ERIYARARE 22:16 - Edisana ñwed Abasi Ibom

¹⁶ Ami Jesus ŋkɔdɔŋ angel Mi edisian fi ikɔ emi, man ada ɔnɔ mme ufɔk Abasi. Ami ndi Oruŋ ye Eyen David, ediyama ntantafiɔŋ usenubɔk.

ERIYARARE 22:16 ပူးပေါင်းရင်းမြစ်များ

ISAIAH 11:1

NDIEN nsehe kiet eyetibe ke etak eto Jesse, ŋkɔk eyenyuŋ asiaha ke oruŋ esie.

ISAIAH 14:12

Ŋwan ima ɔfiɔŋ, eyen usiere, afo anam didie oto ke enyɔŋ ɔduɔ! Emekpi fi eduɔk ke isɔŋ, kpa afo emi ɔkɔsɔŋde akan mme idut.

ZECHARIAH 6:12

nyuŋ dɔhɔ enye, ete, Ntem ke Jehovah mme udim ɔdɔhɔ, ete, Sese, owo emi Nsekhe edide enyiŋ esie; ndien enye eyesehe ke ɔtɔ esie, onyuŋ ɔbɔp temple Jehovah;

NUMBERS 24:17

Ŋkut enye, edi idige ke emi: nsese enye, edi ikpereke: ntantafiɔŋ asaŋa oto ke Jacob, esaŋ onyuŋ adaha ke enyɔŋ ke Israel, ndien enye eyenuak mme adaŋa Moab, onyuŋ asuan kpukpru mbon ndutime.

MATTHEW 1:1

ŊWED emana Jesus Christ, eyen David, eyen Abraham.

MATTHEW 2:2

Enye emi akamanade nte Edidem mme Jew odu mmɔŋ? koro nnyin ikokut ntantafiɔŋ Esie ke edem usiaha-utin, imonyuŋ idi ndituak ibuot nnɔ Enye.

MATTHEW 22:42

Mmɔ ete Enye, Eke David.

MATTHEW 22:45

Edieke David ndien okotde Enye ete, Ɔbɔŋ, didie ke Enye edi eyen esie?

LUKE 1:78

Oto ke esit mbɔm Abasi nnyin, Emi esinde usiere oto ke enyɔŋ edisim nnyin,

LUKE 20:44

Ntem ke David okot Enye ete, Ɔbɔŋ, didie ndien ke Enye edi eyen esie?

ŊWED MBON ROME 15:12

Isaiah onyuŋ ɔdɔhɔ ete, Orun eyeto ke Jesse ɔwɔrɔ, Edi Enye eyedaha ada ndikara mme Gentile; Mme Gentile eyenyuŋ edori Enye enyin ke idem.

ŊWED MBON ROME 9:5

Christ okonyuŋ oto ke otu mmɔ ke obukidem Esie: Enye edi Andikara kpukpru ŋkpɔ, Abasi, emi enyenede itoro ke nsinsi. Amen.

2 PETER 1:19

Ndien ema edɔdiɔŋ esɔŋɔ ikɔ mme prophet ekan enɔ nnyin; ndien mbufo eyetim enam, edieke mbufo edibiɔŋde utɔŋ ke ikɔ oro, nte owo esese utuenikaŋ eke ayamade ke ŋkim-ŋkim ebiet, tutu eyo esiere, utin onyuŋ asiaha ke esit mbufo;

ERIYARARE 1:1

IKƆ eriyarare Jesus Christ, emi Abasi ɔkɔnɔde Enye, ete owut ikɔt Esie, kpa ŋkpɔ eke enyenede ndisu ke ekpri ibio ini: ndien Enye ɔkɔdɔŋ angel Esie okowut ŋkpɔ emi ɔnɔ owo Esie John;

ERIYARARE 1:11

Wet se afo okutde sin ke ŋwed, nyuŋ nɔ esɔk mme ufɔk Abasi itiaba oro; nɔ esɔk Ephesus, ye Smyrna, ye Pergamum, ye Thyatira, ye Sardis, ye Philadelphia, ye Laodicea.

ERIYARARE 1:4

John ɔnɔ ŋwed esɔk mme ufɔk Abasi itiaba emi edude ke Asia. Mfɔn ye emem akpakam oto Enye emi odude-du, emi okonyuŋ odude-du, emi edinyuŋ edide, osim mbufo: onyuŋ oto ke mme Spirit itiaba emi edude ke iso ebekpo Esie;

ERIYARARE 2:11

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, udiana-akpa mkpa idifiomoke enye.

ERIYARARE 2:17

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, nyesio ndibe manna nnɔ enye adia, nyenyuŋ nnɔ enye afia itiat, emi ewetde obufa enyiŋ ke esit, eke baba owo kiet mifiɔkke, ke mibɔhɔke andibɔ.

ERIYARARE 2:7

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, nyenɔ enye ndidia mfri eto uwem, emi odude ke Paradise Abasi.

ERIYARARE 22:1

EKEM angel owut mi akpa mmɔŋ uwem, emi asakde nte crystal, emi otode ke ebekpo Abasi ye eke Eyen-erɔŋ, asaŋa ebe ke ufɔt efak obio.

ERIYARARE 22:11

Owo eke edide ukwaŋ, yak enye osuk amana anam ukwaŋido; owo eke edehede, yak enye osuk amana edehe; owo eke edide edinen, yak enye osuk amana anam edinen ido; owo eke asanade, yak enye osuk amana asana.

ERIYARARE 22:20

Anditiŋ ikɔ emi ete, Ke akpanikɔ, mmɔŋ ndedi iwiwa. Amen. Di, Ɔbɔŋ Jesus.

ERIYARARE 22:6

Angel oro onyuŋ ɔdɔhɔ mi ete, Ikɔ emi edi akpanikɔ eke owo okponimde. Ndien Ɔbɔŋ, emi edide Abasi spirit mme prophet, ɔkɔdɔŋ angel ediwut ikɔt esie se iditibede ke ekpri ibio ini.

ERIYARARE 3:13

Yak owo eke enyenede utɔŋ okop se Spirit ɔdɔhɔde mme ufɔk Abasi.

ERIYARARE 3:22

Yak owo eke enyenede utɔŋ okop se Spirit ɔdɔhɔde mme ufɔk Abasi.

ERIYARARE 3:6

Yak owo eke enyenede utɔŋ okop se Spirit ɔdɔhɔde mme ufɔk Abasi.

ERIYARARE 5:5

Edi kiet ke otu mbiowo ɔdɔhɔ mi ete, Kutua; sese, Lion emi otode ke esien Judah, kpa Oruŋ David, amakan, adaŋa nte enyenede ukeme ndikibɔre ŋwed oro nnyuŋ ndianare mme ufik-ŋkpɔ itiaba.