ERIYARARE 4:9 - Edisana ñwed Abasi Ibom

⁹ Ndien ke adaŋemi ŋkpɔ-uwem edimende ubɔŋ ye ukpono ye ekɔm enɔ Anditie ke ebekpo, kpa

ERIYARARE 4:9 ပူးပေါင်းရင်းမြစ်များ

ŊWED MME PSALM 47:8

Abasi edi edidem mme idut: Abasi ɔmɔsuhɔre etie ke edisana ebekpo esie.

ŊWED MME PSALM 48:14

Koro Abasi emi edide Abasi nnyin ke nsinsi: enye eyeda nnyin usuŋ tutu osim ke mkpa.

EXODUS 15:18

JEHOVAH EYEDA UBƆŊ KE NSINSI.

ISAIAH 6:1

KE isua oro edidem Uzziah akpade, ami nnyuŋ ŋkut Ɔbɔŋ etiede ke edikoŋ ye edimenere ebekpo, ndien akwa ekura esie ɔyɔhɔ ke temple.

DANIEL 12:7

Ndien ŋkop uyo owo oro esinede linen, emi adade ke enyɔŋ mmɔŋ akpa, ndien enye emenere ubɔk nnasia esie ye ubɔk ufien esie ke enyɔŋ, onyuŋ otomo enye emi odude uwem ke nsinsi, ete ke edidi ini, ye ini iba, ye ubak ini; ndien adaŋemi enye edisuande odudu edisana mbio ama, eyema kpukpru ŋkpɔ emi.

DANIEL 4:34

Ekem ke utit ini oro, ami Nebuchadnezzar mmenere enyin mi nse enyɔŋ, ndien ibuot mi ɔtɔŋ ntak ɔfɔn; ndien ami ŋkɔm Ata Edikoŋ, nnyuŋ ntoro, nnyuŋ ŋkpono enye emi odude uwem ke nsinsi, emi akarade ke nsinsi, emi ubɔŋ esie onyuŋ ebigide ke ofuri emana:

DEUTERONOMY 32:40

Koro mmenerede ubɔk mi ke enyɔŋ, nnyuŋ ndɔhɔ nte, Ke ndu uwem ke nsinsi.

MME HEBREW 7:25

Ke ntak emi Enye onyuŋ ekeme ndinyaŋa mmɔ emi esaŋade ke Enye ekpere Abasi ɔyɔhɔ-ɔyɔhɔ, sia enye odude uwem ke nsinsi ndinam mkpe-ubɔk nnɔ mmɔ.

MME HEBREW 7:8

Ndien ke ŋkaŋ emi, mmɔ emi edikpade ebɔ utomo; edi ke ŋkaŋ oko, edi enye emi edɔhɔde ete, enye ke odu uwem.

ERIYARARE 1:18

Ami ndi Mbemiso ye Akpatre ye Andidu uwem; ndien mma ŋkabare ŋkpa, ndien sese, ndodu uwem ke nsinsi, nnyuŋ ŋkama ukpɔhɔre mkpa ye obio ekpo.

ERIYARARE 10:6

onyuŋ otomo Enye emi odude ke nsinsi, emi okobotde enyɔŋ ye se idude ke esit, ye isɔŋ ye se idude ke esit, ye inyaŋ ye se idude ke esit, ete ini idibihike aba;

ERIYARARE 15:7

Ndien kiet ke otu ŋkpɔ-uwem inaŋ ɔnɔ angel itiaba oro eso o-gold itiaba, eke eyɔhɔde ye iyaresit Abasi, Andidu uwem ke nsinsi-nsinsi.

ERIYARARE 21:5

Anditie ke ebekpo onyuŋ ɔdɔhɔ ete, Sese, mmanam kpukpru ŋkpɔ edi mbufa. Enye onyuŋ ɔdɔhɔ ete, Wet: koro mme ikɔ emi edi akpanikɔ ye se owo okponimde.

ERIYARARE 4:2

Idaha oro ŋkabare ndu ke Spirit; ndien sese, ebekpo ɔdiɔhɔ ke heaven, Anditie ke ebekpo onyuŋ odu.

ERIYARARE 4:8

Ndien ŋkpɔ-uwem inaŋ oro enyene mba itiokiet, emi enyin eyɔhɔde mmɔ ke enyɔŋ ye ke esit. Mmɔ inyuŋ inyeneke nduɔk-odudu ke uwem-eyo ye ke okoneyo, esuk edɔdɔhɔ ete, Edisana, edisana, edisana, Jehovah Abasi, Andikara kpukpru ŋkpɔ. Enye emi okodude-du, emi onyuŋ odude-du, emi edinyuŋ edide.

ERIYARARE 5:1

NDIEN ŋkut ŋwed ke ubɔk nnasia Anditie ke ebekpo, emi ewetde ŋkpɔ ke esit-esit ye ke edem-edem; ema enyuŋ eda ufik-ŋkpɔ itiaba esɔŋɔ edian enye.

ERIYARARE 6:16

mmɔ enyuŋ edɔhɔ ikpɔ obot ye ikpɔ itiat, ete, Eduɔ efuk nnyin, enyuŋ edip nnyin, man nnyin ibɔhɔ iso Anditie ke ebekpo ye iyat esit Eyen-erɔŋ;

ERIYARARE 7:15

Mmɔdo mmɔ edude ke iso ebekpo Abasi; enyuŋ enam ŋkpɔ enɔ Enye uwemeyo ye okoneyo ke temple Esie: ndien Enye emi etiede ke ebekpo eyetat ataya Esie ofuk mmɔ.