ERIYARARE 3:19 - Edisana ñwed Abasi Ibom

¹⁹ Ami nsasua nnɔ kpukpru mmɔ emi mmade, nnyuŋ ntunɔ mmɔ; nyene ifiopesit ndien, nyuŋ kabare esit.

ERIYARARE 3:19 ပူးပေါင်းရင်းမြစ်များ

2 SAMUEL 7:14

Ami nyedi ete esie, ndien enye eyedi eyen mi; emi ke ini enye anamde ukwaŋ ido, nyeda eto owo, ye ikpa eyen owo ntunɔ enye:

ŊWED JOB 5:17

Sese, ɔfɔfɔn ɔnɔ owo eke Abasi ɔtunɔde: kusin ndien item Ata Ɔkpɔsɔŋ:

ŊWED MME PSALM 39:11

Afo ada nduari ɔtunɔ owo abaŋa ndudue, onyuŋ abiat ŋkpɔ idaresit esie nte uta-ŋkpɔ: kpukpru owo edi kpasuk ibifik. [Selah.]

ŊWED MME PSALM 6:1

O JEHOVAH, kusua unɔ mi ke iyaresit fo, kunyuŋ utɔnɔ mi ke ifiopesit fo.

ŊWED MME PSALM 69:9

Koro ufup ufɔk fo adiade mi; esuene mmɔ eke esuenede fi onyuŋ ɔduɔ mi ke idem.

ŊWED MME PSALM 94:10

Nte Enye emi ɔnɔde mme idut ufen iditunɔke, Enye emi ekpepde owo ifiɔk?

MME ŊKE 15:10

Ɔkpɔsɔŋ ufen enyene owo eke awahade ɔkpɔŋ usuŋ: owo eke asuade ntunɔ eyekpa.

MME ŊKE 15:32

Owo eke esinde item ese uwem esiemɔ ke ndek: edi owo eke okopde ke esuade enɔ enye, enyene eti ibuot.

MME ŊKE 22:15

Ndisime ido eyire ke esit eyenɔwɔŋ: eto item eyebin enye efep ɔkpɔŋ enye anyan usuŋ.

ISAIAH 26:16

O Jehovah, mmɔ ebine fi ke ini ukut, esioro uyo mkpe-ubɔk: ufen fo odoro mmɔ.

JEREMIAH 10:24

O Jehovah, tunɔ mi, edi nam ke ufat; mbak afo edinam mi ndi ekpri ke iyaresit fo.

JEREMIAH 2:30

Kpukpru mbufo emedue mi. Mmamia nditɔ mbufo ikpikpu; mmɔ ikopke item: ofut mbufo amadia mme prophet mbufo, nte lion eke osobode.

JEREMIAH 30:11

Koro ami ndude ye afo, nte nnyaŋa fi. Jehovah ɔdɔhɔ: koro nyenam kpukpru mme idut eke ŋkasuande fi do etak, edi ndinamke fi atak: edi nyetunɔ fi nte enende, ndien ndiyakke fi ɔbɔhɔ ikpikpu.

JEREMIAH 31:18

Ŋkokop nte Ephraim atuade idem esie, ete, Afo ɔkɔtunɔ mi, ndien ŋkop; ntunɔ, nte abak enaŋ eke mimeheke: kabare mi, ndien nyekabare; koro afo Jehovah edide Abasi mi,

JEREMIAH 7:28

Nyuŋ dɔhɔ mmɔ, ete, Emi edi idut eke mikopke uyo Jehovah Abasi mmɔ, minyuŋ ibɔhɔ item: akpanikɔ omokure, enyuŋ esibe enye ke inua mmɔ efep.

ZEPHANIAH 3:2

Enye ikopke uyo: ibɔhɔ item: ibuɔtke idem esie ye Jehovah; isaŋake ikpere Abasi esie.

MATTHEW 25:7

Ekem kpukpru nditɔ-iban oro edaha ke enyɔŋ, ediɔŋ utuenikaŋ mmɔ.

JOHN 2:17

Mbet Esie eti ete ema ewet ete, Ufup ufɔk Fo eyedia mi.

ŊWED MBON ROME 12:11

ekutek ke ifik mbufo; enyene ifiopesit ke spirit; enam utom enɔ Ɔbɔŋ.

1 ŊWED CORINTH 11:32

Edi ke ini Ɔbɔŋ ekpede ikpe ye nnyin, Enye ɔtunɔ nnyin, mbak edibiom nnyin ikpe ye ererimbot.

2 ŊWED CORINTH 6:9

Ebat nnyin ke didie-didie owo, edi idi ɔwɔrɔ-iso owo; ete, enye edi owo emi oyomde ndikpa, edi sese, ke isuk idodu uwem; ete, enye edi owo emi Abasi ɔtunɔde, edi iwotke wot nnyin; ete enye edi owo mfuhɔ,

2 ŊWED CORINTH 7:11

edi mfuhɔ ido ererimbot ɔsuŋɔ ke mkpa. Mbufo ese kpa idem erifuhɔ emi mbufo efuhɔde, eke ekemde ye ido Abasi; nte enye anamde mbufo etiŋ enyin ekere ŋkpɔ, nte enye esinde mbufo ekaŋ idem, enyuŋ eyat esit; enyuŋ ekop ndik, enyuŋ enyene udɔŋ, enyuŋ ekop ufup, enyuŋ esio usiene. Ke kpukpru usuŋ mbufo emowut idem nte owo emi esanade ke ŋkpɔ emi.

ŊWED MBON GALATIA 4:18

Ɔfɔn owo esin esit ekpek mbufo ke eti utom, edi emi ekpedi kpukpru ini, ikpedige ke ini ndude ye mbufo ikpɔŋ.

DEUTERONOMY 8:5

Fiɔk ndien ke esit fo, ete ke nte owo ɔtunɔde eyen esiemɔ, kpa ntre ke Jehovah Abasi fo ɔtɔtunɔ fi.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

JAMES 1:12

Ɔfɔn ye owo eke ɔsɔŋɔde ada ke idomo, koro ke ema ekedomo enye efiɔk ete ɔfɔn, eyenɔ enye anyanya uwem, emi Ɔbɔŋ ɔkɔ-ŋwɔŋɔde ndinɔ mmɔ emi emade Enye.

ERIYARARE 2:5

Mmɔdo ti itie emi ɔkɔduɔde ɔkpɔŋ, nyuŋ kabare esit, nyuŋ nam se akanamde ke akpa; midige ntre, mmɔŋ ndi ke ɔtɔ fo, nyenyuŋ mmen udiɔk-utuenikaŋ mfep ke itie esie, ke afo mukabakere esit.