ERIYARARE 20:6 - Edisana ñwed Abasi Ibom

⁶ Ɔfɔfɔn ɔnɔ owo emi enyenede udeme ke akpa eriset: enye edi edisana; udiana akpa mkpa inyeneke odudu ke idem mmɔ emi: edi mmɔ eyedi mme oku Abasi ye Christ, mmɔ eyenyuŋ eda ubɔŋ ye Enye ke tɔsin isua.

ERIYARARE 20:6 ပူးပေါင်းရင်းမြစ်များ

ISAIAH 4:3

Ndien ama ekem, owo eke ɔsuhɔde ke Zion, eke enyuŋ ekpɔŋde ke Jerusalem, eyekere edisana, kpa kpukpru owo emi ewetde enim enɔ uwem ke Jerusalem.

ISAIAH 61:6

Ndien mbufo eyekere mme oku Jehovah; eyenyuŋ edɔhɔ ebaŋa mbufo, ete, Mme anam-ŋkpɔ Abasi nnyin: mbufo eyedia inyene mme idut, enyuŋ ebɔ mmɔ ubɔŋ eda ke idem mbufo.

DANIEL 12:12

Ɔfɔfɔn ɔnɔ owo eke ebetde, onyuŋ osimde tɔsin usen ye usen ikie ita ye edip ye efut.

LUKE 14:15

Edi kini owo kiet eke etiede ke itie-udia ye Enye okopde mme ikɔ emi, enye ete, Ɔfɔnfɔn ɔnɔ owo emi edidiade ŋkpɔ ke Obio Ubɔŋ Abasi.

ŊWED MBON ROME 12:1

MMƆDO mmada mbɔm Abasi ŋkpe mbufo ubɔk, nditɔ-ete mi, nte eda ikpɔhidem mbufo enɔ Abasi nte odu-uwem uwa, emi asanade, emi onyuŋ enemde Abasi ndibɔ, koro emi edide uwa eke anade ɔnɔ mbufo ediwa.

ŊWED MBON ROME 8:17

Edi edieke nnyin idide nditɔ, imonyuŋ inyene udeme ke se enimde enɔ nditɔ; imenyene udeme ke se Abasi onimde; imasaŋa ye Christ inyene udeme: koro ana nte nnyin ima ikut ndutuhɔ ye Enye, inyenyuŋ ida ubɔŋ ye Enye.

2 ŊWED TIMOTHY 2:12

Edieke imede ime, iyeda ubɔŋ ye Enye; Edieke ikaŋde Enye, Enye eyekaŋ nnyin;

1 PETER 2:5

eyeda mbufo nde, nte mme odu-uwem itiat, ebɔp esin ke ufɔk eke spirit, enyuŋ enam mbufo edi ndisana oku, ndiwa uwa spirit, eke Abasi adarade ndibɔ oto ke Jesus Christ.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

ERIYARARE 1:6

Enye omonyuŋ anam nnyin idi obio Ubɔŋ, idi mme oku inɔ Abasi ye Ete Esie; enɔ Enye ubɔŋ ye erikara ekondo ke nsinsi-nsinsi. Amen.

ERIYARARE 14:13

Ekem ŋkop uyo emi otode ke heaven ɔdɔhɔ ete, Wet ete, Ɔfɔfɔn ɔnɔ mme akpa-mkpa emi ekpade ke Ɔbɔŋ, ɔtɔŋɔde ke ini emi: Spirit ete, Edi ntre; man mmɔ eduɔk odudu ke ɔkpɔsɔŋ utom mmɔ; koro se mmɔ ekenamde etiene mmɔ ke edem.

ERIYARARE 2:11

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, udiana-akpa mkpa idifiomoke enye.

ERIYARARE 20:14

Enyuŋ emen mkpa ye obio ekpo eduɔk ke akwa ŋkpɔdiɔhɔ ikaŋ. Emi edi udiana mkpa, kpa akwa ŋkpɔdiɔhɔ ikaŋ.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.

ERIYARARE 22:5

enyiŋ Esie eyenyuŋ odu mmɔ ke ɔkpɔ-iso. Okoneyo idinyuŋ iduhe aba; mmɔ inyuŋ iyomke uŋwana utuen-ikaŋ mme uŋwana utin; koro Ɔbɔŋ Abasi mmɔ eyenɔ mmɔ uŋwana, ndien mmɔ eyeda ubɔŋ ke nsinsi-nsinsi.

ERIYARARE 22:7

Sese, mmɔŋ ndedi idaha emi. Ɔfɔfɔn ɔnɔ owo eke onimde ikɔ prophecy ŋwed emi.

ERIYARARE 3:21

Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.

ERIYARARE 5:10

omonyuŋ anam mmɔ edi Obio Ubɔŋ ye mme oku enɔ Abasi: mmɔ eyenyuŋ eda ubɔŋ ke isɔŋ.