ERIYARARE 2:5 - Edisana ñwed Abasi Ibom

⁵ Mmɔdo ti itie emi ɔkɔduɔde ɔkpɔŋ, nyuŋ kabare esit, nyuŋ nam se akanamde ke akpa; midige ntre, mmɔŋ ndi ke ɔtɔ fo, nyenyuŋ mmen udiɔk-utuenikaŋ mfep ke itie esie, ke afo mukabakere esit.

ERIYARARE 2:5 ပူးပေါင်းရင်းမြစ်များ

ISAIAH 1:26

nnyuŋ nnam mme ebierikpe fo efiak kpa nte ke akpa, ye mbon item fo, kpa nte ke eritɔŋɔ: ndien ke ŋkpɔ emi ebede, eyekot fi, ete, Obio eti ido, obio akpanikɔ.

ISAIAH 14:12

Ŋwan ima ɔfiɔŋ, eyen usiere, afo anam didie oto ke enyɔŋ ɔduɔ! Emekpi fi eduɔk ke isɔŋ, kpa afo emi ɔkɔsɔŋde akan mme idut.

EZEKIEL 20:43

Ndien do ke mbufo editi usuŋ mbufo, ye kpukpru se mbufo ekenamde, emi mbufo ekesabarede idem mbufo ke esit; ndien mbufo eyesua idem mbufo ebaŋa kpukpru mme idiɔk-ŋkpɔ emi mbufo ekenamde.

EZEKIEL 36:31

Ndien mbufo eyeti mme idiɔk usuŋ mbufo, ye ido mbufo eke midige nti, ndien esua idem mbufo ke iso idem mbufo ebaŋa mme idiɔk ido mbufo ye mbubiam mbufo.

HOSEA 14:1

O ISRAEL, fiak tiene Jehovah Abasi fo: koro afo ɔmɔduɔ ke idiɔk ido fo.

HOSEA 9:10

Ŋkokut Israel nte mfri vine ke ikɔt; ŋkese mme ete mbufo nte akpa mfri, eto fig ke eritɔŋɔ esie: edi mmɔ eka ke ɔtɔ Baal-poer, enyuŋ edianare idem mmɔ enɔ ŋkpɔ but oro: enyuŋ ekabare edi mbubiam ŋkpɔ nte se mmɔ emade.

MALACHI 3:4

Ndien uwa Judah ye Jerusalem eyenem Jehovah esit, kpa nte ke mme usen eset, ye ke eyo oko.

MALACHI 4:6

ndien enye eyekabare esit mme ete ɔnɔ nditɔ, eyekabare esit nditɔ ɔnɔ mme ete mmɔ, mbak ndida ata nsobo ndimia idut emi.

MATTHEW 5:14

Mbufo edi uŋwana ererimbot. Obio eke ebɔpde ke enyɔŋ obot ikemeke ndidibe.

MATTHEW 5:15

Owo inyuŋ idomoke utuenikaŋ ida abaŋ ifuk, edi owuk ke uwuk-utuenikaŋ; ntem ke uŋwana ayama ɔnɔ kpukpru owo eke edude ke ufɔk.

MARK 12:9

Nso ndien ke ete iŋwaŋ-vine oro edinam? Enye eyedi edisobo mme ekpeme-iŋwaŋ oro, onyuŋ ayak iŋwaŋ-vine ɔnɔ mme ekpeme-iŋwaŋ eŋwen.

LUKE 1:17

Ndien enye eyeda spirit ye odudu Elijah ebem Enye (Messiah) iso, man enye akabare esit mme ete ɔnɔ nditɔ, onyuŋ akabare mbon nsɔŋibuot anam mmɔ esaŋa ke ɔniɔŋ ndinen owo; onyuŋ anam mmɔ emi ekenimde enɔ Ɔbɔŋ ebeŋe idem ebet Enye.

LUKE 20:16

Enye eyedi edisobo mme ekpeme-iŋwaŋ emi, onyuŋ ayak iŋwaŋ-vine ɔnɔ mmɔ eŋwen. Ke ini mmɔ ekopde, mmɔ ete, Idiɔk-ŋkpɔ aka nsan-nsan.

ŊWED MBON GALATIA 5:4

Ama edi mbufo emi eyomde ndisaŋa ke ibet nnyene utebe-ikpe, ke emabahare mbufo ye Christ; mbufo emeduɔŋɔ ekpɔŋ mfɔn Abasi.

ŊWED MBON PHILIPPI 2:15

man mbufo ekunyene ubiom-ikpe, ekunyuŋ enyene ndudue, edi edi nditɔ Abasi eke enanade ndo ke ufɔt ŋkwakwaŋa ye idiɔk emana; emi mbufo ke eyayama ke otu mmɔ nte ntantafiɔŋ ke ererimbot,

MME HEBREW 10:32

Edi eti mme usen ini oko, ini oro enyin ekatarade mbufo, mbufo ekenyuŋ ebiomde ɔkpɔsɔŋ ndusihere ndutuhɔ;

2 PETER 3:17

Edi ndima, sia mbufo ema ekebem iso efiɔk emi, ekpeme mbak nduyo mme anam-idiɔk edimen mbufo efep, onyuŋ anam mbufo ekpɔŋ nsɔŋɔ-nda mbufo.

JUDE 1:24

Ama edi Enye emi ekemede ndikpeme mbufo, ete, ekuduɔ, ndinyuŋ nnam mbufo eda ke iso Ubɔŋ Esie ke akwa idaresit, enana ndo;

ERIYARARE 1:20

ndibe-ŋkpɔ emi odude ke ntantafiɔŋ itiaba oro okutde Mi ke ubɔk nnasia, ye udiɔk-utuen-ikaŋ o-gold itiaba oro. Ntantafiɔŋ itiaba oro edi mme angel ufɔk Abasi mbitiaba: udiɔk-utuenikaŋ itiaba enyuŋ edi ufɔk Abasi mbitiaba.

ERIYARARE 16:9

Akwa ufiop onyuŋ ɔfɔp owo; ndien mmɔ esuŋi enyiŋ Abasi emi enyenede odudu ndida mme ufen oro mmia owo; inyuŋ ikabakere esit inɔ Enye ubɔŋ.

ERIYARARE 2:16

Kabare esit ndien; midige ntre, nsɔsɔp ndi ke ɔtɔ fo, nyenyuŋ nda ofut inua Mi ŋwana ekɔŋ ye mmɔ.

ERIYARARE 2:19

Mmɔfiɔk mme utom fo, ima ye mbuɔtidem fo, ye se anamde ɔnɔ Mi, ye anyan ime fo; mmonyuŋ mfiɔk nte ukperedem utom fo okpon akan akpa.

ERIYARARE 2:2

Mmɔfiɔk mme utom fo, ye ɔkpɔsɔŋ eŋwan, ye ime fo; mmonyuŋ mfiɔk nte ukemeke ndibiom mme idiɔk owo, okonyuŋ odomo mmɔ emi ekotde idem mme apostle, ndien midige, okonyuŋ ayarare ɔfiɔk ete mmɔ edi mme osu-nsu;

ERIYARARE 3:19

Ami nsasua nnɔ kpukpru mmɔ emi mmade, nnyuŋ ntunɔ mmɔ; nyene ifiopesit ndien, nyuŋ kabare esit.