ERIYARARE 5:11 - Edisana ñwed Abasi Ibom

¹¹ Ndien ŋkut nnyuŋ ŋkop uyo ediwak angel, emi ekande ebekpo ye ŋkpɔ-uwem ye mbiowo ekuk; ibat mmɔ osim thousand duop ke itie thousand duop ye mme thousand ke itie thousand;

ERIYARARE 5:11 ပူးပေါင်းရင်းမြစ်များ

1 NDIDEM 22:19

Ndien enye ɔdɔhɔ ete, Kam kop ndien uyo Jehovah: ŋkokut Jehovah nte enye etiede ke ebekpo esie, kpukpru mme udim enyɔŋ enyuŋ ekpere enye eda ke nnasia ye ke ufien.

ŊWED MME PSALM 103:20

Etoro Jehovah, mbufo mme angel esie, emi edahade uko, emi enamde uyo esie, enyuŋ ekopde uyo ikɔ esie.

ŊWED MME PSALM 148:2

Mbufo, kpukpru angel esie, etoro enye; kpukpru mme udim esie etoro enye.

ŊWED MME PSALM 68:17

Mme chariot Abasi edi tɔsin edip, ye utɔŋɔ ntak tɔsin tɔsin:

DANIEL 7:10

Ikaŋ oto enye ke iso ewet nte akpa mmɔŋ: tɔsin tɔsin ke itie tɔsin enam ŋkpɔ enɔ enye; tɔsin duop ke itie tɔsin duop enyuŋ eda enye ke iso: enim ikpe, enyuŋ ekubɔre ŋwed.

DEUTERONOMY 33:2

Ndien enye ɔdɔhɔ, ete, Jehovah okoto ke Sinai edi, onyuŋ asiaha ke Seir ɔnɔ mmɔ; enye etie ke obot Paran ayama, onyuŋ asaŋa ye tɔsin edisana ikɔt duop edi: ikaŋ oto enye ke ubɔk nnasia ke ewuhɔ mmɔ.

MME HEBREW 12:22

Edi mbufo ekesaŋa ekpere Obot Zion, ye Obio Abasi uwem kpa Jerusalem enyɔŋ, ye ata ediwak angel, ye akwa esop ye ufɔk Abasi eke mmɔ emi edide ikpan,

JUDE 1:14

Enoch, emi edide ɔyɔhɔ owo itiaba nte ekebot Adam, etiŋ ikɔ nte prophet abaŋa mmɔ, ete, Sese, Ɔbɔŋ asaŋa ye ata ediwak ndisana ikɔt Esie edi,

ERIYARARE 19:6

Ndien ŋkop uyo emi ebietde mkpo akwa otu, ye uyom uwak mbufut, ye uyom ɔkpɔsɔŋ obuma ɔdɔhɔde ete, Hallelujah; koro Ɔbɔŋ Abasi nnyin, Andikara kpukpru ŋkpɔ, ada ubɔŋ.

ERIYARARE 4:4

Ebekpo edip ye inaŋ enyuŋ ekan ebekpo oro ekuk; ndien ke mme ebekpo oro mbiowo edip ye inaŋ etie, esine mfia ɔfɔŋidem, enyuŋ eyara anyanya o-gold ke ibuot mmɔ.

ERIYARARE 4:6

Ndien ke iso ebekpo se itiede nte inyaŋ a-glass odu, ebiet crystal. Ndien ke ufɔt ebekpo ye ke ŋkan-ŋkuk ebekpo ŋkpɔ-uwem inaŋ edu, emi enyin ɔyɔhɔde mmɔ idem ke iso-iso ye ke edem-edem.

ERIYARARE 5:14

Ndien ŋkpɔ-uwem inaŋ oro edɔhɔ ete, Amen. Mbiowo enyuŋ eduɔŋɔ ke isɔŋ, etuak ibuot.

ERIYARARE 5:6

Ndien ŋkut ke ufɔt ebekpo, ye ke ufɔt ŋkpɔ-uwem inaŋ, ye ke ufɔt mbiowo, Eyen-erɔŋ adade do, nte ŋkpɔ eke ekewotde Enye; Enye onyuŋ enyene nduk itiaba ye enyin itiaba, emi edide mme Spirit Abasi itiaba, emi esiode edɔŋ ke ofuri isɔŋ.

ERIYARARE 5:8

Ekem ke adaŋemi Enye ɔkɔbɔde ŋwed, ŋkpɔ-uwem inaŋ, ye mbiowo edip ye inaŋ oro eduɔŋɔ ke iso Eyen-erɔŋ; mmɔ kiet kiet enyene harp ye eso o-gold, emi eyɔhɔde ye incense, emi edide mme akam nti ikɔt Abasi.

ERIYARARE 7:11

Ndien kpukpru mme angel edada ekan ebekpo ye mbiowo ye ŋkpɔ-uwem inaŋ oro ekuk; mmɔ enyuŋ eduɔŋɔ ke iso ebekpo ekibi iso ke isɔŋ,

ERIYARARE 9:16

Ndien ibat udim ekɔŋ eke edorode ke enaŋ-mbakara edi thousand duop ke itie thousand duop utim ikaba: ŋkop ibat mmɔ.