ERIYARARE 3:1 - Edisana ñwed Abasi Ibom

¹ NYUŊ nɔ ŋwed esɔk angel ufɔk Abasi emi odude ke Sardis, ete: Ntem ke Enye emi enyenede mme Spirit Abasi itiaba, ye ntantafiɔŋ itiaba, ɔdɔhɔ ete; Mmɔfiɔk mme utom fo, nte emenyene enyiŋ, ete ke odu uwem, ndien ama akpa.

ERIYARARE 3:1 ပူးပေါင်းရင်းမြစ်များ

LUKE 15:24

koro eyen mi emi ama akpa, onyuŋ ɔtɔŋɔ ntak odu uwem; enye ama osop, ndien ikut enye. Ntre ke mmɔ etɔŋɔ ndinam mbre.

LUKE 15:32

Edi odot nnyin ndidara nnyuŋ nnem esit, koro eyen-eka fo emi ama akpa, onyuŋ odu uwem: ama osop, ndien ikut enye.

JOHN 1:16

Koro nnyin kpukpru ikɔbɔ mfɔn ikɔrɔ ke mfɔn oto ke uyɔhɔ Esie.

JOHN 1:33

Ndien ŋkɔdiɔŋɔke Enye; edi Enye emi ɔkɔdɔŋde mi ete nda mmɔŋ nnim baptism ɔdɔhɔ mi ete, Owo eke edikutde nte Spirit ɔsuhɔrede odoro Enye ke idem edi Enye emi onimde owo baptism ke Edisana Spirit.

JOHN 20:22

Ndien ke Enye ama eketiŋ ntem, ɔduɔk mmɔ ibifik ke idem, onyuŋ ɔdɔhɔ mmɔ ete,

JOHN 3:34

Koro Enye emi Abasi okosiode ɔdɔŋ etiŋ ikɔ Abasi: koro Abasi idomoke domo Spirit inɔ Enye.

UTOM MME APOSTLE 2:33

Mmɔdo sia ubɔk nnasia Abasi ama emenere Enye onim ke enyɔŋ, Enye ama onyuŋ ɔbɔ Ete Edisana Spirit emi ekɔŋwɔŋɔde ndinɔ, Enye aŋwaŋa se mbufo ekutde enyuŋ ekopde.

ŊWED MBON EPHESUS 2:1

MBUFO nde ekenyuŋ ekpaŋa ke ndudue ye mme idiɔk-ŋkpɔ mbufo,

ŊWED MBON EPHESUS 2:5

akanam nnyin emi ikakpaŋade ke mme ukwaŋkpɔ nnyin idu uwem ke Christ (ke mfɔn ke ema enyaŋa mbufo),

ŊWED MBON COLOSSAE 2:13

Mbufo emi ekekpaŋade ke eribiat ibet, ye ke eritre ndina mbobi ke obukidem, kpa mbufo ke Abasi okonyuŋ anam edu uwem ye Enye: Enye emefen kpukpru eribiat ibet eke nnyin ikabiatde;

1ŊWED TIMOTHY 5:6

Edi ebe-akpa eke ɔduɔde oduk ke mbre amakpa ke eyo uwem.

JAMES 2:26

Koro nte ikpɔhidem eke minyenede spirit ama akpa, kpasuk ntre ŋko erinim ke akpanikɔ eke misaŋake ye erinam ŋkpɔ onyuŋ akpa.

1 PETER 1:11

mmɔ eduŋɔre eyom ndifiɔk ini mme oruk ini eke Spirit Christ emi odude mmɔ ke esit asiakde, ke ini Enye ebemde iso etiŋ abaŋa mme ndutuhɔ Christ, ye ubɔŋ eke editienede mmɔ ke edem.

JUDE 1:12

Mmɔ edi ndibe-ndibe itiat ke itie usɔrɔ-ima mbufo, ke ini mmɔ ediade udia ye mbufo; inamke mmɔ ndik ndibɔk idem mmɔ. Mmɔ edi idiɔk enyɔŋ eke misioŋoke edim, eke ofim onyuŋ ɔkpɔride ada ebe; mmɔ ebiet eto ndaeyo eke minyeneke mfri, eke ama akpa ama, owobere ɔduɔ;

ERIYARARE 1:11

Wet se afo okutde sin ke ŋwed, nyuŋ nɔ esɔk mme ufɔk Abasi itiaba oro; nɔ esɔk Ephesus, ye Smyrna, ye Pergamum, ye Thyatira, ye Sardis, ye Philadelphia, ye Laodicea.

ERIYARARE 1:16

Ndien Enye akama ntantafiɔŋ itiaba ke ubɔk nnasia Esie; edisɔp ofut iso iba onyuŋ ɔwɔrɔ Enye ke inua; iso Esie onyuŋ ebiet nte utin asiahade ke odudu esie.

ERIYARARE 1:20

ndibe-ŋkpɔ emi odude ke ntantafiɔŋ itiaba oro okutde Mi ke ubɔk nnasia, ye udiɔk-utuen-ikaŋ o-gold itiaba oro. Ntantafiɔŋ itiaba oro edi mme angel ufɔk Abasi mbitiaba: udiɔk-utuenikaŋ itiaba enyuŋ edi ufɔk Abasi mbitiaba.

ERIYARARE 1:4

John ɔnɔ ŋwed esɔk mme ufɔk Abasi itiaba emi edude ke Asia. Mfɔn ye emem akpakam oto Enye emi odude-du, emi okonyuŋ odude-du, emi edinyuŋ edide, osim mbufo: onyuŋ oto ke mme Spirit itiaba emi edude ke iso ebekpo Esie;

ERIYARARE 2:13

Mmɔfiɔk ebiet eke oduŋde do; kpa ebiet eke ebekpo Satan ɔdiɔhɔde; ndien ɔmɔsɔŋɔ omum enyiŋ Mi akama, ukonyuŋ ukaŋke mbuɔtidem Mi, kpa ke mme usen ntiense Mi Antipas, owo akpanikɔ Mi, emi ekowotde ke otu mbufo, ke ebiet oro Satan oduŋde.

ERIYARARE 2:19

Mmɔfiɔk mme utom fo, ima ye mbuɔtidem fo, ye se anamde ɔnɔ Mi, ye anyan ime fo; mmonyuŋ mfiɔk nte ukperedem utom fo okpon akan akpa.

ERIYARARE 2:2

Mmɔfiɔk mme utom fo, ye ɔkpɔsɔŋ eŋwan, ye ime fo; mmonyuŋ mfiɔk nte ukemeke ndibiom mme idiɔk owo, okonyuŋ odomo mmɔ emi ekotde idem mme apostle, ndien midige, okonyuŋ ayarare ɔfiɔk ete mmɔ edi mme osu-nsu;

ERIYARARE 2:9

Mmɔfiɔk ukut ye ubuene fo (edi emenyene inyene) ye isuŋi emi ɔbɔde ke ubɔk mmɔ emi edɔhɔde ete idi mme Jew, minyuŋ idige, edi edi synagogue Satan.

ERIYARARE 3:15

Mmɔfiɔk mme utom fo, nte ubitke unyuŋ ufiopke. Akpakam afo ebit, midige, ofiop.

ERIYARARE 3:2

Kabare kpeme ndien, nyuŋ nam se isuhɔde, eke eyomde ndikpa, esɔŋɔ eda: koro akanam ŋkwe baba utom fo kiet ɔwɔrɔde usuŋ ke iso Abasi Mi.

ERIYARARE 3:8

Sese, ŋkonim fi ana-iŋwaŋ usuŋ ke iso, emi baba owo kiet mikemeke ndiberi, koro emenyene ekpri ukeme omonyuŋ onim uyo Mi, ukonyuŋ ukaŋke enyiŋ Mi.

ERIYARARE 4:5

Emireŋ-mireŋ ye mme uyo ye obuma enyuŋ eto ke ebekpo ewɔŋɔ; utuenikaŋ itiaba eke ikaŋ ke esasak ke iso ebekpo, emi edide mme Spirit Abasi itiaba.

ERIYARARE 5:6

Ndien ŋkut ke ufɔt ebekpo, ye ke ufɔt ŋkpɔ-uwem inaŋ, ye ke ufɔt mbiowo, Eyen-erɔŋ adade do, nte ŋkpɔ eke ekewotde Enye; Enye onyuŋ enyene nduk itiaba ye enyin itiaba, emi edide mme Spirit Abasi itiaba, emi esiode edɔŋ ke ofuri isɔŋ.