ERIYARARE 22:11 - Edisana ñwed Abasi Ibom

¹¹ Owo eke edide ukwaŋ, yak enye osuk amana anam ukwaŋido; owo eke edehede, yak enye osuk amana edehe; owo eke edide edinen, yak enye osuk amana anam edinen ido; owo eke asanade, yak enye osuk amana asana.

ERIYARARE 22:11 ပူးပေါင်းရင်းမြစ်များ

ŊWED JOB 17:9

Edi edinen owo eyemum usuŋ esie akama: ndien owo eke ubɔk asanade eyediɔŋ ɔsɔŋ aka iso.

ŊWED MME PSALM 81:12

Ndien nyak mmɔ nnɔ nsɔŋesit mmɔ: mmɔ esaŋa ke uduak idem mmɔ.

MME ŊKE 14:32

Idiɔk ido idiɔk owo onuk enye efep: edi eti owo enyene mbuɔtidem ke mkpa esie.

MME ŊKE 4:18

Edi usuŋ nti owo ebiet uŋwana eke asiahade, aka iso ayama, tutu osim ufɔt uwemeyo.

ECCLESIASTES 11:3

Edieke edim ɔyɔhɔde ke ikpa-enyɔŋ, eyedep ke isɔŋ: ndien edieke eto ɔduɔde ese edem usuk, mme ese edem edere, ke ebiet ke eto ɔduɔde, do ke enye edina.

EZEKIEL 3:27

Ndien ke adaŋemi ndɔhɔde ye afo, nyetat fi inua, ndien afo eyedɔhɔ ye mmɔ, ete, Ntem ke Ɔbɔŋ Jehovah ɔdɔhɔ, ete, Yak owo eke okopde okop; nyuŋ yak owo eke etrede etre; koro mmɔ edide ufɔk nsɔŋibuot.

DANIEL 12:10

Eyesioŋo ediwak owo ndek ke idem efep, enyuŋ enam mmɔ edi edisana, enyuŋ edomo mmɔ; edi mme idiɔk owo eyenam idiɔk; baba idiɔk owo kiet idinyuŋ idige asian, edi mmɔ eke enyenede eti ibuot eyedi asian.

MATTHEW 15:14

Ndien nnan ama ada nnan usuŋ, mmɔ mbiba eyeduɔŋɔ ke ukpe.

MATTHEW 21:19

Ndien ke ini Enye okutde eto fig ke mben ɔkpɔusuŋ, asaŋa ekpere, inyuŋ ikwe ŋkpɔ ke esit, ke mibɔhɔke ikɔŋ-ikɔŋ; onyuŋ ɔdɔhɔ eto oro ete, Mfri okuto fi oŋwum ɔtɔŋɔde ke emi tutu amama.

MATTHEW 25:10

Edi ke ini mmɔ ekade ekedep, ɔdɔ-ndɔ edi; ndien mmɔ emi ebeŋede idem etiene enye eduk ke udia ndɔ: ndien eberi usuŋ.

MATTHEW 5:45

man mbufo edi nditɔ Ete mbufo emi odude ke heaven; koro Enye anamde utin Esie asiaha ɔnɔ mme idiɔk owo ye nti owo, onyuŋ anamde edim edep ɔnɔ ndinen owo ye mme anam ukwaŋ-ido.

MATTHEW 5:6

Ɔfɔfɔn ɔnɔ mmɔ eke ekopde biɔŋ ye nsat-itɔŋ edinen ido: koro mmɔ eyeyuhɔ.

JOHN 8:21

Ntre ke Jesus ɔtɔŋɔ ntak ɔdɔhɔ mmɔ ete, Ami mmɔŋ ndinyɔŋ, ndien mbufo eyeyom Mi, edi eyekpaŋa ke mme idiɔk-ŋkpɔ mbufo; ɔtɔ nte Ami ŋkade, mbufo ikemeke ndika do.

ŊWED MBON EPHESUS 5:27

anam enye asana; man akpada enye ɔnɔ Idem Esie nte ufɔk Abasi emi ɔyɔhɔde ye ubɔŋ, minyuŋ inyeneke ntɔi mme eriŋwine mme oruk ŋkpɔ eke etiede ntre; edi man enye asana onyuŋ anana ndo.

ŊWED MBON COLOSSAE 1:22

edi ke emi Jesus akada mkpa Esie anam mbufo etie ke emem ye Abasi ke obukidem Esie, man Enye anam mbufo edi ndisana owo emi enanade ndo, emi owo minyuŋ ikemeke nditiŋ ŋkpɔ ndian, ada onim ke iso Esie:

2 ŊWED TIMOTHY 3:13

Edi ndiɔi owo ye mbon abiaŋa eyedɔdiɔŋ ediɔk eka iso, ebiaŋa owo, owo eyenyuŋ ebiaŋa mmɔ.

JUDE 1:24

Ama edi Enye emi ekemede ndikpeme mbufo, ete, ekuduɔ, ndinyuŋ nnam mbufo eda ke iso Ubɔŋ Esie ke akwa idaresit, enana ndo;

ERIYARARE 16:21

Ikpɔ edim itiat, eke udop mmɔ edide pound aba ye duop aba ye duop, eto ke enyɔŋ edep eduɔŋɔ owo ke idem. Owo enyuŋ esuŋi Abasi ke ntak ufen edim-itiat oro; koro ufen edimitiat ɔsɔŋ eti-eti.

ERIYARARE 22:3

Ŋkpɔ nsobo idinyuŋ iduhe aba; ebekpo Abasi ye eke Eyen-erɔŋ eyenyuŋ odu do; ikɔt Esie eyenyuŋ enam ŋkpɔ enɔ Enye;