ERIYARARE 21:8 - Edisana ñwed Abasi Ibom

⁸ Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.

ERIYARARE 21:8 ပူးပေါင်းရင်းမြစ်များ

MME ŊKE 19:5

Ikpe iditebeke ntiense nsu, ndien etiŋ nsu idibɔhɔke.

MME ŊKE 19:9

Ikpe iditebeke ntiense nsu: ndien eyesobo etiŋ ikɔ nsu.

ISAIAH 51:12

Ami, ami, ndi enye emi ndɔŋde mbufo esit: afo edi anie eke ekpefehede owo emi edikpade, efehe eyen owo emi edinimde enye nte mbiet;

ISAIAH 57:11

Afo onyuŋ abak, onyuŋ efehe anie, eke okosude nsu, ndien mutihi mi, munyuŋ ukereke ke esit? Nte ami ndopke uyo toto ke idem eyo oko, ndien afo ubakke mi?

ISAIAH 9:15

Ebiowo ye akamba owo edi ibuot; ndien edi prophet eke etemede owo nsu, edi isim.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

MATTHEW 10:28

Ekunyuŋ efehe mmɔ emi ewotde ikpɔhidem, edi mikemeke ndiwot ukpɔŋ: edi ekam efehe Enye emi ekemede ndisobo ukpɔŋ ye ikpɔhidem ke hell.

MATTHEW 25:25

ndien ndik anam mi, nnyuŋ ndaha ŋkodip talent fo ke isɔŋ: se, enyene se inyenede fi do.

MATTHEW 8:26

Enye ete mmɔ, Nsinam mbufo efehede ndik, O mbufo nditɔ ekpri mbuɔtidem? Ekem Enye adaha ke enyɔŋ, asua ɔnɔ ofim ye inyaŋ; inyaŋ onyuŋ ana suŋ.

MARK 9:44

ɔfɔn fi ndiduk ke uwem ye unan akan ndikpenyene ubɔk iba nduk ke hell ke nsisi ikaŋ.

JOHN 8:44

Mbufo edi nditɔ ete mbufo, kpa Satan, enyuŋ eyom ndinam obukpo udɔŋ ete mbufo. Enye edi owot-owo toto ke eritɔŋɔ, ikonyuŋ isɔŋɔke ida ke akpanikɔ, koro enye minyeneke akpanikɔ ke esit esie. Ke ini enye osude nsu, enye osio se idude ke esit etiŋ: koro enye edi osunsu, ye ete nsu.

DEUTERONOMY 20:8

Ndien yak mme andidaha etɔŋɔ ntak edɔhɔ kpukpru owo ŋko-ŋko, ete, Anie owo odu mi emi efehede ndik, onyuŋ oyomode nsia? Yak enye afiak ɔnyɔŋ ke ufɔk esie, mbak nsia ediyomo nditɔ-ete esie, kpa nte nsia esie.

2 ŊWED THESSALONICA 2:9

Eridi abiat-ibet oro oto ke ubɔk-utom Satan, asaŋa ye kpukpru odudu ye mme idiɔŋɔ ye nsu-nsu mme utibe-ŋkpɔ,

1ŊWED TIMOTHY 4:2

emi mbon nsu, eke esit mmɔ odorode ufiɔn, edade mbubik ekpep.

TITUS 1:16

Mmɔ edɔhɔ ete, mme imɔ ifiɔk Abasi; edi mmɔ ekaŋ Enye ke ido mmɔ, sia mmɔ ebiamde mbubiam, enyuŋ esɔŋde ibuot, enyuŋ ebiarade adaŋa nte mmɔ mikemeke ndinam ndomo eti utom kiet.

MME HEBREW 12:24

ye Jesus emi edide esine-ufɔt obufa ediomi, ye erisime iyip, eke etiŋde se ifɔnde ikan iyip Abel.

MME HEBREW 13:4

Yak kpukpru owo ebat ndɔ ke ŋkpɔ eke ekponode ekunyuŋ esabare bed ndɔ; koro Abasi eyekpe ikpe ye mbon use ye mme esin-efibe.

1 JOHN 2:22

Anie edi osu-nsu, ke midige owo eke afaŋade ete Jesus idige Christ. Owo eke afaŋade Ete ye Eyen, kpa enye edi andibiɔŋɔ Christ.

1 JOHN 3:15

Kpukpru owo eke asuade eyen-ete esie edi obom: ndien mbufo efiɔk ete, baba obom kiet inyeneke nsinsi uwem ke esit esie.

1 JOHN 5:10

Owo eke ɔbuɔtde idem ye Eyen Abasi enyene ikɔ-ntiense emi ke esit esie. Edi owo eke minimke Abasi ke akpanikɔ akanam Abasi ɔwɔrɔ osu-nsu, sia enye midaha ikɔ-ntiense emi Abasi ɔkɔnɔde nte akpanikɔ.

ERIYARARE 14:10

enye nde eyeŋwɔŋ wine ifuresit Abasi, emi ebuakde enana mbɔm ke cup iyaresit Esie; eyenyuŋ etuhɔre enye ke ikaŋ ye brimstone ke iso nti angel ye ke iso Eyen-erɔŋ:

ERIYARARE 19:20

Ndien emum unam oro, enyuŋ emum prophet nsu emi adade ke iso esie anam mme idiɔŋɔ, eke enye adade abiaŋa mmɔ emi ekebɔde idiɔŋɔ unam oro, ye mmɔ emi etuakde ibuot enɔ mbiet esie. Etop mmɔ mbiba ye uwem esin ke inyaŋ ikaŋ emi asakde ye mbrimstone.

ERIYARARE 2:11

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, udiana-akpa mkpa idifiomoke enye.

ERIYARARE 2:2

Mmɔfiɔk mme utom fo, ye ɔkpɔsɔŋ eŋwan, ye ime fo; mmonyuŋ mfiɔk nte ukemeke ndibiom mme idiɔk owo, okonyuŋ odomo mmɔ emi ekotde idem mme apostle, ndien midige, okonyuŋ ayarare ɔfiɔk ete mmɔ edi mme osu-nsu;

ERIYARARE 21:27

Edi baba ŋkpɔ ndek kiet ididukke ke esit, ye owo eke anamde mbubiam ido onyuŋ osude nsu; ke mibɔhɔke mmɔ ikpɔŋ-ikpɔŋ emi ewetde enyiŋ mmɔ ke ŋwed uwem Eyen-erɔŋ.

ERIYARARE 22:15

Mme ebua edu ke edem obio, ye mme abia idiɔŋ, ye mbon use, ye mme owot owo, ye mme okpono ndem, ye kpukpru owo eke emade nsu, enyuŋ esude nsu.

ERIYARARE 9:17

Edi ntem ke ŋkut mme enaŋ ke ŋkukut ye mme andidoro mmɔ ke edem; mmɔ oro enyene ŋkpɔ-ikpanesit ekɔŋ, ikaŋ ye hyacinth ye brimstone; ibuot mme enaŋ mmɔ ebiet ibuot lion, ndien ikaŋ ye nsuŋikaŋ ye brimstone eto mmɔ ke inua ewɔŋɔ.

ERIYARARE 9:21

Mmɔ inyuŋ ikabakere esit ikpɔŋ eriduɔ obom mmɔ, ye eribre idiɔŋ mmɔ, ye use mmɔ, ye mme inɔ mmɔ.

JUDGES 7:3

Kam kwɔrɔ, ndien, sin ke utɔŋ mme mmɔ emi, ete, Yak owo ekededi eke efehede ndik, nsia onyuŋ oyomode enye, ɔkpɔŋ obot Gilead ke usenubɔk akabare ɔnyɔŋ. Ndien tɔsin owo edip ye iba ekabare enyɔŋɔ; ndien esuhɔ tɔsin owo duop.