ERIYARARE 21:3 - Edisana ñwed Abasi Ibom

³ Ndien ŋkop ɔkpɔsɔŋ uyo nte otode ke ebekpo ɔwɔrɔ ete, Sese, ebiet iduŋ Abasi omodu ye owo. Enye eyenyuŋ oduŋ ye mmɔ; ndien mmɔ eyedi ikɔt Esie, Abasi ke Idem Esie eyenyuŋ odu ye mmɔ, onyuŋ edi Abasi mmɔ.

ERIYARARE 21:3 ပူးပေါင်းရင်းမြစ်များ

1 NDIDEM 8:27

Nte Abasi eyeduŋ ke isɔŋ ndien ke akpanikɔ? Sese, enyɔŋ ye ata enyɔŋ ikemke fi, kpaŋ ɔfiɔk ufɔk emi ŋkɔbɔpde.

2 CHRONICLES 6:18

Nte Abasi edidu ye owo ke isɔŋ ke akpanikɔ? Sese, enyɔŋ ye ata enyɔŋ ikemke fi; ŋwaŋwa ediso ufɔk emi mbɔpde!

EXODUS 25:8

Ndien yak mmɔ enam edisana ebiet enɔ mi, man nduŋ ke otu mmɔ.

EXODUS 29:45

Nyenyuŋ nduŋ ke otu nditɔ Israel, nnyuŋ ndi Abasi mmɔ.

ISAIAH 12:6

Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.

JEREMIAH 31:33

koro emi edide ediomi eke ndidiomide ye ufɔk Israel, ke mme usen oro ema ebe, Jehovah ɔdɔhɔ: nyesin mmɔ mbet mi ke esit, nnyuŋ ŋwet mmɔ ke ɔwɔŋ esit; nyenyuŋ ndi Abasi mmɔ, ndien mmɔ eyedi ikɔt mi.

JEREMIAH 32:38

Ndien mmɔ eyedi ikɔt mi, ami nyenyuŋ ndi Abasi mmɔ:

EZEKIEL 37:27

Iduŋ mi eyenyuŋ odu ye mmɔ: ndien ami nyedi Abasi mmɔ, mmɔ eyenyuŋ edi ikɔt mi.

EZEKIEL 43:7

Ndien enye ɔdɔhɔ mi, ete, Eyen owo, emi edi ebiet ebekpo mi, ye ebiet ikpat-ukot mi, emi ndiduŋde ke esit ke otu nditɔ Israel ke nsinsi. Ndien ufɔk Israel ye ndidem mmɔ idisabakede aba edisana enyiŋ mi, ke use mmɔ, ye ke mme okpo ndidem mmɔ ke ŋkokoŋo ebiet mmɔ.

EZEKIEL 48:35

Enye edi tɔsin eto idomo-okuk efureta akan okuk. Ndien toto ke usen oro enyiŋ obio eyekere, ete, JEHOVAH-SHAMMAH (JEHOVAH ODU DO).

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

ZECHARIAH 8:8

ndien mmɔ eyeduŋ ke ufɔt Jerusalem: ndien mmɔ eyedi ikɔt mi, ami nyenyuŋ ndi Abasi mmɔ ke akpanikɔ ye ke edinen ido.

NUMBERS 9:16

Osuk edi ntre kpukpru ini: obubit enyɔŋ ofuk enye (ke uwemeyo), onyuŋ ebiet ikaŋ ke okoneyo.

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

JOHN 14:23

Jesus ɔbɔrɔ enye ete, Edieke owo amade Mi, eyenim uyo Mi: ndien Ete Mi eyema enye, nnyin iyenyuŋ idi ididuŋ ye enye.

2 ŊWED CORINTH 6:16

Nso ediomi ke temple Abasi odiomi ye ndem? Koro nnyin idi temple Abasi uwem; kpa nte Abasi ɔdɔhɔde ete, Nyeduŋ, nyenyuŋ nsaŋa ke otu mmɔ, Ndien nyedi Abasi mmɔ, mmɔ eyenyuŋ edi ikɔt Mi.

2 ŊWED CORINTH 6:18

Nnyuŋ ndi Ete mbufo. Ndien mbufo eyedi nditɔ iren Mi ye nditɔ Mi iban. Ntem ke Jehovah Ata Ɔkpɔsɔŋ ɔdɔhɔ.

1 ŊWED THESSALONICA 3:11

Abasi ye Ete nnyin ke Idem Esie, ye Ɔbɔŋ nnyin Jesus, akpakam ada nnyin usuŋ edi ke ɔtɔ mbufo:

MME HEBREW 11:16

Edi ke emi mmɔ eyom isɔŋ eke ɔfɔnde akan, oro edi, isɔŋ eke odude ke heaven. Mmɔdo inamke Abasi but ndikere Abasi mmɔ; koro Enye ama ebeŋe Obio ɔnɔ mmɔ.

MME HEBREW 8:10

Koro Jehovah ɔdɔhɔ ete, Emi edi ediomi eke ndinamde ye Ufɔk Israel, Ke mme usen oro ema ebe. Nyesin mbet Mi ke esit mmɔ, Nyenyuŋ ŋwet Mmɔ ke ɔwɔŋesit mmɔ ŋko; Ndien nyedi Abasi mmɔ, Mmɔ eyenyuŋ edi ikɔt Mi:

MME HEBREW 8:2

emi edide asaŋutom ke edisana ebiet ye ata Ataya, emi Jehovah okowukde, midige owo.

ERIYARARE 10:4

Ke adaŋemi mme obuma itiaba esiorode uyo, mmɔŋ ŋwewet: ndien ŋkop uyo emi otode ke heaven, ɔdɔhɔ ete, Da ufik-ŋkpɔ fik se obuma mbitiaba etiŋde, men, nim, kunyuŋ uwet.

ERIYARARE 10:8

Ekem uyo eke ŋkokopde nte otode ke heaven, ɔtɔŋɔ ntak etiŋ ye ami ete, Ka kɔbɔ ŋwed emi ekibɔrede ana iŋwaŋ ke ubɔk angel oro adade ke inyaŋ ye ke obot.

ERIYARARE 12:10

Ndien ŋkop ɔkpɔsɔŋ uyo ke heaven nte ɔdɔhɔde ete, Ke emi, erinyaŋa ye erikara emedi, Ye Ubɔŋ Abasi nnyin ye odudu Christ Esie; Koro ema esio enye emi odoride nditɔ-ete nnyin ikɔ eduɔk ke isɔŋ. Emi odoride mmɔ ikɔ ke iso Abasi ke uwemeyo ye okoneyo.

ERIYARARE 21:7

Owo eke akande eyeda ŋkpɔ emi enyene; ndien nyedi Abasi esie; enye eyenyuŋ edi eyen Mi.

ERIYARARE 22:3

Ŋkpɔ nsobo idinyuŋ iduhe aba; ebekpo Abasi ye eke Eyen-erɔŋ eyenyuŋ odu do; ikɔt Esie eyenyuŋ enam ŋkpɔ enɔ Enye;

ERIYARARE 7:15

Mmɔdo mmɔ edude ke iso ebekpo Abasi; enyuŋ enam ŋkpɔ enɔ Enye uwemeyo ye okoneyo ke temple Esie: ndien Enye emi etiede ke ebekpo eyetat ataya Esie ofuk mmɔ.