ERIYARARE 2:19 - Edisana ñwed Abasi Ibom

¹⁹ Mmɔfiɔk mme utom fo, ima ye mbuɔtidem fo, ye se anamde ɔnɔ Mi, ye anyan ime fo; mmonyuŋ mfiɔk nte ukperedem utom fo okpon akan akpa.

ERIYARARE 2:19 ပူးပေါင်းရင်းမြစ်များ

ŊWED JOB 17:9

Edi edinen owo eyemum usuŋ esie akama: ndien owo eke ubɔk asanade eyediɔŋ ɔsɔŋ aka iso.

ŊWED MME PSALM 92:14

Eyesuk ekɔri ke usɔŋ, eyesehe enyuŋ esiak ikɔŋ.

MME ŊKE 4:18

Edi usuŋ nti owo ebiet uŋwana eke asiahade, aka iso ayama, tutu osim ufɔt uwemeyo.

LUKE 1:23

Edikem ke adaŋemi mme usen erida oku esie ekurede, enye ɔnyɔŋ ufɔk.

JOHN 15:2

Kpukpru ŋkɔk ke idem Mi eke miŋwumke mfri, Enye osibe efep; ndien kpukpru ŋkɔk eke oŋwumde mfri, Enye ɔdiɔŋ, man oŋwum mfri awak akan.

ŊWED MBON COLOSSAE 3:14

Ndien ekɔrɔ ke kpukpru ŋkpɔ, esine ima, emi edide se ibɔpde uwem adiana inam ɔfɔn ama.

1 ŊWED THESSALONICA 3:6

Edi ke adaŋemi Timothy otode ke ŋkaŋ mbufo edi ke ɔtɔ nnyin idahemi, onyuŋ adade eti mbuk mbuɔtidem ye ima mbufo ɔsɔk nnyin onyuŋ asiande nnyin ete mbufo eteti nnyin ke eti esit kpukpru ini, onyuŋ ɔdɔdɔŋ mbufo ndikut nnyin kpa nte ɔdɔŋde nnyin ndikut mbufo;

2 ŊWED THESSALONICA 1:3

Ana nte nnyin ikɔm Abasi kpukpru ini ibaŋa mbufo, nditɔ-ete, kpa nte odotde nnyin ndinam ntre, koro mbuɔtidem mbufo ɔkɔride eti-eti, ima emi kpukpru mbufo emade kiet eken onyuŋ okponde;

1ŊWED TIMOTHY 1:5

Edi mma nnɔ uyo emi, man oto do mmɔ enyene ima eke otode ke edisana esit, ye esit eke midiɔŋɔke idiɔk ke idem esie, ye ata mbuɔtidem.

1 PETER 4:8

Akan kpukpru ŋkpɔ, enyene ufiop-ufiop ima ke otu idem mbufo; koro ima ofukde ekese idiɔk-ŋkpɔ.

2 PETER 1:7

ye uteŋe Abasi ke ime, ye iman ke uteŋe Abasi, ye ima ke iman.

2 PETER 3:18

Edi etie ke mfɔn ye ifiɔk Ɔbɔŋ ye Andinyaŋa nnyin Jesus Christ ekɔri ŋkɔri. Yak ubɔŋ enyene Enye ke emi ye ke nsinsi. Amen.

ERIYARARE 2:13

Mmɔfiɔk ebiet eke oduŋde do; kpa ebiet eke ebekpo Satan ɔdiɔhɔde; ndien ɔmɔsɔŋɔ omum enyiŋ Mi akama, ukonyuŋ ukaŋke mbuɔtidem Mi, kpa ke mme usen ntiense Mi Antipas, owo akpanikɔ Mi, emi ekowotde ke otu mbufo, ke ebiet oro Satan oduŋde.

ERIYARARE 2:9

Mmɔfiɔk ukut ye ubuene fo (edi emenyene inyene) ye isuŋi emi ɔbɔde ke ubɔk mmɔ emi edɔhɔde ete idi mme Jew, minyuŋ idige, edi edi synagogue Satan.