ERIYARARE 5:10 - Edisana ñwed Abasi Ibom

¹⁰ omonyuŋ anam mmɔ edi Obio Ubɔŋ ye mme oku enɔ Abasi: mmɔ eyenyuŋ eda ubɔŋ ke isɔŋ.

ERIYARARE 5:10 ပူးပေါင်းရင်းမြစ်များ

EXODUS 19:6

Mbufo eyenyuŋ enyene mi nte obio oku, ye nte edisana idut. Mme ikɔ emi ke afo editiŋ ɔnɔ nditɔ Israel.

DANIEL 7:18

Ndien edisana ikɔt Ata Edikoŋ eyeda ubɔŋ, enyuŋ enyene ubɔŋ ke nsinsi ye ke nsinsi-nsinsi.

DANIEL 7:27

Ndien mmɔ eda itie edidem, ye ubɔŋ, ye ukpono itie-edidem ke idak ofuri enyɔŋ enɔ edisana ikɔt Ata Edikoŋ; ubɔŋ esie edi nsinsi ubɔŋ, kpukpru mbɔŋ eyenyuŋ enam ŋkpɔ esie, enyuŋ ekop uyo esie.

ERIYARARE 1:6

Enye omonyuŋ anam nnyin idi obio Ubɔŋ, idi mme oku inɔ Abasi ye Ete Esie; enɔ Enye ubɔŋ ye erikara ekondo ke nsinsi-nsinsi. Amen.

ERIYARARE 20:4

Ekem ŋkut mme ebekpo, owo enyuŋ etie ke esit, enyuŋ eyak ubiere ikpe esin mmɔ ke ubɔk; ye mme ukpɔŋ owo oro ekebigide mmɔ ibuot ke ntak ikɔ ntiense Jesus ye ikɔ Abasi, ye kpukpru mmɔ emi mikatuakke ibuot inɔ unam oro ye mbiet esie, mikonyuŋ ibɔhɔ idiɔŋɔ ke ɔkpɔ-iso ye ke ubɔk mmɔ; mmɔ enyuŋ edu uwem, enyuŋ eda ubɔŋ ye Christ ke tɔsin isua.

ERIYARARE 20:6

Ɔfɔfɔn ɔnɔ owo emi enyenede udeme ke akpa eriset: enye edi edisana; udiana akpa mkpa inyeneke odudu ke idem mmɔ emi: edi mmɔ eyedi mme oku Abasi ye Christ, mmɔ eyenyuŋ eda ubɔŋ ye Enye ke tɔsin isua.

ERIYARARE 22:5

enyiŋ Esie eyenyuŋ odu mmɔ ke ɔkpɔ-iso. Okoneyo idinyuŋ iduhe aba; mmɔ inyuŋ iyomke uŋwana utuen-ikaŋ mme uŋwana utin; koro Ɔbɔŋ Abasi mmɔ eyenɔ mmɔ uŋwana, ndien mmɔ eyeda ubɔŋ ke nsinsi-nsinsi.

ERIYARARE 3:21

Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.