde mmɔ efɔn ema,

MME HEBREW 4:10

Koro owo ama okoduk ke nduɔk-odudu Abasi, enye odop utom esie, kpa nte Abasi okodopde utom Esiemɔ.

ERIYARARE 10:6

onyuŋ otomo Enye emi odude ke nsinsi, emi okobotde enyɔŋ ye se idude ke esit, ye isɔŋ ye se idude ke esit, ye inyaŋ ye se idude ke esit, ete ini idibihike aba;

ERIYARARE 13:15

Ndien enɔ enye ndinɔ mbiet unam oro ibifik, man enye oro osioro uyo, onyuŋ anam ewot kpukpru owo emi minyimeke ndituak ibuot nnɔ mbiet unam oro.

ERIYARARE 14:13

Ekem ŋkop uyo emi otode ke heaven ɔdɔhɔ ete, Wet ete, Ɔfɔfɔn ɔnɔ mme akpa-mkpa emi ekpade ke Ɔbɔŋ, ɔtɔŋɔde ke ini emi: Spirit ete, Edi ntre; man mmɔ eduɔk odudu ke ɔkpɔsɔŋ utom mmɔ; koro se mmɔ ekenamde etiene mmɔ ke edem.

ERIYARARE 17:6

Ndien ŋkut ŋwan oro nte ɔŋwɔŋde iyip nti ikɔt Abasi ye eke mme ntiense Jesus ɔyuhɔ. Ke adaŋemi ŋkutde enye, idem akpa mi eti-eti.

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.

ERIYARARE 7:9

Ke ŋkpɔ emi ema ekebe, ŋkut, ndien sese, akwa otu owo, eke baba owo kiet mikemeke ndibat, eke etode ke kpukpru obio ye esien ye idut ye usem eda ke iso ebekpo ye ke iso Eyen-erɔŋ, esine mfia ɔfɔŋidem, enyuŋ ekama ndak eyop ke ubɔk;