ERIYARARE 22:2 - Edisana ñwed Abasi Ibom

² Eto uwem ada ke ŋkaŋ akpa emi ye ke ŋkaŋ oko, oŋwum oruk mfri duopeba, oŋwum mfri esie ke ɔfiɔŋ ke ɔfiɔŋ, enyuŋ eda ikɔŋ eto oro ekɔk mme idut udɔŋɔ.

ERIYARARE 22:2 ပူးပေါင်းရင်းမြစ်များ

GENESIS 2:9

Jehovah Abasi onyuŋ anam isɔŋ otibe kpukpru eto eke enemde ndise enyuŋ efɔnde ndidia; ye eto uwem ŋko ke ufɔt iŋwaŋ, ye eto ifiɔk eti ye idiɔk.

ŊWED MME PSALM 147:3

Edi enye ɔkɔk mmɔ eke esit mmɔ anuahade, onyuŋ ofuk mmɔ unan.

MME ŊKE 3:18

Enye edi eto uwem mmɔ eke emumde enye ekama: onyuŋ ɔfɔn ye mmɔ eke efatde enye.

ISAIAH 6:10

Nam esit mbio emi odobi, nyuŋ nam utɔŋ odobi mmɔ, nyuŋ tibi mmɔ enyin: mbak mmɔ edikut ke enyin mmɔ, edinyuŋ ekop ke utɔŋ mmɔ, enyuŋ etim efiɔk ŋkpɔ ke esit mmɔ, enyuŋ ekabare, ndien ekɔk mmɔ. Ndien ndɔhɔ nte, Ɔbɔŋ adaŋa didie?

JEREMIAH 17:14

Nam udɔŋɔ okure mi, O Jehovah, ndien udɔŋɔ eyekure mi; nyaŋa mi, ndien nyedu ke ifure: koro afo edide itoro mi.

EZEKIEL 47:1

NDIEN enye ɔtɔŋɔ ntak ada mi aka ke inua-otop ufɔk; ndien, sese, mmɔŋ oto ke idak asaŋudɔk ufɔk ese edem usiaha-utin: koro iso ufɔk esede edem usiaha-utin; mmɔŋ oro onyuŋ oto ke ŋkaŋ ufɔk nnasia ke edem usuk itie-uwa, ɔsuhɔre.

HOSEA 14:4

Nyenam mfiak-edem mmɔ okure; nyeda ima-esit mma mmɔ; koro iyaresit mi amakabare ɔkpɔŋ mmɔ.

ZECHARIAH 14:8

Ndien ama ekem ke usen oro, mmɔŋ idim eyeto ke Jerusalem; ubak kiet eyeka inyaŋ edem usiaha-utin, ubak eken eyeka inyaŋ edem usop-utin: eyedu ke nda-eyo ye ke tuep.

MALACHI 4:2

Ndien utin edinen ido asiaha ɔnɔ mmɔ: se inamde itɔŋ uwem ɔsɔŋɔ onyuŋ odu enye ke mba; ndien mbufo eyewɔŋɔ ekefrɔ nte nditɔ-enaŋ ŋkuhɔ.

LUKE 4:18

Spirit Jehovah odoro Mi ke idem, Koro Enye emeyet Mi aran onim, ete, ŋkwɔrɔ eti mbuk nnɔ nditɔ-ubuene: Enye ɔmɔdɔŋ Mi, ete, ŋkwɔrɔ uwɔrɔ-ufin nnɔ mbuotekɔŋ, Nnyuŋ ŋkwɔrɔ erikut usuŋ nnɔ mme nnan, Nnyuŋ nsana mmɔ emi efikde nyak,

1 PETER 2:24

Enye ke Idem Esie obiom mme idiɔk-ŋkpɔ nnyin ke ikpɔhidem Esie ke eto, man nnyin ikpakpa ikpɔŋ idiɔk-ŋkpɔ, inyuŋ idu uwem inɔ edinen ido.

ERIYARARE 2:7

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, nyenɔ enye ndidia mfri eto uwem, emi odude ke Paradise Abasi.

ERIYARARE 21:21

Inua-otop duopeba edi pearl duopeba, enam inua-otop kiet ke pearl kiet. Efak obio onyuŋ edi edisana gold, ebiet edisana glass.

ERIYARARE 21:24

Ndien mme idut eyesaŋa ke uŋwana esie, ndidem isɔŋ enyuŋ eda ubɔŋ mmɔ eduk ke esit.

ERIYARARE 22:1

EKEM angel owut mi akpa mmɔŋ uwem, emi asakde nte crystal, emi otode ke ebekpo Abasi ye eke Eyen-erɔŋ, asaŋa ebe ke ufɔt efak obio.

ERIYARARE 22:14

Ɔfɔfɔn ɔnɔ mmɔ eke eyetde ɔfɔŋidem mmɔ asana, man mmɔ ekpenyene unen ndisim eto uwem, ekpenyuŋ ebe ke inua-otop eduk ke esit obio.

ERIYARARE 22:19

ndien edieke owo osiode ŋkpɔ ke ikɔ prophecy ŋwed emi, Abasi eyesio enye udeme ke eto uwem efep, ye ke edisana obio, kpa ŋkpɔ emi ewetde ke ŋwed emi.