ERIYARARE 5:6 - Edisana ñwed Abasi Ibom

⁶ Ndien ŋkut ke ufɔt ebekpo, ye ke ufɔt ŋkpɔ-uwem inaŋ, ye ke ufɔt mbiowo, Eyen-erɔŋ adade do, nte ŋkpɔ eke ekewotde Enye; Enye onyuŋ enyene nduk itiaba ye enyin itiaba, emi edide mme Spirit Abasi itiaba, emi esiode edɔŋ ke ofuri isɔŋ.

ERIYARARE 5:6 ပူးပေါင်းရင်းမြစ်များ

2 CHRONICLES 16:9

Koro enyin Jehovah esaŋade ke ofuri ererimbot, ete isɔŋɔ imum mmɔ eke ofuri esit mmɔ odude ye enye ikama. Afo amanam ndisime ke ŋkpɔ emi; koro toto ke ini emi afo eyenyene ekɔŋ.

DANIEL 7:14

Ndien enɔ enye ubɔŋ, ye ukpono, ye itie-edidem, ete kpukpru mme idut ye obio ye usem enam ŋkpɔ enɔ enye: ubɔŋ esie edi nsinsi ubɔŋ eke midikureke, itie-edidem esie idinyuŋ ibiarake.

DANIEL 8:3

Ndien mmenere enyin mi nse, ndien, sese, okukim kiet ke iso akpa oro ada, enye onyuŋ enyene nduk iba: nduk oro enyuŋ ekoŋ; ndien kiet okoŋ akan eken; eke okoŋde onyuŋ etiene enye otibe.

MICAH 4:13

O adiaha Zion, daha ke enyɔŋ, nyuŋ bek: koro nyenam nduk fo edi ukwak, nyenyuŋ nnam ikpat ukot fo edi okpoho: ndien afo eyenuak ediwak mme idut: ndien ami nyenim udori mmɔ nnɔ Jehovah, nyenim inyene mmɔ nnɔ Ɔbɔŋ ofuri ererimbot.

HABAKKUK 3:4

Ndien uyama esie ebiet eyo; nduk otibe enye ke ubɔk: ndien do ke odudu esie odibe.

ZECHARIAH 3:9

Koro, sese, itiat emi ŋkonimde ke iso Joshua; itiat emi kiet enyene enyin itiaba: sese, ami nyekap ŋwed ke esit, ke edi uyo Jehovah mme udim, nyenyuŋ nsɔhi idiɔk ido isɔŋ emi mfep ke usen kiet.

ZECHARIAH 4:10

Koro anie owo esin usen ekpri ŋkpɔ ke ndek? Ndien mmɔ eyedat esit, enyuŋ ekut uruk ŋket ke ubɔk Zerubbabel, kpa mbitiaba emi; mme mmɔ emi edi enyin Jehovah emi esuanade ese ofuri ererimbot.

NUMBERS 7:39

Abak enaŋ kiet, ye okukim kiet, ye eyen erɔŋ isua kiet, ke edifɔp uwa:

NUMBERS 7:57

Abak enaŋ kiet, ye okukim kiet, ye eyen erɔŋ isua kiet, ke edifɔp uwa:

LUKE 1:69

Onyuŋ anam nduk erinyaŋa otibe ɔnɔ nnyin Ke ufɔk owo Esie David,

JOHN 1:29

Ke ndaŋ-nsiere John okut nte Jesus asaŋade ekpere enye, onyuŋ ɔdɔhɔ ete, Sese, Eyen-erɔŋ Abasi emi emende mme idiɔk-ŋkpɔ ererimbot efep.

JOHN 1:36

onyuŋ ɔdɔhɔ ete, Sese, Eyen-erɔŋ Abasi!

UTOM MME APOSTLE 8:32

Itie emi enye okotde ke ŋwed Abasi edi emi, Eda enye nte eyen erɔŋ eka ndiwot; Ndien kpa nte eyen-erɔŋ misioroke uyo ke iso andifat enye idet, Kpa ntre enye inyuŋ itatke inua esie:

ERIYARARE 1:4

John ɔnɔ ŋwed esɔk mme ufɔk Abasi itiaba emi edude ke Asia. Mfɔn ye emem akpakam oto Enye emi odude-du, emi okonyuŋ odude-du, emi edinyuŋ edide, osim mbufo: onyuŋ oto ke mme Spirit itiaba emi edude ke iso ebekpo Esie;

ERIYARARE 12:11

Mmɔ ema ekan enye oto ke iyip Eyen-erɔŋ, Onyuŋ oto ke se mmɔ etiŋde nte ntiense. Mmɔ imaŋa uwem mmɔ tutu osim mkpa.

ERIYARARE 13:8

Ndien kpukpru mme andiduŋ ke isɔŋ eyetuak ibuot enɔ enye, kpa kpukpru owo emi mikewetke enyiŋ esie isin ke ŋwed uwem eke Eyen-erɔŋ, emi ekowotde toto ke eritɔŋɔ ererimbot.

ERIYARARE 14:1

EKEM ŋkut, ndien sese, Eyen-erɔŋ ke adada ke Obot Zion, thousand owo ikie ye aba ye inaŋ enyuŋ eda ye Enye, kpa mmɔ emi ekewetde enyiŋ Esie ye enyiŋ Ete Esie ke ɔkpɔ-iso mmɔ.

ERIYARARE 17:14

Mmɔ eyeŋwana ekɔŋ ye Eyen-erɔŋ, ndien Eyen-erɔŋ eyekan mmɔ, koro Enye edide Ɔbɔŋ mbɔŋ ye Edidem ndidem; mmɔ emi edude ye Enye eyenyuŋ ekan, kpa mmɔ emi Abasi okokotde, onyuŋ emekde, emi enyuŋ edide mme anam akpanikɔ.

ERIYARARE 21:22

Edi ŋkwe temple do, koro Jehovah Abasi Andikara kpukpru ŋkpɔ ye Eyen-erɔŋ edi temple esie.

ERIYARARE 21:23

Obio inyuŋ iyomke utin ye ɔfiɔŋ ndiyama nnɔ enye; koro ubɔŋ Abasi anamde enye aŋwaŋa, Eyen-erɔŋ onyuŋ edide utuenikaŋ esie.

ERIYARARE 22:1

EKEM angel owut mi akpa mmɔŋ uwem, emi asakde nte crystal, emi otode ke ebekpo Abasi ye eke Eyen-erɔŋ, asaŋa ebe ke ufɔt efak obio.

ERIYARARE 22:3

Ŋkpɔ nsobo idinyuŋ iduhe aba; ebekpo Abasi ye eke Eyen-erɔŋ eyenyuŋ odu do; ikɔt Esie eyenyuŋ enam ŋkpɔ enɔ Enye;

ERIYARARE 4:8

Ndien ŋkpɔ-uwem inaŋ oro enyene mba itiokiet, emi enyin eyɔhɔde mmɔ ke enyɔŋ ye ke esit. Mmɔ inyuŋ inyeneke nduɔk-odudu ke uwem-eyo ye ke okoneyo, esuk edɔdɔhɔ ete, Edisana, edisana, edisana, Jehovah Abasi, Andikara kpukpru ŋkpɔ. Enye emi okodude-du, emi onyuŋ odude-du, emi edinyuŋ edide.

ERIYARARE 5:11

Ndien ŋkut nnyuŋ ŋkop uyo ediwak angel, emi ekande ebekpo ye ŋkpɔ-uwem ye mbiowo ekuk; ibat mmɔ osim thousand duop ke itie thousand duop ye mme thousand ke itie thousand;

ERIYARARE 5:12

mmɔ enyuŋ edɔhɔ ke ɔkpɔsɔŋ uyo, ete, Eyen-erɔŋ emi ekewotde omodot ndibɔ odudu, ye inyene, ye ifiɔk, ye ukeme, ye ukpono, ye ubɔŋ, ye eridiɔŋ.

ERIYARARE 5:13

Ndien ŋkop kpukpru ŋkpɔ emi ekebotde, emi edude ke heaven, ye ke isɔŋ, ye ke idak isɔŋ, ye ke inyaŋ, ye kpukpru ŋkpɔ eke edude mmɔ ke esit, nte edɔhɔde ete, Yak eridiɔŋ, ye ukpono, ye ubɔŋ, ye erikara ofuri ekondo, enyene Enye emi etiede ke ebekpo, enyuŋ enyene Eyen-erɔŋ ke nsinsi-nsinsi.

ERIYARARE 5:14

Ndien ŋkpɔ-uwem inaŋ oro edɔhɔ ete, Amen. Mbiowo enyuŋ eduɔŋɔ ke isɔŋ, etuak ibuot.

ERIYARARE 6:16

mmɔ enyuŋ edɔhɔ ikpɔ obot ye ikpɔ itiat, ete, Eduɔ efuk nnyin, enyuŋ edip nnyin, man nnyin ibɔhɔ iso Anditie ke ebekpo ye iyat esit Eyen-erɔŋ;

1 SAMUEL 2:10

Jehovah eyenuak mbon utɔk esie; enye etie ke enyɔŋ ada obuma esie ɔtɔ mmɔ: Jehovah eyekpe ikpe utit ererimbot; eyenyuŋ ɔnɔ edidem esie nsɔŋidem, onyuŋ emen nduk Messiah esie onim ke enyɔŋ.