ERIYARARE 2:7 - Edisana ñwed Abasi Ibom

⁷ Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, nyenɔ enye ndidia mfri eto uwem, emi odude ke Paradise Abasi.

ERIYARARE 2:7 ပူးပေါင်းရင်းမြစ်များ

GENESIS 2:9

Jehovah Abasi onyuŋ anam isɔŋ otibe kpukpru eto eke enemde ndise enyuŋ efɔnde ndidia; ye eto uwem ŋko ke ufɔt iŋwaŋ, ye eto ifiɔk eti ye idiɔk.

MME ŊKE 11:30

Mfri eti owo edi eto uwem; ndien eyene-ibuot owo omum ukpɔŋ.

MME ŊKE 13:12

Idori-enyin eke anamde ubigi esin esit ɔdɔŋɔ; edi ndibɔ se eyomde edi eto uwem.

MME ŊKE 15:4

Suŋ-suŋ edeme edi eto uwem: edi ukwaŋ-ŋkpɔ ke esit owo edi se ibuŋde spirit.

MME ŊKE 3:18

Enye edi eto uwem mmɔ eke emumde enye ekama: onyuŋ ɔfɔn ye mmɔ eke efatde enye.

EZEKIEL 28:13

Afo okodu ke Eden, iŋwaŋ-esa Abasi: kpukpru ɔsɔŋ-urua itiat ke efuk fi idem, sardius, ye topaz, ye diamond, ye beryl, ye onyx, ye jasper, ye sapphire, ye emerald, ye carbuncle, ye gold; ubɔk-usɔ ekɔmɔ fo ye eke iban fo edu fi ke esit, eketim mmɔ enim ke usen emi ekebotde fi.

EZEKIEL 31:8

Mme cedar ifukke enye ke iŋwaŋ-esa Abasi: mme cypress ibietke ŋkɔk esie, mme plane ibietke ikɔŋ esie, baba eto kiet ke iŋwaŋ-esa Abasi eke ebietde enye ke uyai, iduhe.

MATTHEW 11:15

Owo eke enyenede utɔŋ ndikop, yak okop.

MATTHEW 13:43

Adaŋoro ndinen owo eyeyama nte utin ke Obio Ubɔŋ Ete mmɔ. Owo eke enyenede utɔŋ, yak okop.

MATTHEW 13:9

Owo eke enyenede utɔŋ, yak okop.

MARK 4:9

Enye onyuŋ ɔdɔhɔ ete, Owo eke enyenede utɔŋ ndikop, yak okop.

MARK 7:15

baba ŋkpɔ kiet eke otode to oduk owo ke idem ikemeke ndisabare owo:

MARK 7:16

edi ŋkpɔ eke ɔwɔrɔde owo ke idem, oro asabare owo.

LUKE 23:43

Ndien Jesus ɔbɔrɔ enye ete, Ke akpanikɔ ke ndɔhɔ fi, mfin emi afo eyedu ye Ami ke Paradise.

LUKE 8:8

Mmɔ eken enyuŋ eduɔŋɔ ke eti isɔŋ, etibe, enyuŋ eŋwum mfri utim ikikie. Nte Enye etiŋde ŋkpɔ emi, Enye ofiori ete, Owo eke enyenede utɔŋ ndikop, yak okop.

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

1 ŊWED CORINTH 2:10

Edi Abasi akayarare mme ŋkpɔ emi ɔnɔ nnyin ke Spirit Esie; koro Spirit ɔdɔduŋɔre kpukpru ŋkpɔ, kpa ndituŋɔ ŋkpɔ Abasi.

2 ŊWED CORINTH 12:4

Abasi ɔmɔfiɔk), nte ekpobide enye edɔk eduk ke Paradise, enye onyuŋ okop ikɔ eke enyaŋade edeme nditiŋ, minyuŋ inenke owo nditiŋ.

1 JOHN 2:13

Mmewet nnɔ mbufo, mme ete, koro mbufo efiɔkde Enye emi ɔkɔtɔŋɔde ke eritɔŋɔ odu. Mmewet nnɔ mbufo, mkparawa, koro mbufo ema ekekan andidiɔk. Mma ŋwewet nnɔ mbufo, ŋkpri nditɔ, koro mbufo efiɔkde Ete.

ERIYARARE 13:9

Edieke owo enyenede utɔŋ yak enye okop.

ERIYARARE 14:13

Ekem ŋkop uyo emi otode ke heaven ɔdɔhɔ ete, Wet ete, Ɔfɔfɔn ɔnɔ mme akpa-mkpa emi ekpade ke Ɔbɔŋ, ɔtɔŋɔde ke ini emi: Spirit ete, Edi ntre; man mmɔ eduɔk odudu ke ɔkpɔsɔŋ utom mmɔ; koro se mmɔ ekenamde etiene mmɔ ke edem.

ERIYARARE 15:2

Ekem ŋkut se ibietde inyaŋ glass emi abuahade ye ikaŋ; ye mmɔ emi ekekande ebɔhɔ unam oro ye mbiet esie ye ibat enyiŋ esie, nte edade ke mben inyaŋ glass oro, ye harp Abasi ke ubɔk mmɔ.

ERIYARARE 2:11

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, udiana-akpa mkpa idifiomoke enye.

ERIYARARE 2:17

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, nyesio ndibe manna nnɔ enye adia, nyenyuŋ nnɔ enye afia itiat, emi ewetde obufa enyiŋ ke esit, eke baba owo kiet mifiɔkke, ke mibɔhɔke andibɔ.

ERIYARARE 21:7

Owo eke akande eyeda ŋkpɔ emi enyene; ndien nyedi Abasi esie; enye eyenyuŋ edi eyen Mi.

ERIYARARE 22:14

Ɔfɔfɔn ɔnɔ mmɔ eke eyetde ɔfɔŋidem mmɔ asana, man mmɔ ekpenyene unen ndisim eto uwem, ekpenyuŋ ebe ke inua-otop eduk ke esit obio.

ERIYARARE 22:17

Spirit ye ŋwan-ndɔ edɔhɔ ete, Di. Owo eke onyuŋ okopde, yak enye ɔdɔhɔ ete, Di. Owo eke itɔŋ asatde, yak enye edi. Owo eke amade, yak edi edibɔ mmɔŋ uwem ke ikpikpu.

ERIYARARE 22:2

Eto uwem ada ke ŋkaŋ akpa emi ye ke ŋkaŋ oko, oŋwum oruk mfri duopeba, oŋwum mfri esie ke ɔfiɔŋ ke ɔfiɔŋ, enyuŋ eda ikɔŋ eto oro ekɔk mme idut udɔŋɔ.