20 Sese, ndada ke usuŋ ntuak; edieke owo okopde uyo Mi onyuŋ osiode usuŋ, nyeduk ntiene enye, ndia ŋkpɔ ye enye, enye onyuŋ adia ŋkpɔ ye Ami.
kpasuk ntre mbufo ŋko, ke ini ekutde kpukpru ŋkpɔ emi, efiɔk ete Enye ke ekpere, odu ke enyin-usuŋ.
Sɔp di, tetie ke itie udia? nte idikam idɔhɔke enye ite, Nim udia nɔ mi ndia, nyuŋ beŋe idem, fak ɔfɔŋ fo, da mbet tutu ndia nnyuŋ ŋŋwɔŋ ŋkpɔ; ekem afo eyedia onyuŋ ɔŋwɔŋ okuo.
Etie-usuŋ eberere usuŋ ɔnɔ enye; mme erɔŋ enyuŋ ekop uyo esie: ndien enye okot mme erɔŋ esiemɔ ke enyin ke enyiŋ, onyuŋ ada mmɔ ɔwɔrɔ.
Nditɔ-ete, ekusuk kiet eken uyo, mbak owo edikpe ikpe ye mbufo; sese, Ebiere-ikpe ke ada ke enyin-usuŋ.
Angel onyuŋ ɔdɔhɔ mi ete, Ɔfɔnfɔn ɔnɔ mmɔ emi ekekotde edi udia ndɔ Eyen-erɔŋ. Enye onyuŋ ɔdɔhɔ mi ete, Ikɔ emi edi ata ikɔ Abasi.