ERIYARARE 3:21 - Edisana ñwed Abasi Ibom

²¹ Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.

ERIYARARE 3:21 ပူးပေါင်းရင်းမြစ်များ

MATTHEW 19:28

Edi Jesus ɔdɔhɔ mmɔ ete, Ke akpanikɔ ke ndɔhɔ mbufo nte, ke ini edinamde ŋkpɔ ekabare edi mbufa, ke adaŋemi Eyen Owo editiede ke ebekpo ubɔŋ Esie, mbufo, emi eketienede Mi, eyenyuŋ etie ke ebekpo duopeba, ekpe ikpe enɔ esien Israel duopeba.

MATTHEW 25:21

Ɔbɔŋ esie ete, Omotim anam, afo eti asaŋutom ye owo akpanikɔ: akanam akpanikɔ ke se miwakke; nyenim fi ekpeme ediwak ŋkpɔ; duk ke idara ɔbɔŋ fo.

MATTHEW 28:18

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

LUKE 22:30

kpasuk ntre ke Ami nnyuŋ nnim nnɔ mbufo nte edia ŋkpɔ enyuŋ eŋwɔŋ ŋkpɔ ke okpokoro Mi ke Obio Ubɔŋ Mi; mbufo eyenyuŋ etie ke ebekpo ekpe ikpe enɔ mme esien Israel duopeba.

JOHN 13:32

Abasi eyenyuŋ ɔnɔ Enye ubɔŋ ke Idem Esie, onyuŋ ɔnɔ Enye ubɔŋ ke idem idahemi.

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

2 ŊWED TIMOTHY 2:12

Edieke imede ime, iyeda ubɔŋ ye Enye; Edieke ikaŋde Enye, Enye eyekaŋ nnyin;

ERIYARARE 1:6

Enye omonyuŋ anam nnyin idi obio Ubɔŋ, idi mme oku inɔ Abasi ye Ete Esie; enɔ Enye ubɔŋ ye erikara ekondo ke nsinsi-nsinsi. Amen.

ERIYARARE 12:11

Mmɔ ema ekan enye oto ke iyip Eyen-erɔŋ, Onyuŋ oto ke se mmɔ etiŋde nte ntiense. Mmɔ imaŋa uwem mmɔ tutu osim mkpa.

ERIYARARE 17:14

Mmɔ eyeŋwana ekɔŋ ye Eyen-erɔŋ, ndien Eyen-erɔŋ eyekan mmɔ, koro Enye edide Ɔbɔŋ mbɔŋ ye Edidem ndidem; mmɔ emi edude ye Enye eyenyuŋ ekan, kpa mmɔ emi Abasi okokotde, onyuŋ emekde, emi enyuŋ edide mme anam akpanikɔ.

ERIYARARE 2:7

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, nyenɔ enye ndidia mfri eto uwem, emi odude ke Paradise Abasi.

ERIYARARE 20:4

Ekem ŋkut mme ebekpo, owo enyuŋ etie ke esit, enyuŋ eyak ubiere ikpe esin mmɔ ke ubɔk; ye mme ukpɔŋ owo oro ekebigide mmɔ ibuot ke ntak ikɔ ntiense Jesus ye ikɔ Abasi, ye kpukpru mmɔ emi mikatuakke ibuot inɔ unam oro ye mbiet esie, mikonyuŋ ibɔhɔ idiɔŋɔ ke ɔkpɔ-iso ye ke ubɔk mmɔ; mmɔ enyuŋ edu uwem, enyuŋ eda ubɔŋ ye Christ ke tɔsin isua.

ERIYARARE 20:6

Ɔfɔfɔn ɔnɔ owo emi enyenede udeme ke akpa eriset: enye edi edisana; udiana akpa mkpa inyeneke odudu ke idem mmɔ emi: edi mmɔ eyedi mme oku Abasi ye Christ, mmɔ eyenyuŋ eda ubɔŋ ye Enye ke tɔsin isua.

ERIYARARE 5:10

omonyuŋ anam mmɔ edi Obio Ubɔŋ ye mme oku enɔ Abasi: mmɔ eyenyuŋ eda ubɔŋ ke isɔŋ.

ERIYARARE 6:2

Ndien ŋkut, ndien sese, afia enaŋ-mbakara; andidoro enye ke edem onyuŋ enyene utiga; enyuŋ enɔ enye anyanya; ndien enye ɔwɔrɔ edikan, onyuŋ ɔdɔdiɔŋ akan.

ERIYARARE 7:17

eyo mme ufiop ekededi idinyuŋ imiaŋa mmɔ: koro Eyen-erɔŋ emi etiede ke ufɔt ebekpo eyedi Andikpeme mmɔ, eyenyuŋ ada mmɔ aka ke idim mmɔŋ uwem: ndien Abasi eyekwɔhɔre kpukpru mmɔŋ eyet ke enyin mmɔ efep.