ERIYARARE 18:1 - Edisana ñwed Abasi Ibom

¹ KE ŋkpɔ emi ema ekebe, ŋkut angel eŋwen nte otode ke heaven ɔsuhɔre ye akwa odudu; isɔŋ onyuŋ ayama ke ubɔŋ esie.

ERIYARARE 18:1 ပူးပေါင်းရင်းမြစ်များ

EZEKIEL 43:2

Ndien, sese, ubɔŋ Abasi Israel oto ke edem usiaha-utin edi: uyo esie onyuŋ ebiet uyo ediwak mmɔŋ: ubɔŋ esie onyuŋ ayama ke isɔŋ.

LUKE 17:24

Sese, mi! ekuwɔrɔ eka, ekunyuŋ etiene mmɔ. Koro kpa nte emireŋ-mireŋ ɔwɔrɔde ke ŋkaŋ ikpa-enyɔŋ kiet, ayama osim ŋkaŋ eken, kpa ntre ke Eyen Owo eyedi ke usen Esie.

2 ŊWED THESSALONICA 2:8

Adaŋoro ndien eyeyarare abiat-ibet oro, emi Ɔbɔŋ Jesus eyeda ibifik inua Esie owot enye, onyuŋ ada eriyarare eridi Esie osobo enye.

ERIYARARE 10:1

NDIEN ŋkut ɔkpɔsɔŋ angel efen otode ke enyɔŋ osuhɔre; enye esine obubit enyɔŋ ke idem; akpara onyuŋ odoro enye ke ibuot, iso esie onyuŋ ebiet utin, ukot esie enyuŋ ebiet mme adaha ikaŋ;

ERIYARARE 17:1

EKEM angel kiet ke otu mme angel itiaba oro enyenede eso itiaba edi edidɔhɔ mi ete, Di ken; nyewut fi ubiom-ikpe akamba akpara oro etiede ke enyɔŋ ediwak mmɔŋ;

ERIYARARE 17:7

Edi angel ete mi, Nsinam idem akpade fi? Ami nyesian fi ndibe-ŋkpɔ mbaŋa ŋwan oro, ye unam emi obiomde enye, kpa unam oro enyenede ibuot itiaba ye nduk duop.

ERIYARARE 21:23

Obio inyuŋ iyomke utin ye ɔfiɔŋ ndiyama nnɔ enye; koro ubɔŋ Abasi anamde enye aŋwaŋa, Eyen-erɔŋ onyuŋ edide utuenikaŋ esie.