ERIYARARE 4:8 - Edisana ñwed Abasi Ibom

⁸ Ndien ŋkpɔ-uwem inaŋ oro enyene mba itiokiet, emi enyin eyɔhɔde mmɔ ke enyɔŋ ye ke esit. Mmɔ inyuŋ inyeneke nduɔk-odudu ke uwem-eyo ye ke okoneyo, esuk edɔdɔhɔ ete, Edisana, edisana, edisana, Jehovah Abasi, Andikara kpukpru ŋkpɔ. Enye emi okodude-du, emi onyuŋ odude-du, emi edinyuŋ edide.

ERIYARARE 4:8 ပူးပေါင်းရင်းမြစ်များ

GENESIS 17:1

NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.

ŊWED MME PSALM 91:1

OWO eke etiede ke ndibe ebiet Ata Edikoŋ, ke oduŋ ke mfut Ata Ɔkpɔsɔŋ.

EXODUS 15:11

Anie, ke otu mme abasi ebiet fi O Jehovah? Anie ebiet fi, emi okponde ubɔŋ ke edisana ido, emi eteŋede ke itoro, anamde mme utibe ŋkpɔ?

EXODUS 3:14

Ndien Abasi ɔdɔhɔ Moses ete, AMI NDUDU EMI NDUDU: enye onyuŋ ɔdɔhɔ ete, Ntem ke afo edidɔhɔ nditɔ Israel, ete, AMI NDUDU ɔdɔŋ mi ntiene mbufo.

ISAIAH 13:6

Mbufo etuaŋa; koro usen Jehovah emekpere: ɔmɔŋ edi nte nsobo eke otode Ata Ɔkpɔsɔŋ.

ISAIAH 62:1

NDIDOPKE uyo mbaŋa Zion, ndinyuŋ nnaŋa suŋ mbaŋa Jerusalem, tutu edinen ido esie ɔwɔrɔ nte uyama, ye erinyaŋa esie nte utuenikaŋ eke asakde.

EZEKIEL 1:18

Ama edi mkpanuen mmɔ, mmɔ ekoŋ enyuŋ enyene ndik; enyin-enyin enyuŋ eyɔhɔ mkpanuen ekanare mmɔ mbinaŋ ekuk.

EZEKIEL 1:5

Mbiet ŋkpɔ inaŋ enyuŋ edu enye ke ufɔt, iso mmɔ enyuŋ etie ntem; mmɔ ebiet owo.

EZEKIEL 1:6

Kiet kiet onyuŋ enyene iso inaŋ, kiet kiet onyuŋ enyene mba inaŋ.

EZEKIEL 10:12

Enyin, enyin eyɔhɔ ofuri idem mmɔ, ye edem mmɔ, ye ubɔk mmɔ, ye mba mmɔ, ye mme wheel ŋko, ekan mme wheel mmɔ mbinaŋ ekuk.

JOEL 1:15

Mbɔm usen oro! koro usen Jehovah emekpere, enye eyenyuŋ edi nte nsobo eke otode Ata Ɔkpɔsɔŋ.

UTOM MME APOSTLE 20:31

Ekpeme ndien, enyuŋ eti ete ofuri isua ita ŋketreke nditeme kpukpru owo ke okoneyo ye uwemeyo ye mmɔŋ-eyet.

2 ŊWED CORINTH 6:18

Nnyuŋ ndi Ete mbufo. Ndien mbufo eyedi nditɔ iren Mi ye nditɔ Mi iban. Ntem ke Jehovah Ata Ɔkpɔsɔŋ ɔdɔhɔ.

1 ŊWED THESSALONICA 2:9

Nditɔ-ete, mbufo emeti ɔkpɔsɔŋ utom eke nnyin ikanamde, ye nte nnyin ikakpade mba; ke erinam ubɔkutom nnyin okoneyo ye uwemeyo, mbak nnyin ididi mbiomo inɔ owo mbufo ekededi, nnyin ikɔkwɔrɔ gospel Abasi inɔ mbufo.

1ŊWED TIMOTHY 4:16

Tim kpeme idem fo, ye se afo ekpepde owo. Yire ke erinam utom emi; koro ke erinam utom afo eyenyaŋa idem fo ye mmɔ emi ekopde uyo fo.

2 ŊWED TIMOTHY 4:2

Sin ifik nam emi, ke edide ekem ini, ye ke minyuŋ idige ekem ini, wut mme owo ndudue mmɔ, sua nɔ mmɔ, kpe ye mmɔ; saŋa ye ofuri ime ye erikpep nam utom emi.

MME HEBREW 13:8

Jesus Christ etie ukem-ukem, mkpɔŋ, ye mfin, ye ke nsinsi.

ERIYARARE 1:4

John ɔnɔ ŋwed esɔk mme ufɔk Abasi itiaba emi edude ke Asia. Mfɔn ye emem akpakam oto Enye emi odude-du, emi okonyuŋ odude-du, emi edinyuŋ edide, osim mbufo: onyuŋ oto ke mme Spirit itiaba emi edude ke iso ebekpo Esie;

ERIYARARE 1:8

Ami ndi Alpha ye Omega; ntem ke Jehovah Abasi, emi odude-du, okonyuŋ odude-du, edinyuŋ edide, Andikara kpukpru ŋkpɔ, ɔdɔhɔ.

ERIYARARE 11:17

Abasi, ete, Imɔkɔm Fi, O Ɔbɔŋ Abasi, Andikara kpukpru ŋkpɔ, emi odude-du, okonyuŋ odude-du; koro Afo amada akwa odudu Fo ada ubɔŋ.

ERIYARARE 14:11

ndien nsuŋikaŋ ndutuhɔ mmɔ eyedɔk ke nsinsi-nsinsi: mmɔ inyuŋ ikopke nduɔk-odudu ke uwemeyo ye okoneyo, kpa mmɔ eke etuakde ibuot enɔ unam oro ye mbiet esie, ye owo ekededi eke ɔbɔde idiɔŋɔ enyiŋ esie.

ERIYARARE 14:3

Ndien mmɔ ekwɔ ikwɔ emi etiede nte obufa ikwɔ ke iso ebekpo, ye ke iso ŋkpɔ-uwem inaŋ oro ye mbiowo; baba owo kiet inyuŋ ikemeke ndikpep ikwɔ oro, ke mibɔhɔke thousand owo ikie ye aba ye inaŋ, kpa mmɔ oro ekefakde esio efep ke isɔŋ.

ERIYARARE 15:3

Mmɔ enyuŋ ekwɔ ikwɔ Moses owo Abasi ye ikwɔ Eyen-erɔŋ, ete, Mme utom Fo ekponi enyuŋ enyene nyɔ, O Ɔbɔŋ Abasi, Andikara kpukpru ŋkpɔ; Mme usuŋ Fo enen enyuŋ edi akpanikɔ, O Edidem mme obio.

ERIYARARE 15:7

Ndien kiet ke otu ŋkpɔ-uwem inaŋ ɔnɔ angel itiaba oro eso o-gold itiaba, eke eyɔhɔde ye iyaresit Abasi, Andidu uwem ke nsinsi-nsinsi.

ERIYARARE 16:14

mmɔ edi spirit mme demon emi enamde mme idiɔŋɔ, emi enyuŋ ewɔŋɔde eka ke ɔtɔ ndidem kpukpru ekondo, nditaŋ mmɔ mbok ɔtɔ kiet edi ekɔŋ akwa usen Abasi, Andikara kpukpru ŋkpɔ.

ERIYARARE 16:7

Ndien ŋkop itie-uwa nte ɔdɔhɔde ete, Edi akpanikɔ, O Ɔbɔŋ Abasi, Andikara kpukpru ŋkpɔ, mme ikpe Fo enen enyuŋ edi akpanikɔ.

ERIYARARE 19:15

Edisɔp ofut onyuŋ oto Enye ke inua ɔwɔrɔ, man Enye ada ekpeŋe mme idut; Enye eyenyuŋ ada esaŋ ukwak akara mmɔ. Enye onyuŋ edigi obube udigi-wine ikaŋ-ikaŋ iyaresit Abasi Andikara kpukpru ŋkpɔ.

ERIYARARE 19:4

Ekem mbiowo edip ye inaŋ ye ŋkpɔ-uwem inaŋ oro eduɔ ke isɔŋ etuak ibuot enɔ Abasi emi etiede ke ebekpo, ete, Amen; Hallelujah.

ERIYARARE 21:22

Edi ŋkwe temple do, koro Jehovah Abasi Andikara kpukpru ŋkpɔ ye Eyen-erɔŋ edi temple esie.

ERIYARARE 3:7

Nyuŋ nɔ ŋwed esɔk angel ufɔk Abasi emi odude ke Philadelphia, ete: Ntem ke Enye emi edide edisana, emi edide ata akpanikɔ, emi enyenede ukpɔhɔre David, emi ɔkpɔhɔrede, ndien baba owo kiet iberike; onyuŋ eberide, ndien baba owo kiet ikpɔhɔkere, ɔdɔhɔ ete, Mmɔfiɔk mme utom fo.

ERIYARARE 4:4

Ebekpo edip ye inaŋ enyuŋ ekan ebekpo oro ekuk; ndien ke mme ebekpo oro mbiowo edip ye inaŋ etie, esine mfia ɔfɔŋidem, enyuŋ eyara anyanya o-gold ke ibuot mmɔ.

ERIYARARE 4:6

Ndien ke iso ebekpo se itiede nte inyaŋ a-glass odu, ebiet crystal. Ndien ke ufɔt ebekpo ye ke ŋkan-ŋkuk ebekpo ŋkpɔ-uwem inaŋ edu, emi enyin ɔyɔhɔde mmɔ idem ke iso-iso ye ke edem-edem.

ERIYARARE 4:9

Ndien ke adaŋemi ŋkpɔ-uwem edimende ubɔŋ ye ukpono ye ekɔm enɔ Anditie ke ebekpo, kpa

ERIYARARE 5:6

Ndien ŋkut ke ufɔt ebekpo, ye ke ufɔt ŋkpɔ-uwem inaŋ, ye ke ufɔt mbiowo, Eyen-erɔŋ adade do, nte ŋkpɔ eke ekewotde Enye; Enye onyuŋ enyene nduk itiaba ye enyin itiaba, emi edide mme Spirit Abasi itiaba, emi esiode edɔŋ ke ofuri isɔŋ.

ERIYARARE 6:1

EKEM ŋkut ke adaŋemi Eyenerɔŋ ama akadianare ufik-ŋkpɔ kiet ke itiaba oro, nnyuŋ ŋkop kiet ke otu ŋkpɔ-uwem inaŋ oro, nte ɔdɔhɔde ke uyo eke ebietde obuma, ete, Wɔrɔ di.

ERIYARARE 6:6

Ndien ŋkop nte uyo ke ufɔt ŋkpɔ-uwem inaŋ oro ɔdɔhɔde ete, Idomo ibokpot kiet ke okuk kiet, ye idomo barley ita ke okuk kiet; edi kubiat aran ye wine.

ERIYARARE 7:11

Ndien kpukpru mme angel edada ekan ebekpo ye mbiowo ye ŋkpɔ-uwem inaŋ oro ekuk; mmɔ enyuŋ eduɔŋɔ ke iso ebekpo ekibi iso ke isɔŋ,

ERIYARARE 7:15

Mmɔdo mmɔ edude ke iso ebekpo Abasi; enyuŋ enam ŋkpɔ enɔ Enye uwemeyo ye okoneyo ke temple Esie: ndien Enye emi etiede ke ebekpo eyetat ataya Esie ofuk mmɔ.