ERIYARARE 20:4 - Edisana ñwed Abasi Ibom

⁴ Ekem ŋkut mme ebekpo, owo enyuŋ etie ke esit, enyuŋ eyak ubiere ikpe esin mmɔ ke ubɔk; ye mme ukpɔŋ owo oro ekebigide mmɔ ibuot ke ntak ikɔ ntiense Jesus ye ikɔ Abasi, ye kpukpru mmɔ emi mikatuakke ibuot inɔ unam oro ye mbiet esie, mikonyuŋ ibɔhɔ idiɔŋɔ ke ɔkpɔ-iso ye ke ubɔk mmɔ; mmɔ enyuŋ edu uwem, enyuŋ eda ubɔŋ ye Christ ke tɔsin isua.

ERIYARARE 20:4 ပူးပေါင်းရင်းမြစ်များ

DANIEL 2:44

Ndien ke eyo ndidem oro, Abasi enyɔŋ eyenam ubɔŋ eke midisoboke ke nsinsi, adaha ada: ndien idikpɔŋke ubɔŋ emi inɔ mbio efen: enye eyenuak onyuŋ ama kpukpru mme idut emi, ndien enye eyeda ke nsinsi:

DANIEL 7:18

Ndien edisana ikɔt Ata Edikoŋ eyeda ubɔŋ, enyuŋ enyene ubɔŋ ke nsinsi ye ke nsinsi-nsinsi.

DANIEL 7:22

ndien eda ikpe enɔ edisana ikɔt Ata Edikoŋ: ndien ini edi, ndien ikɔt Abasi eda ubɔŋ.

DANIEL 7:27

Ndien mmɔ eda itie edidem, ye ubɔŋ, ye ukpono itie-edidem ke idak ofuri enyɔŋ enɔ edisana ikɔt Ata Edikoŋ; ubɔŋ esie edi nsinsi ubɔŋ, kpukpru mbɔŋ eyenyuŋ enam ŋkpɔ esie, enyuŋ ekop uyo esie.

DANIEL 7:9

Ŋkut tutu ebekpo ediɔhɔ, andisɔŋɔ usen onyuŋ etie, edisine-ŋkpɔ esie edi afia nte snow, idet ibuot esie onyuŋ ebiet edisana idet erɔŋ: ebekpo esie ebiet edemikaŋ, mme wheel esie edi ikaŋ eke asakde.

MALACHI 4:5

Sese, ami nyedɔŋ prophet Elijah utom ke ɔtɔ mbufo, ke akwa ye ndik-ndik usen Jehovah mika-idige kaŋa:

MATTHEW 19:28

Edi Jesus ɔdɔhɔ mmɔ ete, Ke akpanikɔ ke ndɔhɔ mbufo nte, ke ini edinamde ŋkpɔ ekabare edi mbufa, ke adaŋemi Eyen Owo editiede ke ebekpo ubɔŋ Esie, mbufo, emi eketienede Mi, eyenyuŋ etie ke ebekpo duopeba, ekpe ikpe enɔ esien Israel duopeba.

MATTHEW 24:10

Ekem ediwak owo eyeduɔ, eyenyuŋ eda kiet eken enɔ, eyeyuŋ esua kiet eken.

MARK 6:16

Edi ke ini Herod okopde, enye ɔdɔhɔ ete, John emi ŋkebigide, enye emeset.

MARK 6:27

Ndien idaha oro edidem osio owo-ekɔŋ kiet ke otu mme andikpeme enye, ɔdɔŋ, ɔnɔ uyo ete eda ibuot John edi: owo oro onyuŋ aka ekebigi enye ke ufɔk-ŋkpɔkɔbi,

MARK 9:11

Mmɔ enyuŋ ebup Enye ete, Mme scribe edɔhɔ ete, Elijah enyene ndibem iso ndi.

LUKE 1:17

Ndien enye eyeda spirit ye odudu Elijah ebem Enye (Messiah) iso, man enye akabare esit mme ete ɔnɔ nditɔ, onyuŋ akabare mbon nsɔŋibuot anam mmɔ esaŋa ke ɔniɔŋ ndinen owo; onyuŋ anam mmɔ emi ekenimde enɔ Ɔbɔŋ ebeŋe idem ebet Enye.

LUKE 14:14

ndien eyefɔn ye afo: koro mmɔ minyeneke se edidade esio fi usiene: edi eyenɔ fi usiene ke ini eriset nti owo.

LUKE 22:30

kpasuk ntre ke Ami nnyuŋ nnim nnɔ mbufo nte edia ŋkpɔ enyuŋ eŋwɔŋ ŋkpɔ ke okpokoro Mi ke Obio Ubɔŋ Mi; mbufo eyenyuŋ etie ke ebekpo ekpe ikpe enɔ mme esien Israel duopeba.

JOHN 14:19

Osuk esisit, ndien ererimbot idikwe Mi aba; edi mbufo ke ekut Mi: sia Ami ndude uwem, mbufo eyedu uwem ŋko.

ŊWED MBON ROME 11:15

Koro edieke eriduɔk emi eduɔkde mmɔ akabare ɔwɔrɔ erinam ererimbot etie ke emem ye Abasi, erida mmɔ nduk ke Obio Ubɔŋ Abasi ndien ediwɔrɔ nso ke mibɔhɔke erito ke mkpa ndu uwem.

ŊWED MBON ROME 8:17

Edi edieke nnyin idide nditɔ, imonyuŋ inyene udeme ke se enimde enɔ nditɔ; imenyene udeme ke se Abasi onimde; imasaŋa ye Christ inyene udeme: koro ana nte nnyin ima ikut ndutuhɔ ye Enye, inyenyuŋ ida ubɔŋ ye Enye.

2 ŊWED TIMOTHY 2:12

Edieke imede ime, iyeda ubɔŋ ye Enye; Edieke ikaŋde Enye, Enye eyekaŋ nnyin;

ERIYARARE 1:2

emi eketiede ntiense abaŋa ikɔ Abasi, ye ikɔ-ntiense eke Jesus Christ ɔnɔde, kpa kpukpru ŋkpɔ eke enye okokutde.

ERIYARARE 1:9

Ami John, eyen-ete mbufo, emi mbuanade ye mbufo ke ukut ye Obio Ubɔŋ ye ime eke edude ke Jesus, ŋkodu ke isuo emi ekerede Patmos, ke ntak ikɔ Abasi, ye ikɔ-ntiense mbaŋa Jesus.

ERIYARARE 11:11

Edi ke ini usen ita ye ubak ebede, ibifik uwem edito Abasi oduk mmɔ ke idem, mmɔ enyuŋ edaha eda ke ukot; ndien akwa ndik odoro kpukpru owo emi esede mmɔ ke idem.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ERIYARARE 11:3

Nyenyuŋ mmen odudu nnɔ ntiense Mi iba, ndien mmɔ eyesine ɔfɔŋ-ikpo etiŋ nte prophet ke thousand usen kiet ye usen ikie iba ye ata.

ERIYARARE 11:7

Ke ini mmɔ edimade ikɔ mmɔ nte ntiense, unam emi otode ke akwa udem ɔwɔrɔ ɔdɔk edi, eyeŋwana ekɔŋ ye mmɔ, onyuŋ akan mmɔ, onyuŋ owot mmɔ.

ERIYARARE 12:11

Mmɔ ema ekan enye oto ke iyip Eyen-erɔŋ, Onyuŋ oto ke se mmɔ etiŋde nte ntiense. Mmɔ imaŋa uwem mmɔ tutu osim mkpa.

ERIYARARE 14:11

ndien nsuŋikaŋ ndutuhɔ mmɔ eyedɔk ke nsinsi-nsinsi: mmɔ inyuŋ ikopke nduɔk-odudu ke uwemeyo ye okoneyo, kpa mmɔ eke etuakde ibuot enɔ unam oro ye mbiet esie, ye owo ekededi eke ɔbɔde idiɔŋɔ enyiŋ esie.

ERIYARARE 15:2

Ekem ŋkut se ibietde inyaŋ glass emi abuahade ye ikaŋ; ye mmɔ emi ekekande ebɔhɔ unam oro ye mbiet esie ye ibat enyiŋ esie, nte edade ke mben inyaŋ glass oro, ye harp Abasi ke ubɔk mmɔ.

ERIYARARE 17:8

Unam oro okutde ama odu, inyuŋ iduhe; edi ɔmɔŋ edito ke akwa ukpe ɔdɔk edi, onyuŋ ebe oduk ke nsobo. Idem eyekpa kpukpru mme andiduŋ ke isɔŋ, kpukpru mmɔ eke mikewetke enyiŋ mmɔ isin ke ŋwed uwem toto nte ekebotde ererimbot, ke ini mmɔ esede unam oro, ete ama odu, inyuŋ iduhe, edi ɔmɔŋ edidu mi.

ERIYARARE 2:26

Owo eke akande, onyuŋ anamde mme utom Mi tutu osim utit,

ERIYARARE 20:6

Ɔfɔfɔn ɔnɔ owo emi enyenede udeme ke akpa eriset: enye edi edisana; udiana akpa mkpa inyeneke odudu ke idem mmɔ emi: edi mmɔ eyedi mme oku Abasi ye Christ, mmɔ eyenyuŋ eda ubɔŋ ye Enye ke tɔsin isua.

ERIYARARE 22:5

enyiŋ Esie eyenyuŋ odu mmɔ ke ɔkpɔ-iso. Okoneyo idinyuŋ iduhe aba; mmɔ inyuŋ iyomke uŋwana utuen-ikaŋ mme uŋwana utin; koro Ɔbɔŋ Abasi mmɔ eyenɔ mmɔ uŋwana, ndien mmɔ eyeda ubɔŋ ke nsinsi-nsinsi.

ERIYARARE 3:21

Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.

ERIYARARE 4:4

Ebekpo edip ye inaŋ enyuŋ ekan ebekpo oro ekuk; ndien ke mme ebekpo oro mbiowo edip ye inaŋ etie, esine mfia ɔfɔŋidem, enyuŋ eyara anyanya o-gold ke ibuot mmɔ.

ERIYARARE 6:9

Ke adaŋemi Enye ama akadianare ɔyɔhɔ ufik-ŋkpɔ ition, ŋkut ke idak itie-uwa mme ukpɔŋ owo emi ekewotde kabaŋa ikɔ Abasi ye ikɔ-ntiense eke mmɔ enyenede.

ERIYARARE 7:3

Ekubiat obot ye inyaŋ ye mme eto tutu idifik ikɔt Abasi nnyin idiɔŋɔ ke ɔkpɔ-iso mmɔ.