ERIYARARE 22:5 - Edisana ñwed Abasi Ibom

⁵ enyiŋ Esie eyenyuŋ odu mmɔ ke ɔkpɔ-iso. Okoneyo idinyuŋ iduhe aba; mmɔ inyuŋ iyomke uŋwana utuen-ikaŋ mme uŋwana utin; koro Ɔbɔŋ Abasi mmɔ eyenɔ mmɔ uŋwana, ndien mmɔ eyeda ubɔŋ ke nsinsi-nsinsi.

ERIYARARE 22:5 ပူးပေါင်းရင်းမြစ်များ

ŊWED MME PSALM 36:9

Koro obube mmɔŋ uwem odude ye afo: nnyin iyekut uŋwana ke uŋwana fo.

ŊWED MME PSALM 84:11

Koro Jehovah Abasi edide utin ye otu-ekɔŋ: Jehovah ɔmɔnɔ ufɔn ye ubɔŋ: ama edi mmɔ eke eneŋerede esaŋa, enye isinke mmɔ nti ŋkpɔ.

ISAIAH 24:23

Ndien but eyenam ɔfiɔŋ, utin eyenyuŋ ofuk but iso, koro Jehovah mme udim adade ubɔŋ ke obot Zion, ye ke Jerusalem, ubɔŋ onyuŋ odu ke iso mbiowo esie.

ISAIAH 30:26

Ndien uŋwana ɔfiɔŋ eyebiet uŋwana utin, uŋwana utin eyenyuŋ aka iso utim ikatiaba, ebiet uwemeyo itiaba, ke usen eke Jehovah edibɔpde unan ikɔt esiemɔ, edinyuŋ ɔkɔkde ufen eke emiade mmɔ.

DANIEL 7:18

Ndien edisana ikɔt Ata Edikoŋ eyeda ubɔŋ, enyuŋ enyene ubɔŋ ke nsinsi ye ke nsinsi-nsinsi.

DANIEL 7:27

Ndien mmɔ eda itie edidem, ye ubɔŋ, ye ukpono itie-edidem ke idak ofuri enyɔŋ enɔ edisana ikɔt Ata Edikoŋ; ubɔŋ esie edi nsinsi ubɔŋ, kpukpru mbɔŋ eyenyuŋ enam ŋkpɔ esie, enyuŋ ekop uyo esie.

ZECHARIAH 14:7

Ndien usen kiet eyedu, Jehovah ɔmɔfiɔk enye, idige uwemeyo, inyuŋ idige okoneyo: ndien ama ekem ke ini mbubreyo uŋwana eyedu.

MATTHEW 19:28

Edi Jesus ɔdɔhɔ mmɔ ete, Ke akpanikɔ ke ndɔhɔ mbufo nte, ke ini edinamde ŋkpɔ ekabare edi mbufa, ke adaŋemi Eyen Owo editiede ke ebekpo ubɔŋ Esie, mbufo, emi eketienede Mi, eyenyuŋ etie ke ebekpo duopeba, ekpe ikpe enɔ esien Israel duopeba.

MATTHEW 25:34

Ekem Edidem eyedɔhɔ mmɔ emi edude ke ubɔk nnasia, ete, Edi, mbufo emi Ete Mi ɔdiɔŋde, edida ubɔŋ emi ekonimde enɔ mbufo toto ke eritɔŋɔ ererimbot.

MATTHEW 25:46

Ekem mmɔ oro eyedaha ekoduk ke nsinsi ufen; edi ndinen owo eyeduk ke nsinsi uwem.

ŊWED MBON ROME 5:17

Koro edieke okotode ke ndudue owo kiet ke mkpa ada ubɔŋ oto owo kiet oro, ŋwaŋwaediso ke mmɔ emi ebɔde uwak mfɔn ye uwak enɔ edinen ido eyeda ubɔŋ ke uwem oto owo kiet, Jesus Christ.

2 ŊWED TIMOTHY 2:12

Edieke imede ime, iyeda ubɔŋ ye Enye; Edieke ikaŋde Enye, Enye eyekaŋ nnyin;

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ERIYARARE 18:23

idinyuŋ ikopke aba uyom itiat ukɔk-ŋkpɔ ke esit fo; uŋwana utuenikaŋ idinyuŋ iyamake aba ke esit fo; owo idinyuŋ ikopke aba uyo ebe-ndɔ ye ŋwan-ndɔ ke esit fo. Koro mbon-urua fo ekedi mbɔŋ isɔŋ; afo ama onyuŋ ada ido idiɔŋ fo abiaŋa kpukpru mme idut;

ERIYARARE 20:4

Ekem ŋkut mme ebekpo, owo enyuŋ etie ke esit, enyuŋ eyak ubiere ikpe esin mmɔ ke ubɔk; ye mme ukpɔŋ owo oro ekebigide mmɔ ibuot ke ntak ikɔ ntiense Jesus ye ikɔ Abasi, ye kpukpru mmɔ emi mikatuakke ibuot inɔ unam oro ye mbiet esie, mikonyuŋ ibɔhɔ idiɔŋɔ ke ɔkpɔ-iso ye ke ubɔk mmɔ; mmɔ enyuŋ edu uwem, enyuŋ eda ubɔŋ ye Christ ke tɔsin isua.

ERIYARARE 20:6

Ɔfɔfɔn ɔnɔ owo emi enyenede udeme ke akpa eriset: enye edi edisana; udiana akpa mkpa inyeneke odudu ke idem mmɔ emi: edi mmɔ eyedi mme oku Abasi ye Christ, mmɔ eyenyuŋ eda ubɔŋ ye Enye ke tɔsin isua.

ERIYARARE 21:11

uyama esie ebiet ata ɔsɔŋ-urua itiat, etie nte itiat jasper, asak nte crystal.

ERIYARARE 3:21

Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.