ERIYARARE 2:18 - Edisana ñwed Abasi Ibom

¹⁸ Nyuŋ nɔ ŋwed esɔk angel ufɔk Abasi emi odude ke Thyatira, ete: Ntem ke eyen Abasi, emi enyin Esie ebietde edeme-ikaŋ, ukot Esie enyuŋ ebietde nsak-nsak okpohɔ, ɔdɔhɔ ete,

ERIYARARE 2:18 ပူးပေါင်းရင်းမြစ်များ

ŊWED MME PSALM 2:7

Yak ntiŋ mbaŋa ewuhɔ: Jehovah ɔmɔdɔhɔ mi, ete, Afo edi eyen mi ami mmobon fi mfin emi.

DANIEL 10:6

iso esie onyuŋ ebiet mineŋ-mineŋ, enyin esie enyuŋ ebiet utuenikaŋ eke esakde, ubɔk esie ye ukot esie enyuŋ ebiet iso edisem okpoho ŋko: ndien uyo esie ebiet uyom akwa otu owo.

MATTHEW 17:5

Ke ini enye osuk etiŋde, sese, nyayama ikpa-enyɔŋ ofuk mmɔ: ndien sese, uyo oto ke ikpa-enyɔŋ ɔwɔrɔ, ete, Emi edi edima Eyen Mi, emi mmenemesit ye Enye; ekop uyo Esie.

MATTHEW 27:54

Edi ke ini centurion, ye mmɔ emi edude ye enye ekpeme Jesus, ekutde unyek-isɔŋ, ye mme ŋkpɔ oro etibede, mmɔ efehe akwa ndik eti-eti, enyuŋ edɔhɔ ete, Ke akpanikɔ emi ekedi Eyen Abasi.

MATTHEW 3:17

ndien sese, uyo oto ke enyɔŋ ɔdɔhɔ ete, Emi edi edima Eyen Mi, emi esit enemde Mi eti-eti ye Enye.

LUKE 1:35

Ndien angel ɔbɔrɔ enye ete, Edisana Spirit eyedoro fi ke idem, odudu Andikoŋ-ŋkan eyeyuŋ ofuk fi: mmɔdo se idimanade eyekere Edisana, Eyen Abasi.

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

JOHN 1:49

Nathanael ɔbɔrɔ Enye ete, Rabbi, Afo edi Eyen Abasi; Afo edi Edidem Israel.

JOHN 10:36

nte mbufo edɔhɔ ebaŋa Enye emi Ete okonimde, ete isio Enye idɔŋ ke ererimbot, ete, Afo emesuene Abasi, koro ndɔhɔde nte, Ndi Eyen Abasi?

JOHN 3:16

Koro Abasi akamama erimbot ntem, tutu Enye osio ikpɔŋ-ikpɔŋ Eyen emi Enye obonde ɔnɔ, man owo ekededi eke ɔbuɔtde idem ye Enye okutak, edi enyene nsinsi uwem.

JOHN 3:18

Owo eke ɔbuɔtde idem ye Enye ikaha ikpe; ema ekekpe ikpe owo eke mibuɔtke idem ye Enye ema, koro enye mibuɔtke idem ke enyiŋ Edibon Eyen Abasi kierakiet.

JOHN 5:25

Ke akpanikɔ ke ndɔhɔ mbufo, Ini ke edi, onyuŋ ededi ama, eke mme akpa-mkpa edikopde uyo Eyen Abasi, ndien mmɔ emi ekopde eyedu uwem.

UTOM MME APOSTLE 16:14

Ndien ŋwan kiet ekere Lydia, emi otode ke obio Thyatira, anyam ididuot ɔfɔŋ, emi okponode Abasi, okop se itiŋde: Ɔbɔŋ onyuŋ eberere enye esit, anam enye ɔbiɔŋ utɔŋ ɔnɔ ikɔ oro Paul etiŋde.

UTOM MME APOSTLE 8:36

Edi nte mmɔ ekade iso ke usuŋ mmɔ, mmɔ edisim mmɔŋ;

ŊWED MBON ROME 1:4

edi ke spirit Esie emi edide ata edisana, eriset emi Enye esetde ke mkpa ama owut ke odudu ete Enye edi Eyen Abasi); kpa Jesus Christ Ɔbɔŋ nnyin

ŊWED MBON ROME 8:32

Enye emi mikesinke ndinɔ Eyen Esiemɔ, edi ayakde Enye ɔnɔ ke ibuot nnyin kpukpru, Enye edikeme didie nditre ndinɔ nnyin kpukpru ŋkpɔ ndian ye Enye?

ERIYARARE 1:11

Wet se afo okutde sin ke ŋwed, nyuŋ nɔ esɔk mme ufɔk Abasi itiaba oro; nɔ esɔk Ephesus, ye Smyrna, ye Pergamum, ye Thyatira, ye Sardis, ye Philadelphia, ye Laodicea.

ERIYARARE 2:1

NƆ ŋwed esɔk angel ufɔk Abasi emi edude ke Ephesus, ete: Ntem ke Enye, emi omumde ntantafiɔŋ itiaba akama ke ubɔk nnasia Esie, onyuŋ asaŋade ke ufɔt udiɔk-utuenikaŋ o-gold itiaba, ɔdɔhɔ ete,

ERIYARARE 2:24

Edi ama edi mbufo eken emi edude ke Thyatira, kpa kpukpru mbufo emi midaha ukpep-ŋkpɔ oro, minyuŋ ifiɔkke udem Satan, nte mmɔ edɔhɔde, ndɔhɔ mbufo ntem nte, Mmenke mbiomo eŋwen mbiom mbufo ke idem;