ERIYARARE 3:14 - Edisana ñwed Abasi Ibom

¹⁴ Nyuŋ nɔ ŋwed esɔk angel ufɔk Abasi emi odude ke Laodicea, ete: Ntem ke Enye, emi edide Amen, ata ntiense akpanikɔ, ebe-iso ke kpukpru se Abasi obotde, ɔdɔhɔ ete,

ERIYARARE 3:14 ပူးပေါင်းရင်းမြစ်များ

GENESIS 49:3

Reuben! afo edi akpan mi, odudu mi, ye eritɔŋɔ nsɔŋ-idem mi akpan uforo, ye akpan nsɔŋ:

MME ŊKE 14:5

Ntiense akpanikɔ idiyokke nyok: edi ntiense nsu eyeyok nyok.

MME ŊKE 8:22

Jehovah ekenyene mi ke akpa eritɔŋɔ usuŋ esie, ke enye mikainamke ŋkpɔ esie, ke ata eset.

ISAIAH 55:4

Sese, mmonim enye ke ntiense mme idut, ɔbɔŋ ye etubom mme idut.

ISAIAH 65:16

eke owo eke edidiɔŋde idem esie ke isɔŋ edidade Abasi akpanikɔ ɔdiɔŋ; ye owo eke ediŋwɔŋɔde ke isɔŋ edidade Abasi akpanikɔ ɔŋwɔŋɔ; koro emefre akpa ndutuhɔ: koro mmɔ enyuŋ edibede mi ke enyin.

JEREMIAH 42:5

Ndien mmɔ edɔhɔ Jeremiah, ete, Yak Jehovah edi ata akpan ntiense akpanikɔ ke ufɔt nnyin, ete ke nnyin iditreke ndinam kpukpru ikɔ emi Jehovah Abasi fo ɔdɔŋde fi utom ke ɔtɔ nnyin abaŋa.

JOHN 1:3

Oto ke Enye ekenam kpukpru ŋkpɔ; ndien mitoho ke Enye, inamke ŋkpɔ baba kiet eke ekenamde.

JOHN 8:14

Jesus ɔbɔrɔ mmɔ ete, Ami ŋkpededi ntiense nnɔ Idem Mi, ikɔ-ntiense Mi edi akpanikɔ; koro mmɔfiɔk ebiet emi ntode, ye ebiet emi ŋkade: edi mbufo ifiɔkke ebiet emi ntode, ye ebiet emi ŋkade.

2 ŊWED CORINTH 1:20

Mme uŋwɔŋɔ Abasi enyuŋ ewak nte ewewak, ke Enye ke “Edi ntre” odu (mmɔ ewɔrɔ esu ke Enye): mmɔdo onyuŋ oto ke Enye nnyin ibɔrɔ ite, “Amen” (yak edi ntre), inɔ Abasi ubɔŋ.

DEUTERONOMY 21:17

edi yak enye ɔdiɔŋɔ eyen aŋwan usua ke akpan, ke erinɔ enye udeme kpukpru inyene esie mbiba: koro enye edide akpa odude esie; itie akpan enyene enye.

ŊWED MBON COLOSSAE 1:15

Enye edi mbiet Abasi emi enyin owo mikwe; Abasi okobon Enye ete edi Akpan, ndien edibot ofuri ererimbot.

ŊWED MBON COLOSSAE 1:18

Enye onyuŋ edi Ibuot ɔnɔ idem, emi edide ufɔk Abasi: sia Enye edide akpa, emi ekebemde iso amana ke otu mme akpa-mkpa: man Enye ekpedi ebe-iso ke kpukpru ŋkpɔ.

ŊWED MBON COLOSSAE 2:1

KORO nyom mbufo efiɔk ɔkpɔsɔŋ eŋwan eke ŋwanade mbaŋa mbufo, ye mmɔ emi edude ke Laodicea, ye kpukpru owo emi mikekwe iso mi ke enyin:

ŊWED MBON COLOSSAE 4:16

Ndien ke ema ekot ŋwed emi ke otu mbufo, enam ekot enye ke ufɔk Abasi nditɔ Laodicea ŋko; enyuŋ ebɔ ŋwed emi otode ke Laodicea ŋko ekot.

ERIYARARE 1:11

Wet se afo okutde sin ke ŋwed, nyuŋ nɔ esɔk mme ufɔk Abasi itiaba oro; nɔ esɔk Ephesus, ye Smyrna, ye Pergamum, ye Thyatira, ye Sardis, ye Philadelphia, ye Laodicea.

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;

ERIYARARE 19:11

Ekem ŋkut nte ebererede heaven; ndien sese, afia enaŋ-mbakara, Andidoro enye ke edem ekere Anam-akpanikɔ ye Ata Akpanikɔ, Enye onyuŋ asaŋa ke edinen ido ekpe ikpe onyuŋ aŋwana ekɔŋ.

ERIYARARE 2:1

NƆ ŋwed esɔk angel ufɔk Abasi emi edude ke Ephesus, ete: Ntem ke Enye, emi omumde ntantafiɔŋ itiaba akama ke ubɔk nnasia Esie, onyuŋ asaŋade ke ufɔt udiɔk-utuenikaŋ o-gold itiaba, ɔdɔhɔ ete,

ERIYARARE 21:6

Enye ɔdɔhɔ mi ŋko ete, Kpukpru ŋkpɔ ema esu ema. Ami ndi Alpha ye Omega, ntɔŋɔ ye utit. Owo eke okopde nsat-itɔŋ, Ami nyekoi mmɔŋ ke idim mmɔŋ uwem nnɔ enye ɔŋwɔŋ ke ikpikpu.

ERIYARARE 22:13

Ami ndi Alpha ye Omega, mbemiso ye akpatre, ntɔŋɔ ye utit.

ERIYARARE 22:6

Angel oro onyuŋ ɔdɔhɔ mi ete, Ikɔ emi edi akpanikɔ eke owo okponimde. Ndien Ɔbɔŋ, emi edide Abasi spirit mme prophet, ɔkɔdɔŋ angel ediwut ikɔt esie se iditibede ke ekpri ibio ini.

ERIYARARE 3:7

Nyuŋ nɔ ŋwed esɔk angel ufɔk Abasi emi odude ke Philadelphia, ete: Ntem ke Enye emi edide edisana, emi edide ata akpanikɔ, emi enyenede ukpɔhɔre David, emi ɔkpɔhɔrede, ndien baba owo kiet iberike; onyuŋ eberide, ndien baba owo kiet ikpɔhɔkere, ɔdɔhɔ ete, Mmɔfiɔk mme utom fo.