ERIYARARE 4:11 - Edisana ñwed Abasi Ibom

¹¹ Ɔbɔŋ ye Abasi nnyin, Afo omodot ndibɔ ubɔŋ ye ukpono ye odudu, koro Afo okobotde kpukpru ŋkpɔ; ndien oto uduak Fo ke mmɔ edu, ekenyuŋ eboro.

ERIYARARE 4:11 ပူးပေါင်းရင်းမြစ်များ

GENESIS 1:1

KE eritɔŋɔ Abasi okobot enyɔŋ ye isɔŋ.

2 SAMUEL 22:4

Nyeseme nnɔ enye emi etorode, kpa Jehovah: ndien eyenyaŋa mi esio mme asua mi ke ubɔk.

NEHEMIAH 9:5

Ndien mme Levite, Jeshua, ye Kadmiel, ye Bani, ye Hashabneiah, ye Sherebiah, ye Hodiah, ye Shebaniah, ye Pethahiah, edɔhɔ, ete, Mbufo edaha ke enyɔŋ ekɔm Jehovah Abasi mbufo ke nsinsi nsinsi: yak mmɔ enyuŋ ekɔm enyiŋ ubɔŋ fo, emi okoŋde akan kpukpru ekɔm ye itoro.

ŊWED JOB 36:3

Nyeda ifiɔk mi ke anyan ebiet ndi, nnyuŋ nnim andibot mi ke edinen.

ŊWED MME PSALM 18:3

Nyeseme nnɔ Jehovah, emi ekpetorode; ndien eyenyaŋa mi esio mme asua mi ke ubɔk.

ŊWED MME PSALM 68:34

Mbufo enɔ Abasi odudu: ubom esie odoro Israel; odudu esie onyuŋ odu ke ikpa-enyɔŋ.

EXODUS 20:11

koro Jehovah akadade usen itiokiet anam enyɔŋ, ye isɔŋ, ye inyaŋ, ye kpukpru se idude mmɔ ke esit, ndien odop ke ɔyɔhɔ usen itiaba: mmɔdo Jehovah ɔdiɔŋde usen sabbath, onyuŋ onim enye ke edisana.

MME ŊKE 16:4

Jehovah amanam kpukpru ŋkpɔ ɔnɔ se ikemde ye mmɔ: anam idem idiɔk owo ɔnɔ usen idiɔk.

ISAIAH 40:26

Emenere enyin mbufo ke enyɔŋ, enyuŋ ese! Anie okobot mme mmɔ emi? Anie ada otu mmɔ ɔwɔrɔ ke ibat mmɔ? Enye osio kpukpru mmɔ enyiŋ: koro nsɔŋidem esie okponde, enye onyuŋ ɔsɔŋ odudu; baba owo mmɔ kiet isopke.

ISAIAH 40:28

Nte afo ufiɔkke? nte afo akanam ukopke? Jehovah emi okobotde mme utit ererimbot edi nsinsi Abasi; enye ikpaha mba, inyuŋ ikpɔtke; idige nte eduŋɔrede asian esie.

JEREMIAH 10:11

Ntem ke mbufo edidɔhɔ mmɔ, ete, Eyesobo mme abasi oro mikenamke enyɔŋ ye isɔŋ, efep ke isɔŋ ye ke idak ikpa-enyɔŋ emi.

JEREMIAH 32:17

Ah, Ɔbɔŋ Jehovah, sese, afo akanam enyɔŋ ye isɔŋ ke akwa odudu fo, ye ke edimenere ubɔk fo, baba ŋkpɔ kiet inyuŋ isɔŋke ikan fi:

UTOM MME APOSTLE 14:15

Mbɔŋ owo, nso ke mbufo enam? Nnyin nde idi owo, ibiet mbufo ke uduot nnyin, inyuŋ ida eti etop isɔk mbufo, ite mbufo ekabare ekpɔŋ mme ikpikpu ŋkpɔ emi etiene Abasi uwem, emi akanamde enyɔŋ ye isɔŋ ye inyaŋ ye kpukpru se idude mmɔ ke esit.

UTOM MME APOSTLE 17:24

Abasi, emi okobotde ererimbot ye kpukpru se idude ke esit, sia Enye edide Ɔbɔŋ enyɔŋ ye isɔŋ, iduŋke ke mme temple eke ubɔk owo enamde;

ŊWED MBON ROME 11:36

Koro kpukpru ŋkpɔ eto Enye, enyuŋ edu ke Enye, enyuŋ ena enɔ Enye. Ubɔŋ enyene Enye ke nsinsi. Amen.

ŊWED MBON EPHESUS 3:9

nnyuŋ nnam aŋwaŋa kpukpru owo enyin nte Abasi akadade ayarare ndibe-ŋkpɔ Esie, emi ɔtɔŋɔde mme eyo odibe ke Abasi, emi edide Andibot kpukpru ŋkpɔ:

DEUTERONOMY 32:4

Akwa itiat, utom esie ɔfɔn ama: koro kpukpru usuŋ esie enende: Abasi akpanikɔ emi minamke ukwaŋkpɔ, enye edi eti ye edinen.

MME HEBREW 1:10

Ŋko, Ke eritɔŋɔ Afo, Ɔbɔŋ, okowuk isɔŋ ke itie esie, Enyɔŋ onyuŋ edi utom ubɔk Fo.

MME HEBREW 1:2

ke ukperedem ini emi ama etiŋ ɔnɔ nnyin ke Eyen; emi Enye ekemekde onim, ete edidi andinyene kpukpru ŋkpɔ, okonyuŋ adade ubɔk Esie obot ekondo:

ERIYARARE 1:6

Enye omonyuŋ anam nnyin idi obio Ubɔŋ, idi mme oku inɔ Abasi ye Ete Esie; enɔ Enye ubɔŋ ye erikara ekondo ke nsinsi-nsinsi. Amen.

ERIYARARE 10:6

onyuŋ otomo Enye emi odude ke nsinsi, emi okobotde enyɔŋ ye se idude ke esit, ye isɔŋ ye se idude ke esit, ye inyaŋ ye se idude ke esit, ete ini idibihike aba;

ERIYARARE 14:7

ndien enye ɔdɔhɔ ke ɔkpɔsɔŋ uyo ete, Mbufo eteŋe Abasi, enyuŋ enɔ Enye ubɔŋ; koro ekem ini ikpe Esie; enyuŋ etuak ibuot enɔ Enye emi okobotde enyɔŋ ye isɔŋ ye inyaŋ ye idim mmɔŋ.

ERIYARARE 19:1

KE ŋkpɔ emi ema ekebe, ŋkop se ibietde uyo akwa otu owo nte ɔdɔhɔde ke heaven, ete, Hallelujah; Erinyaŋa, ye ubɔŋ, ye ukeme enyene Abasi nnyin:

ERIYARARE 5:12

mmɔ enyuŋ edɔhɔ ke ɔkpɔsɔŋ uyo, ete, Eyen-erɔŋ emi ekewotde omodot ndibɔ odudu, ye inyene, ye ifiɔk, ye ukeme, ye ukpono, ye ubɔŋ, ye eridiɔŋ.

ERIYARARE 5:2

Ndien ŋkut ɔkpɔsɔŋ angel nte ɔkwɔrɔde ke ɔkpɔsɔŋ uyo, ete, Anie omodot ndikibɔre ŋwed emi, ndinyuŋ ndianare mme ufik-ŋkpɔ esie?

ERIYARARE 5:9

Ndien mmɔ ekwɔ obufa ikwɔ ete, Afo omodot ndida ŋwed, ndinyuŋ ndianare mme ufik-ŋkpɔ esie; koro ekewotde Fi, Afo ama onyuŋ ada iyip fo osio owo ke kpukpru esien, ye usem, ye obio, ye idut, afak mmɔ ɔnɔ Abasi;