ERIYARARE 4:5 - Edisana ñwed Abasi Ibom

⁵ Emireŋ-mireŋ ye mme uyo ye obuma enyuŋ eto ke ebekpo ewɔŋɔ; utuenikaŋ itiaba eke ikaŋ ke esasak ke iso ebekpo, emi edide mme Spirit Abasi itiaba.

ERIYARARE 4:5 ပူးပေါင်းရင်းမြစ်များ

GENESIS 15:7

Ndien enye ɔdɔhɔ enye, ete, Ami ndi Jehovah emi ŋkosiode fi ke Ur mme Chaldee, nte nnɔ fi isɔŋ emi ada enye enyene.

2 CHRONICLES 4:20

ye mme utuenikaŋ mmɔ, ke oruk mmɔ, man esak ke iso ubet-etak, ke edisana gold:

ŊWED MME PSALM 68:35

O Abasi, afo emenyene ndik ke edisana ebiet fo: ke edi Abasi Israel ɔnɔ ikɔt esie nsɔŋ-idem ye odudu. Ekɔm Abasi.

EXODUS 19:16

Edikem ke ɔyɔhɔ usen ita, ke ini eyo esierede, uyom enyɔŋ ye obuma edu, idiɔk enyɔŋ onyuŋ ofuk obot, uyom ukorowo onyuŋ ɔsɔŋ eti-eti; ndien kpukpru owo eke edude ke nna enyek idem.

EXODUS 20:18

Ndien kpukpru owo ekut uyom enyɔŋ; ye obuma, ye uyom ukorowo, ye nte obot ɔwɔrɔde nsuŋikaŋ: ndien adaŋemi kpukpru owo ekutde, mmɔ efiak edem, ekeda nsan-nsan.

EXODUS 25:37

Nyuŋ nam utuenikaŋ esie itiaba; ndien domo mme utuenikaŋ esie, man eŋwaŋa edem emi asakde iso ese enye.

EXODUS 37:23

Enye onyuŋ ada ata eti gold anam utuenikaŋ esie itiaba, ye udiɔŋ-utuenikaŋ esie, ye usin-udiɔŋ esie.

EZEKIEL 1:13

Ndien ama edi mbiet ŋkpɔ oro, mmɔ ebiet ebok ikaŋ eke asakde, ebiet nte utuenikaŋ etiede, enye asaŋa aka iso, asaŋa afiak edem ke otu ŋkpɔ uwem oro, ikaŋ onyuŋ asak, mineŋ-mineŋ onyuŋ oto ke ikaŋ oro.

JOEL 3:16

Ndien Jehovah eyetie ke Zion ofiori, onyuŋ etie ke Jerusalem osioro uyo esie: ndien enyɔŋ ye isɔŋ eyenyek: Jehovah eyenyuŋ edi ubɔhɔ ikɔt esie, edi odudu nditɔ Israel.

ZECHARIAH 4:2

Ndien enye obup mi, ete, Afo omokut nso ŋkpɔ? Ndien ami ndɔhɔ nte, Mmokut, ndien, sese, uwuk-utuenikaŋ eke enamde ofuri ke gold, ye bowl esie ke ibuot esie, utuenikaŋ itiaba esie enyuŋ edoro enye; mme utuenikaŋ emi edoro enye enyuŋ enyene ekwa itiaba itiaba;

MATTHEW 25:1

ADAŊORO eyeda Obio Ubɔŋ Heaven edomo ye nditɔ-iban duop, eke emende utuenikaŋ mmɔ ewɔŋɔ eka ekosobo ye ɔdɔ-ndɔ.

MATTHEW 3:11

Ami nda mmɔŋ nnim mbufo baptism, man ekabare esit: edi Enye emi etienede Mi ke edem enyene odudu akan mi, emi mmendotke ndikama ikpa-ukɔt Esie; Enye eyenim mbufo baptism ke Edisana Spirit ye ikaŋ.

UTOM MME APOSTLE 2:3

Mmɔ enyuŋ ekut mme edeme eke esakde ikaŋ, nte edemede idem edoro mmɔ ke ibuot, edeme kiet ke owo kiet, edeme kiet ke owo kiet.

ERIYARARE 1:4

John ɔnɔ ŋwed esɔk mme ufɔk Abasi itiaba emi edude ke Asia. Mfɔn ye emem akpakam oto Enye emi odude-du, emi okonyuŋ odude-du, emi edinyuŋ edide, osim mbufo: onyuŋ oto ke mme Spirit itiaba emi edude ke iso ebekpo Esie;

ERIYARARE 10:3

onyuŋ ofiori ke ɔkpɔsɔŋ uyo, nte lion okunide: ndien ke adaŋemi enye ofioride, mme obuma itiaba esioro uyo.

ERIYARARE 11:19

Ekem eberere temple Abasi emi odude ke heaven; enyuŋ ekut ekebe ediomi Esie ke temple Esie; ndien emireŋ-mireŋ, ye mme uyo, ye obuma, ye unyek-isɔŋ, ye ɔkpɔsɔŋ edim-itiat etibe.

ERIYARARE 3:1

NYUŊ nɔ ŋwed esɔk angel ufɔk Abasi emi odude ke Sardis, ete: Ntem ke Enye emi enyenede mme Spirit Abasi itiaba, ye ntantafiɔŋ itiaba, ɔdɔhɔ ete; Mmɔfiɔk mme utom fo, nte emenyene enyiŋ, ete ke odu uwem, ndien ama akpa.

ERIYARARE 5:6

Ndien ŋkut ke ufɔt ebekpo, ye ke ufɔt ŋkpɔ-uwem inaŋ, ye ke ufɔt mbiowo, Eyen-erɔŋ adade do, nte ŋkpɔ eke ekewotde Enye; Enye onyuŋ enyene nduk itiaba ye enyin itiaba, emi edide mme Spirit Abasi itiaba, emi esiode edɔŋ ke ofuri isɔŋ.

ERIYARARE 8:5

Angel oro onyuŋ emen ŋkpɔ-ufɔp-incense esin ikaŋ itie-uwa ke esit ɔyɔhɔ, onyuŋ aŋwaŋa ɔduɔk ke isɔŋ; ndien obuma, ye mme uyo, ye emireŋ-mireŋ, ye unyek-isɔŋ, etibe.