ERIYARARE 5:9 - Edisana ñwed Abasi Ibom

⁹ Ndien mmɔ ekwɔ obufa ikwɔ ete, Afo omodot ndida ŋwed, ndinyuŋ ndianare mme ufik-ŋkpɔ esie; koro ekewotde Fi, Afo ama onyuŋ ada iyip fo osio owo ke kpukpru esien, ye usem, ye obio, ye idut, afak mmɔ ɔnɔ Abasi;

ERIYARARE 5:9 ပူးပေါင်းရင်းမြစ်များ

ŊWED MME PSALM 144:9

O Abasi, nyekwɔ obufa ikwɔ nnɔ fi: nyeda ndido uruk duop mbre nnɔ fi;

ŊWED MME PSALM 149:1

MBUFO etoro Jehovah. Ekwɔ obufa ikwɔ enɔ Jehovah, ekwɔ itoro esie ke otu esop mbon-ima esie.

ŊWED MME PSALM 33:3

Ekwɔ obufa ikwɔ enɔ enye: etim ebre ke mkpo idara.

ŊWED MME PSALM 40:3

Onyuŋ esin mi obufa ikwɔ ke inua, kpa itoro Abasi nnyin: ediwak owo eyekut, enyuŋ efehe ndik, enyuŋ ebuɔt idem ye Jehovah.

ŊWED MME PSALM 96:1

MBUFO ekwɔ obufa ikwɔ enɔ Jehovah: mbufo, ofuri ekondo, ekwɔ enɔ Jehovah.

ŊWED MME PSALM 98:1

MBUFO ekwɔ obufa ikwɔ enɔ Jehovah; koro enye anamde mme utibe ŋkpɔ: nnasia esie ye edisana ubɔk esie enam erinyaŋa enɔ enye.

ISAIAH 42:10

Mbufo ekwɔ obufa ikwɔ enɔ Jehovah, ye itoro esie ke utit ererimbot, mbufo emi esuhɔde ke inyaŋ, ye se iyɔhɔde ke esit, mbufo mme isuo ye mme andiduŋ mmɔ.

DANIEL 3:4

Ndien ataŋa kiet ɔkwɔrɔ ɔkpɔsɔŋ, ete, Ke ewuk mbufo mme idut, ye obio, ye usem, ete,

DANIEL 4:1

NEBUCHADNEZZAR edidem ɔkɔm kpukpru mme idut ye obio, ye usem, emi eduŋde ke ofuri ererimbot, ete, Yak emem mbufo okpon.

DANIEL 5:19

ndien ubom oro Enye ɔkɔnɔde enye esin kpukpru mme idut ye obio ye usem edikhe enye, enyuŋ enyek ke iso esie; enye owot owo eke enye amade, onyuŋ ada owo eke enye amade onim ke uwem; ofori mmɔ eke enye amade, onyuŋ ɔsuhɔre mmɔ eke enye amade.

DANIEL 6:25

Ndien Darius edidem ewet ɔnɔ kpukpru mme idut, ye obio, ye usem eke eduŋde ke ofuri ererimbot, ete, Emem mbufo akpakam awak.

MATTHEW 20:28

kpa nte Eyen Owo mikedige, man enam ŋkpɔ enɔ Enye edi man Enye anam ŋkpɔ ɔnɔ owo, onyuŋ ɔnɔ uwem Esie ndifak ediwak owo.

MATTHEW 26:28

koro emi edi iyip Mi, eke obufa ediomi, emi eduɔkde ebaŋa ediwak owo, man efen mme idiɔk-ŋkpɔ mmɔ.

UTOM MME APOSTLE 20:28

Etim ese idem mbufo, ye ofuri otu erɔŋ, emi Edisana Spirit okonimde mbufo ke mme andikpeme mmɔ, ete ebɔk mbon ufɔk Abasi, emi Enye ekedepde ke iyip Esie.

1 ŊWED CORINTH 6:20

Mbufo inyuŋ idige eke mbufo. Ekedep mbufo ke ekɔm-urua; mmɔdo enɔ Abasi ubɔŋ ke ikpɔhidem mbufo.

1 ŊWED CORINTH 7:23

Ekedep mbufo ke ekɔm-urua; ekuduk ufin enɔ owo.

ŊWED MBON EPHESUS 1:7

Nnyin inyuŋ inyene ubɔhɔ-ufin nnyin ke Enye oto ke iyip Esie, kpa erifen mme idiɔk-ŋkpɔ nnyin, adaŋa nte mfɔn Esie awakde.

ŊWED MBON EPHESUS 5:19

Eda psalm ye hymn ye ikwɔ spirit eneme nneme ye kiet eken, ekwɔ enyuŋ enam edinem uyom ke esit mbufo enɔ Ɔbɔŋ.

ŊWED MBON COLOSSAE 1:14

emi nnyin inyenede ubɔhɔ-ufin ke Enye, kpa erifen mme idiɔk-ŋkpɔ nnyin.

ŊWED MBON COLOSSAE 1:23

Edieke mbufo eyirede ke mbuɔtidem enyene iwuk enyuŋ esɔŋɔ eda, mindinyuŋ iyakke ŋkpɔ anam mbufo edianare ekpɔŋ idori-enyin gospel emi mbufo ekekopde; kpa gospel emi ekɔkwɔrɔde enɔ kpukpru owo ke idak ikpa-enyɔŋ: emi ekonyuŋ enɔde mi Paul ete ŋkwɔrɔ.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

MME HEBREW 11:14

Koro mmɔ emi etiŋde oruk ikɔ emi eneŋere ewut ete, mme imɔ iyom isɔŋ idem mme imɔ.

2 PETER 2:1

EDI mme prophet abiaŋa ema enyuŋ ebiɔŋɔre ke otu mbio-obio, kpa nte abiaŋa-abiaŋa mme anditeme edinyuŋ edude ke otu mbufo; mmɔ edisaŋa ndibe-ndibe, eda esen ukpep-ŋkpɔ eke osobode ukpɔŋ owo eduk etiene mbufo, edinyuŋ ekaŋ kpa Ɔbɔŋ emi akafakde mmɔ, edinyuŋ esin nsobo abuat idem mmɔ.

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

1 JOHN 2:2

Enye onyuŋ edi usio-isop mme idiɔk-ŋkpɔ nnyin, inyuŋ idige eke nnyin ikpɔŋ, edi eke ofuri ererimbot nde.

ERIYARARE 10:11

Ndien edɔhɔ mi ete afo enyene nditɔnɔ ntak ntiŋ nte prophet ndian ediwak mme idut ye mme obio ye mme usem ye ndidem.

ERIYARARE 11:9

Mme owo eto ke kpukpru obio ye esien ye usem ye idut edi edise okpo mmɔ ke usen ita ye ubak, inyuŋ iyakke ebuk okpo mmɔ ke udi.

ERIYARARE 13:7

Ndien enɔ enye ndiŋwana eŋwan ye ikɔt Abasi, ndinyuŋ ŋkan mmɔ; enyuŋ enɔ enye nsɔŋ-uyo ndikara kpukpru esien ye obio ye usem ye idut.

ERIYARARE 13:8

Ndien kpukpru mme andiduŋ ke isɔŋ eyetuak ibuot enɔ enye, kpa kpukpru owo emi mikewetke enyiŋ esie isin ke ŋwed uwem eke Eyen-erɔŋ, emi ekowotde toto ke eritɔŋɔ ererimbot.

ERIYARARE 14:6

Ekem ŋkut angel eŋwen efefe ke ufɔt enyɔŋ, emi enyenede nsinsi gospel ete ikwɔrɔ inɔ mmɔ emi eduŋde ke isɔŋ, ye kpukpru idut ye esien ye usem ye obio;

ERIYARARE 15:3

Mmɔ enyuŋ ekwɔ ikwɔ Moses owo Abasi ye ikwɔ Eyen-erɔŋ, ete, Mme utom Fo ekponi enyuŋ enyene nyɔ, O Ɔbɔŋ Abasi, Andikara kpukpru ŋkpɔ; Mme usuŋ Fo enen enyuŋ edi akpanikɔ, O Edidem mme obio.

ERIYARARE 17:15

Angel onyuŋ ɔdɔhɔ mi ete, Mmɔŋ oro okokutde, eke akpara etiede ke esit, edi mbio-obio, ye otu owo, ye mme idut ye usem.

ERIYARARE 4:11

Ɔbɔŋ ye Abasi nnyin, Afo omodot ndibɔ ubɔŋ ye ukpono ye odudu, koro Afo okobotde kpukpru ŋkpɔ; ndien oto uduak Fo ke mmɔ edu, ekenyuŋ eboro.

ERIYARARE 5:12

mmɔ enyuŋ edɔhɔ ke ɔkpɔsɔŋ uyo, ete, Eyen-erɔŋ emi ekewotde omodot ndibɔ odudu, ye inyene, ye ifiɔk, ye ukeme, ye ukpono, ye ubɔŋ, ye eridiɔŋ.

ERIYARARE 5:6

Ndien ŋkut ke ufɔt ebekpo, ye ke ufɔt ŋkpɔ-uwem inaŋ, ye ke ufɔt mbiowo, Eyen-erɔŋ adade do, nte ŋkpɔ eke ekewotde Enye; Enye onyuŋ enyene nduk itiaba ye enyin itiaba, emi edide mme Spirit Abasi itiaba, emi esiode edɔŋ ke ofuri isɔŋ.