ERIYARARE 20:1 - Edisana ñwed Abasi Ibom

¹ EKEM ŋkut angel otode ke heaven ɔsuhɔre, akama ukpɔhɔre edituŋɔ ukpe ye akwa ŋkpɔkɔbi ke ubɔk.

ERIYARARE 20:1 ပူးပေါင်းရင်းမြစ်များ

LUKE 8:31

Ndien mme demon ebeŋe Enye ete Enye okudɔhɔ mme imɔ iwɔŋɔ ikoduk ke ukpe ndutuhɔ.

2 PETER 2:4

Koro edieke Abasi mikayakke mme angel emi ekeduede ebɔhɔ, edi otopde mmɔ ɔduɔk ke itie-ufen, onyuŋ esinde mmɔ ke ŋkim-ŋkim ukpe, ete, enim mmɔ etie do ebet ikpe;

JUDE 1:6

Mme angel ŋko, emi mikomumke itie-odudu eke mmɔ ikama, edi ekpɔŋde ebiet iduŋ idem mmɔ, ke Enye ama onyuŋ ɔkɔbi ke nsinsi ebuka onim ke ekim, ete, etie ebet ikpe Akwa Usen oro.

ERIYARARE 1:18

Ami ndi Mbemiso ye Akpatre ye Andidu uwem; ndien mma ŋkabare ŋkpa, ndien sese, ndodu uwem ke nsinsi, nnyuŋ ŋkama ukpɔhɔre mkpa ye obio ekpo.

ERIYARARE 10:1

NDIEN ŋkut ɔkpɔsɔŋ angel efen otode ke enyɔŋ osuhɔre; enye esine obubit enyɔŋ ke idem; akpara onyuŋ odoro enye ke ibuot, iso esie onyuŋ ebiet utin, ukot esie enyuŋ ebiet mme adaha ikaŋ;

ERIYARARE 18:1

KE ŋkpɔ emi ema ekebe, ŋkut angel eŋwen nte otode ke heaven ɔsuhɔre ye akwa odudu; isɔŋ onyuŋ ayama ke ubɔŋ esie.

ERIYARARE 20:3

onyuŋ otop enye esin ke edituŋɔ ukpe, onyuŋ ɔkɔbi ukpe, onyuŋ esiri abaha enye, onim ufik-ŋkpɔ ke esit, man okubiaŋa aba mme idut tutu tɔsin isua ebe; ini oro ama ebe, enyene ndikpɔhɔre enye nyak ke ekpri ibio ini.