ERIYARARE 2:23 - Edisana ñwed Abasi Ibom

²³ nyenyuŋ nda mkpa ŋwot nditɔ esie; ndien kpukpru mme ufɔk Abasi eyefiɔk ete ke Ami ndi Andiduŋɔre ekput ye esit; nyenyuŋ nnɔ kpukpru mbufo kiet kiet nte ekemde ye utom mbufo.

ERIYARARE 2:23 ပူးပေါင်းရင်းမြစ်များ

1 CHRONICLES 17:18

Nso ŋkpɔ efen ke David edidɔhɔ fi ndikpono owo fo, sia afo ɔfiɔkde owo fo?

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

1 CHRONICLES 29:17

Mmonyuŋ mfiɔk, O Abasi mi, nte afo odomode esit, onyuŋ amade mmɔ eke enende. Ami ŋkatat ubɔk mi nnɔ kpukpru ŋkpɔ emi ke edinen esit: ndien ke emi ke ndat esit ndikut ikɔt fo emi edude mi, nte etatde ubɔk enɔ fi,

2 CHRONICLES 6:30

afo tie ndien ke enyɔŋ, ke ebiet-iduŋ fo, kop, nyuŋ dahado, nyuŋ nɔ owo kpa nte ekemde ye kpukpru ido enye emi afo ɔfiɔkde esit esie: (koro afo ikpɔŋ-ikpɔŋ ɔfiɔkde esit nditɔ Adam:)

ŊWED JOB 24:23

Enye (Abasi) ɔnɔ enye ifure, ndien enye eberi edem; Enye onyuŋ etiŋ enyin ke usuŋ mmɔ.

ŊWED MME PSALM 139:1

O JEHOVAH, afo ɔmɔduŋɔ mi, omonyuŋ ɔfiɔk.

ŊWED MME PSALM 26:2

O Jehovah, domo mi, nyuŋ se mi; duŋɔ ekput mi ye esit mi.

ŊWED MME PSALM 44:21

nte Abasi ididuŋɔke emi? koro enye ɔfiɔkde ndibeŋkpɔ esit owo.

ŊWED MME PSALM 62:12

ete ke afo, Ɔbɔŋ, omonyuŋ enyene ima, koro ɔnɔde owo ekem ye se owo anamde.

ŊWED MME PSALM 7:9

Mbɔk, nam idiɔk ido mme idiɔk owo etre, nyuŋ nam edinen owo ɔsɔŋ ada: afo, edinen Abasi, onyuŋ odomo esit ye ekput.

JEREMIAH 11:20

Edi O Jehovah mme udim, emi ekpede edinen ikpe, odomo nsia ye esit, nyekut nte afo osiode usiene ye mmɔ: koro mmayarade ikɔ mi nnɔ fi.

JEREMIAH 17:10

Ami Jehovah nduŋɔre esit, ndomo ŋkpɔ esit idem, man nnɔ kpukpru owo nte ekemde ke usuŋ mmɔ, ye nte ekemde ke mfri utom mmɔ.

JEREMIAH 20:12

Ndien, O Jehovah mme udim, emi odomode edinen owo, onyuŋ okutde ekput ye esit, yak ŋkut usiene eke afo edisiode ye mmɔ: koro mmayarare ikɔ mi nnɔ fi.

ZEPHANIAH 1:11

Mbufo mme andiduŋ Maktesh etuaŋa: koro kpukpru mbon urua emesobo; emesibe kpukpru mme obiom a silver efep.

MATTHEW 16:27

Koro Eyen Owo ɔmɔŋ edidi ke ubɔŋ Ete Esie ye mme angel Esie, ndien ke ini oro Enye eyenɔ owo kiet kiet nte utom esie edide.

LUKE 16:15

Ndien Enye ɔdɔhɔ mmɔ ete, Mbufo edi mmɔ emi enamde owo ebat mbufo ke nti owo, edi Abasi ɔmɔfiɔk esit mbufo: koro se ikponde owo ke enyin edi mbubiam ke iso Abasi.

JOHN 21:17

Jesus obup enye ɔyɔhɔ utim ikata, ete, Simon eyen John nte amama Mi? Peter ɔfuhɔ, koro Enye obupde ɔyɔhɔ ikata, ete, Nte amama Mi? Enye onyuŋ ɔdɔhɔ Jesus ete, Ɔbɔŋ, ɔmɔfiɔk kpukpru ŋkpɔ; Afo ɔmɔfiɔk ete mmama Fi. Jesus ete enye, Bɔk mme erɔŋ Mi.

JOHN 4:16

Jesus ete enye, Ka kokot uberi, di ken.

UTOM MME APOSTLE 1:24

Mmɔ enyuŋ ebɔŋ akam ete, Afo, ɔbɔŋ, emi ɔfiɔkde esit kpukpru owo, wut enye emi ekemekde ke otu owo iba emi,

ŊWED MBON ROME 14:12

Mmɔdo ndien kpukpru nnyin kiet kiet iyebuk mbuk ibaŋa idem nnyin inɔ Abasi.

ŊWED MBON ROME 8:27

Enye emi ɔduŋɔrede esit owo omonyuŋ ɔfiɔk se ekikere Spirit edide, koro spirit anamde mkpe-ubɔk ɔnɔ ikɔt Abasi nte ekemde ye uduak Abasi.

2 ŊWED CORINTH 5:10

Koro kpukpru nnyin inyene ndiwɔrɔ nyarare ke iso itie-ikpe Christ; man owo kiet kiet ɔbɔ utip eke ekemde ye se enye akanamde ke ikpɔhidem, ye ŋkpɔ oro edide eti, ye onyuŋ edide idiɔk.

ŊWED MBON GALATIA 6:5

Koro owo kiet kiet enyene ndibiom mbiomo idem esie.

DEUTERONOMY 13:11

Ndien ofuri Israel eyekop, enyuŋ edikhe, ndien mmɔ idinamke aba idiɔk ido emi ke otu mbufo.

DEUTERONOMY 17:13

Ndien kpukpru owo eyekop, enyuŋ edikhe enyuŋ etre ndinam ŋkpɔ isa-isa.

DEUTERONOMY 19:20

Ke ntre ke afo edisobo idiɔk oro ke otu fo efep. Ndien mmɔ efen eyekop, enyuŋ efehe ndik, ndien iditɔŋɔke aba ntak inam oruk idiɔk ido emi ke otu fo.

DEUTERONOMY 21:21

Ndien yak kpukpru mbio-obio mmɔ etɔŋɔ enye ke itiat ewot. Ntem ke afo edisio idiɔk ke otu fo efep; ndien ofuri Israel eyekop, enyuŋ edikhe.

MME HEBREW 4:13

Baba ŋkpɔ kiet eke odibede Enye ke enyin inyuŋ iduhe; edi kpukpru ŋkpɔ ena iferi ye ata iŋwaŋ-iŋwaŋ ke enyin Abasi, emi nnyin isaŋade ŋkpɔ ye Enye.

1 PETER 1:17

Ndien edieke mbufo esemede ekot Enye nte Ete, emi miteŋeke owo enyin, edi ebierede ikɔ ɔnɔ owo nte erinam esie edide, edu uwem ke ndik ke ini ndaŋ mbufo mi;

ERIYARARE 2:11

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, udiana-akpa mkpa idifiomoke enye.

ERIYARARE 2:7

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, nyenɔ enye ndidia mfri eto uwem, emi odude ke Paradise Abasi.

ERIYARARE 20:12

Ndien ŋkut mme akpa-mkpa, ikpɔ ye ŋkpri, nte edade ke iso ebekpo. Ndien ekibɔre mme ŋwed; enyuŋ ekibɔre mme ŋwed mme ŋwed eŋwen, emi edide ŋwed uwem; enyuŋ eda se ewetde esin ke ŋwed oro ekpe ikpe mme akpa-mkpa, nte ekemde ye se mmɔ ekenamde.

ERIYARARE 20:13

Ndien inyaŋ ibom asana mme akpa-mkpa emi edude ke esit ayak; mkpa ye obio ekpo enyuŋ esana mme akpa-mkpa mmɔ eyak: ndien ekpe ikpe kpukpru owo nte ekemde ye se mmɔ ekenamde.

ERIYARARE 22:12

Sese, mmɔŋ ndedi idaha emi; nnyuŋ nsaŋa ye utip Mi, ndinɔ kpukpru owo nte ekemde ye ubɔk-utom esie.

ERIYARARE 6:8

Ndien ŋkut, ndien sese, ntɔŋ-ntɔŋ enaŋ-mbakara, ye andidoro enye ke edem, emi enyiŋ esie ekerede Mkpa; obio ekpo onyuŋ etiene enye ke edem. Ndien enɔ mmɔ odudu ke ubak isɔŋ kiet ke itie inaŋ, ete, eda ofut, ye akaŋ, ye idiɔk udɔŋɔ, ye mme unam ikɔt, ewot mmɔ.

1 SAMUEL 16:7

Edi Jehovah ɔdɔhɔ Samuel, ete, Kuse enye iso, kunyuŋ use nte enye okoŋde idaha; koro mmesin enye: koro (mmensehe) nte owo esede; koro owo esede enyin, edi Jehovah ese esit.