ERIYARARE 4:7 - Edisana ñwed Abasi Ibom

⁷ Akpa ŋkpɔ-uwem ebiet lion, udiana ŋkpɔ-uwem ebiet eyenenaŋ, ɔyɔhɔ ŋkpɔ-uwem ita enyene iso nte eke owo, ɔyɔhɔ ŋkpɔ-uwem inaŋ ebiet nturukpom eke efede.

ERIYARARE 4:7 ပူးပေါင်းရင်းမြစ်များ

GENESIS 49:9

fi. Judah edi abak eyen lion; eyen mi! afo ɔmɔdɔk ɔkpɔŋ se akawaide; enye ɔnuhɔ, ɔkubɔ nte lion, ye uman lion; anie edibumere enye?

2 SAMUEL 1:23

Saul ye Jonathan ema, enyuŋ enem, kiet eken ke uwem mmɔ, ndien ibahakede mmɔ ke mkpa mmɔ: mmɔ esɔsɔp ekan ntrukpom, esɔŋ idem ekan lion.

MME ŊKE 28:2

Mme idiɔk ido obio esin mbɔŋ esie ewak: edi owo asian eke ɔfiɔkde se inende eyenam enye ebigi.

ISAIAH 40:31

edi mmɔ eke eberede ye Jehovah eyekop obufa nsɔŋidem; eyedɔk ke mba nte ntrukpom; eyefeŋe, ndien idikpɔtke; eyesaŋa, edi idikpaha mba.

EZEKIEL 1:10

Ndien ama edi mbiet iso mmɔ, iso owo ye iso lion edu mmɔ mbinaŋ ke nnasia: mmɔ mbinaŋ enyuŋ enyene iso enaŋ ke ufien; mmɔ mbinaŋ enyuŋ enyene iso ntrukpom.

EZEKIEL 1:8

Ubɔk kiet kiet nte eke owo odu mmɔ ke idak mba ke idem mmɔ mbinaŋ, mmɔ mbinaŋ enyuŋ enyene iso mmɔ ye mba mmɔ.

EZEKIEL 10:14

Ndien kpukpru mmɔ kiet kiet enyene iso inaŋ: akpa iso edi iso cherub, udiana-akpa iso edi iso owo, ɔyɔhɔ ita onyuŋ edi iso Lion ŋko, ɔyɔhɔ inaŋ onyuŋ edi iso ntrukpom.

EZEKIEL 10:21

Kiet kiet enyene iso inaŋ, kiet kiet onyuŋ enyene mba inaŋ; ŋkpɔ emi ebietde ubɔk owo onyuŋ odu mmɔ ke idak mba.

DANIEL 7:4

Akpa ebiet lion, onyuŋ enyene mba ntrukpom. Ŋkut tutu edibere enye mba, enyuŋ emenere enye ekpɔŋ isɔŋ, enyuŋ emenere enye ewuk ke ukot esie nte owo, enyuŋ enɔ enye esit owo.

OBADIAH 1:4

Jehovah ɔdɔhɔ, ete Afo ama onim efɔk fo edikoŋ nte ntrukpom, onyuŋ onim enye ke otu ntantafiɔŋ, nyesio fi do nsuhɔre nnim.

NUMBERS 23:24

Sese mbon emi edaha ke enyɔŋ nte lion, enyuŋ emen idem nte abak lion: enye idisuhɔkede ina, tutu ata se awaide, onyuŋ ɔŋwɔŋ iyip ŋkpɔ eke enye owotde.

NUMBERS 24:9

Enye ɔkubɔ, ana nte lion, ye nte abak lion: anie edimenere enye? ɔfɔfɔn ɔnɔ owo eke ɔfɔnde ye afo, onyuŋ ɔdɔdiɔk ɔnɔ owo eke osuŋide fi.

1 ŊWED CORINTH 14:20

Nditɔ-ete mi, ekudi nditɔwɔŋ ke ekikere, edi ke erinam ibak etie nte nsek nditɔ; edi ke ekikere etie nte ikpɔ owo.

DEUTERONOMY 28:49

Jehovah eyeda idut ke anyan ebiet, ke utit ererimbot, etiene fi, kpa nte ntrukpom efede; idut eke afo mudukopke usem mmɔ;

ERIYARARE 4:6

Ndien ke iso ebekpo se itiede nte inyaŋ a-glass odu, ebiet crystal. Ndien ke ufɔt ebekpo ye ke ŋkan-ŋkuk ebekpo ŋkpɔ-uwem inaŋ edu, emi enyin ɔyɔhɔde mmɔ idem ke iso-iso ye ke edem-edem.

ERIYARARE 6:3

Ke adaŋdemi Enye ama akadianare ɔyɔhɔ ufik-ŋkpɔ iba, ŋkop nte udiana ŋkpɔ-uwem ɔdɔhɔde ete, Wɔrɔ di.

ERIYARARE 6:5

Ke adaŋemi Enye ama akadianare ɔyɔhɔ ufik-ŋkpɔ ita, ŋkop nte ɔyɔhɔ ŋkpɔ-uwem ita ɔdɔhɔde ete, Wɔrɔ di. Ndien ŋkut, ndien sese, obubit enaŋ-mbakara; andidoro enye ke edem onyuŋ enyene udomo-ŋkpɔ ke ubɔk.

ERIYARARE 6:7

Ke adaŋemi Enye ama akadianare ɔyɔhɔ ufik—ŋkpɔ inaŋ, ŋkop nte uyo ɔyɔhɔ ŋkpɔ-uwem inaŋ ɔdɔhɔde ete, wɔrɔ di.