ERIYARARE 2:14 - Edisana ñwed Abasi Ibom

¹⁴ Edi mmenyene ndusuk ŋkpɔ eke ndade mbiom fi, ete, emenyene ndusuk owo do eke emumde ukpep-ŋkpɔ Balaam ekama, emi ekekpepde Balak ndinim ŋkpɔ-iduɔ ke iso nditɔ Israel, ete edia se ekewade enɔ ndem, enyuŋ enam use:

ERIYARARE 2:14 ပူးပေါင်းရင်းမြစ်များ

ISAIAH 57:14

ndien owo eyedɔhɔ ete, Mbufo eda ekubi, eda ekubi, ediɔŋ usuŋ, emen ŋkpɔ utuaha-nduɔ ke usuŋ ikɔt mi efep.

JEREMIAH 6:21

Mmɔdo ntem ke Jehovah ɔdɔhɔ, ete, Sese, ami mmɔŋ nda ŋkpɔ ntuaha-nduɔ nnim nnɔ mbio emi, ndien mme ete ye nditɔ eyetuaha ke esit eduɔŋɔ ɔtɔ kiet, mbɔhiduŋ ye ufan esie eyetak.

EZEKIEL 3:20

Ndien ke adaŋemi eti owo akabarede ɔkpɔŋ eti ido esie, onyuŋ anamde ukwaŋ-ŋkpɔ, ndien ami nda ŋkpɔ iduɔ nnim enye ke iso, enye eyekpa: koro afo munɔŋɔ enye item, enye eyekpa ke idiɔk ido esie, ndien iditihi edinen ido eke enye akanamde; ndien nyekpak iyip esie ke ubɔk fo.

EZEKIEL 44:12

Koro mmɔ ekenamde ŋkpɔ enɔ mmɔ ke iso mme ibɔk mmɔ: enyuŋ edide se inamde nditɔ Israel eduɔŋɔ ke idiɔk ŋkpɔ: mmɔdo mmemen ubɔk mi mbaŋa mmɔ, ndien mmɔ eyebiom idiɔk ido mmɔ: Ɔbɔŋ Jehovah ɔdɔhɔ.

NUMBERS 24:14

Ndien, sese, ami mmɔŋ nnyɔŋ ntiene oruk mi: yak nsian fi ndien se mbon emi edinamde mbon fo ke ini iso.

NUMBERS 31:16

Sese, edi mme mmɔ emi ekesin nditɔ Israel edue Jehovah ke ikɔ Peor, ke uyo Balaam, ndien idiɔk udɔŋɔ oro otibe ke otu mbio esop Jehovah.

NUMBERS 31:8

Mmɔ enyuŋ ewot mbɔŋ Midian, ekɔrɔ ye mmɔ (efen) emi mmɔ ekewotde; Evi, ye Rekem, ye Zur, ye Hur, ye Reba, mbɔŋ Midian ition: mmɔ enyuŋ ewot Balaam eyen Beor ke ofut.

MATTHEW 18:7

Mbɔm ererimbot ke ntak erisin owo ɔduɔ; koro ntak iduɔ enyene ndidi, edi eyedɔdiɔk ɔnɔ owo oro ŋkpɔ iduɔ otode enye.

UTOM MME APOSTLE 15:29

ete mbufo ebet mme ŋkpɔ eke ewade enɔ ndem, ye iyip, ye unam eke eyiride yiri, enyuŋ etre use; ema ekpeme idem ke ŋkpɔ emi, eyefɔn ye mbufo. Etie suŋ.

UTOM MME APOSTLE 21:25

Edi ama edi mme Gentile emi enimde ke akpanikɔ, nnyin ima iwewet, inɔ uyo ite, mmɔ edianare ekpɔŋ se ewade enɔ ndem, ye iyip, ye se eyiride yiri, ye use.

ŊWED MBON ROME 11:9

David onyuŋ ɔdɔhɔ ete, Yak okpokoro mmɔ akabare edi afia ye mfine, Ye ŋkpɔ iduɔ ye usiene ɔnɔ mmɔ:

ŊWED MBON ROME 14:13

Eyak nnyin ikukpe ikpe inɔ kiet eken aba. Edi ekam ebiere ntem, ete owo okunim ŋkpɔ iduɔ ke iso eyen-ete, okunyuŋ esin eyen-ete ɔduɔ.

ŊWED MBON ROME 14:21

Ɔfɔn nditre ndita unam nnyuŋ ŋwɔŋ wine, nnyuŋ nnam ŋkpɔ ekededi eke esinde eyen-ete fo atuak ukot ɔduɔ.

ŊWED MBON ROME 9:32

Ntak asaŋa didie? Koro mmɔ mikadaha mbuɔtidem iyom enye, edi nte edade erinam utom eyom.

1 ŊWED CORINTH 1:23

edi nnyin ikwɔrɔ Christ nte owo emi ekewotde ke cross; ɔwɔrɔ itiat-iduɔ ɔnɔ mme Jew, ye ndisime ikɔ ke enyin mme Gentile;

1 ŊWED CORINTH 7:2

Edi mbak edito do use odu, yak owo enyene ŋwan esiemɔ, ŋwan onyuŋ enyene ebe esiemɔ.

MME HEBREW 13:4

Yak kpukpru owo ebat ndɔ ke ŋkpɔ eke ekponode ekunyuŋ esabare bed ndɔ; koro Abasi eyekpe ikpe ye mbon use ye mme esin-efibe.

JOSHUA 24:9

Ekem Balak eyen Zippor, ɔbɔŋ Moab, adaha ada ediŋwana ye Israel, enye onyuŋ ɔdɔŋ ekekot Balaam eyen Beor,

1 PETER 2:8

Ye, Itiat utuaha ye akwa itiat eke esinde owo eduɔŋɔ. Mmɔ etuak ukot, koro mmɔ misukke ibuot inɔ ikɔ Abasi; oro onyuŋ edi se inade inɔ mmɔ.

2 PETER 2:15

Mmɔ ekpɔŋ edinen usuŋ ediyo ebine afaŋ Balaam eyen Beor, emi akamade utip ukwaŋido;

JUDE 1:11

Idifɔnke fɔn inɔ mmɔ! koro mmɔ ekasaŋade ke afaŋ Cain, enyuŋ eduɔkde idem ke nduyo Balaam ke ntak udori, enyuŋ etak ke nsɔŋ-ibuot Korah.

ERIYARARE 2:20

Edi mmenyene se ndade mbiom fi, ete, ayak itie ɔnɔ ŋwan oro, Jezebel, emi okotde idem prophet-aŋwan; onyuŋ adade abiaŋa ekpep ikɔt Mi ndinam use, nnyuŋ ndia se ekewade enɔ ndem.

ERIYARARE 2:4

Edi mmenyene se ndade mbiom fi, emi ɔkɔkpɔŋde akpa ima fo.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.

ERIYARARE 22:15

Mme ebua edu ke edem obio, ye mme abia idiɔŋ, ye mbon use, ye mme owot owo, ye mme okpono ndem, ye kpukpru owo eke emade nsu, enyuŋ esude nsu.