Ndien angel Jehovah ɔwɔrɔ okowot tɔsin owo itie ikie ye anaŋ, ye tɔsin owo ition, ke nna-ekɔŋ Assyria; ndien ke mmɔ ebakde edemere ke usenubɔk, sese, kpukpru mmɔ edi okpo-okpo.
afo eyenyuŋ ɔdɔk edi ekɔŋ ye ikɔt mi Israel, ebiet obubit enyɔŋ edifuk isɔŋ: edidi ke ini iso, nyenyuŋ nda fi nduk ke isɔŋ mi, man mme idut efiɔk mi, ke ini ndade fi Gog ŋwut nte nsanade ke enyin mmɔ.
Ndien nyeda idiɔk udɔŋɔ ye iyip ŋkpe ikpe ye enye; nnyuŋ nnam akwa edim, ye edim itiat, ye ikaŋ, ye brimstone, edep enye ke idem, ye ke idem mme udim esie, ye ke idem ediwak mme idut emi edude ye enye.
Andibuŋ emebem mmɔ iso ɔdɔk: mmɔ emebuŋ, enyuŋ ebe eduk ke inua-otop, enyuŋ eto ke esit ewɔrɔ: edidem mmɔ omonyuŋ ebem mmɔ iso ebe; Jehovah onyuŋ asaŋa nte etubom mmɔ.
NDIEN adaŋemi mbio oro enamde nsukuyo, ɔdiɔk Jehovah ke utɔŋ: ndien Jehovah okop, onyuŋ ayat esit; ikaŋ Jehovah onyuŋ obumere ke otu mmɔ, onyuŋ ata owo ke utit nna.
Koro Jehovah Abasi fo asaŋade ke esit fo, ete inyaŋa fi, inyuŋ ida mme asua fo inim fi ke iso: ndien nna fo edi edisana: mbak enye edikut mbubiam ke otu fo, ndien akabare ɔkpɔŋ fi.
Ndien edieke owo ekededi oyomde ndinam mmɔ ibak, ikaŋ oto mmɔ ke inua ɔwɔrɔ edita mme asua mmɔ; edieke owo ekededi oyomde ndinam mmɔ ibak, edi ke ido emi ke owo oro enyene ndikpa.