ERIYARARE 4:6 - Edisana ñwed Abasi Ibom

⁶ Ndien ke iso ebekpo se itiede nte inyaŋ a-glass odu, ebiet crystal. Ndien ke ufɔt ebekpo ye ke ŋkan-ŋkuk ebekpo ŋkpɔ-uwem inaŋ edu, emi enyin ɔyɔhɔde mmɔ idem ke iso-iso ye ke edem-edem.

ERIYARARE 4:6 ပူးပေါင်းရင်းမြစ်များ

1 NDIDEM 7:23

Enye onyuŋ atara okpoho anam mkpɔdiɔhɔ-mmɔŋ; enye edi ibio-idomo-okuk duop ɔtɔŋɔde ke mben kiet osim mben eken, ekara-ekara; idaha esie edi ibio-idomo-okuk ition, uruk ibio-idomo-okuk edip ye duop onyuŋ akanade enye okuk.

ŊWED JOB 28:17

Ibatke enye ikem ye gold ye glass: inyuŋ idaha ŋkpɔ eti gold ikpuhɔ enye.

EXODUS 38:8

Enye onyuŋ ada okuriso iban emi esaŋade utom ke enyin-usuŋ efe esop, anam akpaŋkpaŋ ye ukot esie, ke okpoho.

EZEKIEL 10:12

Enyin, enyin eyɔhɔ ofuri idem mmɔ, ye edem mmɔ, ye ubɔk mmɔ, ye mba mmɔ, ye mme wheel ŋko, ekan mme wheel mmɔ mbinaŋ ekuk.

EZEKIEL 10:14

Ndien kpukpru mmɔ kiet kiet enyene iso inaŋ: akpa iso edi iso cherub, udiana-akpa iso edi iso owo, ɔyɔhɔ ita onyuŋ edi iso Lion ŋko, ɔyɔhɔ inaŋ onyuŋ edi iso ntrukpom.

ERIYARARE 14:3

Ndien mmɔ ekwɔ ikwɔ emi etiede nte obufa ikwɔ ke iso ebekpo, ye ke iso ŋkpɔ-uwem inaŋ oro ye mbiowo; baba owo kiet inyuŋ ikemeke ndikpep ikwɔ oro, ke mibɔhɔke thousand owo ikie ye aba ye inaŋ, kpa mmɔ oro ekefakde esio efep ke isɔŋ.

ERIYARARE 15:2

Ekem ŋkut se ibietde inyaŋ glass emi abuahade ye ikaŋ; ye mmɔ emi ekekande ebɔhɔ unam oro ye mbiet esie ye ibat enyiŋ esie, nte edade ke mben inyaŋ glass oro, ye harp Abasi ke ubɔk mmɔ.

ERIYARARE 15:7

Ndien kiet ke otu ŋkpɔ-uwem inaŋ ɔnɔ angel itiaba oro eso o-gold itiaba, eke eyɔhɔde ye iyaresit Abasi, Andidu uwem ke nsinsi-nsinsi.

ERIYARARE 19:4

Ekem mbiowo edip ye inaŋ ye ŋkpɔ-uwem inaŋ oro eduɔ ke isɔŋ etuak ibuot enɔ Abasi emi etiede ke ebekpo, ete, Amen; Hallelujah.

ERIYARARE 21:11

uyama esie ebiet ata ɔsɔŋ-urua itiat, etie nte itiat jasper, asak nte crystal.

ERIYARARE 21:18

Ema ebɔp ibibene oro ke jasper; obio ata eti gold, ebiet nsak-nsak edisana glass.

ERIYARARE 21:21

Inua-otop duopeba edi pearl duopeba, enam inua-otop kiet ke pearl kiet. Efak obio onyuŋ edi edisana gold, ebiet edisana glass.

ERIYARARE 22:1

EKEM angel owut mi akpa mmɔŋ uwem, emi asakde nte crystal, emi otode ke ebekpo Abasi ye eke Eyen-erɔŋ, asaŋa ebe ke ufɔt efak obio.

ERIYARARE 4:4

Ebekpo edip ye inaŋ enyuŋ ekan ebekpo oro ekuk; ndien ke mme ebekpo oro mbiowo edip ye inaŋ etie, esine mfia ɔfɔŋidem, enyuŋ eyara anyanya o-gold ke ibuot mmɔ.

ERIYARARE 5:11

Ndien ŋkut nnyuŋ ŋkop uyo ediwak angel, emi ekande ebekpo ye ŋkpɔ-uwem ye mbiowo ekuk; ibat mmɔ osim thousand duop ke itie thousand duop ye mme thousand ke itie thousand;

ERIYARARE 5:14

Ndien ŋkpɔ-uwem inaŋ oro edɔhɔ ete, Amen. Mbiowo enyuŋ eduɔŋɔ ke isɔŋ, etuak ibuot.

ERIYARARE 5:6

Ndien ŋkut ke ufɔt ebekpo, ye ke ufɔt ŋkpɔ-uwem inaŋ, ye ke ufɔt mbiowo, Eyen-erɔŋ adade do, nte ŋkpɔ eke ekewotde Enye; Enye onyuŋ enyene nduk itiaba ye enyin itiaba, emi edide mme Spirit Abasi itiaba, emi esiode edɔŋ ke ofuri isɔŋ.

ERIYARARE 5:8

Ekem ke adaŋemi Enye ɔkɔbɔde ŋwed, ŋkpɔ-uwem inaŋ, ye mbiowo edip ye inaŋ oro eduɔŋɔ ke iso Eyen-erɔŋ; mmɔ kiet kiet enyene harp ye eso o-gold, emi eyɔhɔde ye incense, emi edide mme akam nti ikɔt Abasi.

ERIYARARE 6:1

EKEM ŋkut ke adaŋemi Eyenerɔŋ ama akadianare ufik-ŋkpɔ kiet ke itiaba oro, nnyuŋ ŋkop kiet ke otu ŋkpɔ-uwem inaŋ oro, nte ɔdɔhɔde ke uyo eke ebietde obuma, ete, Wɔrɔ di.

ERIYARARE 6:6

Ndien ŋkop nte uyo ke ufɔt ŋkpɔ-uwem inaŋ oro ɔdɔhɔde ete, Idomo ibokpot kiet ke okuk kiet, ye idomo barley ita ke okuk kiet; edi kubiat aran ye wine.

ERIYARARE 7:11

Ndien kpukpru mme angel edada ekan ebekpo ye mbiowo ye ŋkpɔ-uwem inaŋ oro ekuk; mmɔ enyuŋ eduɔŋɔ ke iso ebekpo ekibi iso ke isɔŋ,

ERIYARARE 7:17

eyo mme ufiop ekededi idinyuŋ imiaŋa mmɔ: koro Eyen-erɔŋ emi etiede ke ufɔt ebekpo eyedi Andikpeme mmɔ, eyenyuŋ ada mmɔ aka ke idim mmɔŋ uwem: ndien Abasi eyekwɔhɔre kpukpru mmɔŋ eyet ke enyin mmɔ efep.