ERIYARARE 17:3 - Edisana ñwed Abasi Ibom

³ Ekem enye emen mi ke Spirit aka ke desert. Ndien ŋkut ŋwan etiede ke edem ididuot unam, emi enyiŋ isuŋi eyɔhɔde enye ke idem, emi onyuŋ enyenede ibuot itiaba ye nduk duop.

ERIYARARE 17:3 ပူးပေါင်းရင်းမြစ်များ

1 NDIDEM 18:12

Ndien ama ekem ke ini ami ndinyɔŋɔde ŋkpɔŋ fi, spirit Jehovah eyemen fi aka ke ebiet eke mmendifiɔkke; ndien ke ini ŋkade ŋketiŋ nnɔ Ahab, ndien enye midikwe fi, enye eyewot mi; edi owo fo edi andibak Jehovah toto ke ini uyen mi.

2 NDIDEM 2:16

Ndien mmɔ edɔhɔ enye, ete, Mbɔk, sese, mkpɔsɔŋ owo aba ye duop mmɔ mi ye ikɔt fo; mbɔk, yak mmɔ eka ekeyom usɔ; mbak mme spirit Jehovah ekemen enye ɔduɔk ke obot kiet, mme ke ebedeŋ kiet. Edi enye ɔdɔhɔ ete, Mbufo ekudɔŋ.

IKWƆ SOLOMON 8:5

Anie owo edi emi otode ke wilderness, eberedem ke ama esie? Ŋkedemere fi ke idak eto apple: do ke uka akaman fi: do ke uman okotuk andiman fi.

EZEKIEL 11:24

Ndien spirit emen mi, onyuŋ ada mi ke ŋkukut ke spirit Abasi aka ke Chaldea ke ɔtɔ mbon ntaŋ-mfep. Ndien ŋkukut emi ŋkokutde ɔkpɔŋ mi ɔdɔk.

EZEKIEL 3:12

Ndien spirit emenere mi ke enyɔŋ, ndien ŋkop uyom akwa mkpo ke edem mi, ete, Mbufo etoro ubɔŋ Jehovah emi otode ke ebiet esie.

EZEKIEL 8:3

Enye onyuŋ anyan se ibietde ubɔk, omum mi ke idet ibuot mi: ndien spirit emenere mi esin ke ufɔt isɔŋ ye enyɔŋ, onyuŋ ada mi ke ŋkukut Abasi edi ke Jerusalem, ke inua-otop esit-esit usuŋ emi esede edere, emi mbiet ufup emi esinde efibe ufup odude do.

DANIEL 11:36

Ndien edidem eyenam kpa nte enye amade, onyuŋ emenere idem esie ke enyɔŋ, onyuŋ onim idem esie ke akamba akan kpukpru abasi, onyuŋ etiŋ mme utibe ŋkpɔ abaŋa Abasi mme abasi, eyenyuŋ oforo tutu ikpahesit okure ama: koro enye eyenam se ekewukde.

DANIEL 7:20

ye akpanikɔ nduk duop oro edude enye ke ibuot, ye eke eken oro okotibede, ndien esin ita eduɔŋɔ; ye nduk oro enyene enyin, ye inua oro etiŋde ikpɔ ŋkpɔ, ndien iso esie ɔsɔŋ akan eke mme nsaŋa esie.

DANIEL 7:25

Ndien enye eyetiŋ ikɔ abaŋa Ata Edikoŋ, onyuŋ osobo edisana ikɔt Ata Edikoŋ; onyuŋ ekere ndikpuhɔre ini ye mme ewuhɔ: ndien eyeda mmɔ esin enye ke ubɔk tutu ekem ke ini ye ini iba ye ubak ini.

DANIEL 7:8

Ntie nse nduk oro, ndien, sese, ekpri nduk eŋwen otibe ke otu mmɔ oro: ndien enye odibere ita ke nduk oro ekebemde enye iso; ndien, sese, enyin eke ebietde enyin owo odu ke nduk emi, ye inua ŋko eke etiŋde ikpɔ ŋkpɔ.

MATTHEW 27:28

Mmɔ enyuŋ ekpɔk Enye edisine-ŋkpɔ Esie ke idem efep, emen ididuot ekura efɔri Enye ke idem.

UTOM MME APOSTLE 8:39

Edi ke adaŋemi mmɔ etode ke mmɔŋ ewɔrɔ edɔk, Spirit Jehovah ada Philip adaha, eunuch inyuŋ ikwe enye aba, koro enye ɔnyɔŋ esie ke idaresit.

2 ŊWED THESSALONICA 2:4

eyen nsobo, kpa enye emi ɔbiɔŋɔde Abasi, onyuŋ emenerede idem onim kenyɔŋ ɔbiɔŋɔ kpukpru se ekotde Abasi enyuŋ etuakde ibuot enɔ; tutu enye etie ke temple Abasi osio idem owut, ete idi Abasi.

ERIYARARE 1:10

Ŋkodu ke Spirit ke usen Ɔbɔŋ ndien ŋkop, ɔkpɔsɔŋ uyo ke edem mi, emi ebietde uyo ukorowo, nte ɔdɔhɔde ete,

ERIYARARE 12:14

Edi enɔ ŋwan oro mba iba eke akamba ntrukpom, man enye efe ɔnyɔŋ ke ebiet iduŋ esie ke desert; do ke ebɔk enye ke ini ye ke mme ini ye ke ubak ini, uruk-ikɔt okunyuŋ okut enye.

ERIYARARE 12:3

Idiɔŋɔ efen onyuŋ owut idem ke enyɔŋ; ndien sese, akamba ididuot dragon, emi enyenede ibuot itiaba ye nduk duop, onyuŋ ayarade anyanya itiaba ke mbuot esie.

ERIYARARE 12:6

Edi ŋwan oro efehe ɔnyɔŋ ke desert, ke ebiet eke Abasi okotimde itie onim ɔnɔ enye do, man ebɔk enye do ke thousand usen ye usen ikieiba ye ata.

ERIYARARE 17:18

Ndien ŋwan oro okokutde edi akwa obio eke akarade ndidem isɔŋ.

ERIYARARE 17:4

Ŋwan oro onyuŋ esine iyip-iyip ididuot ɔfɔŋidem, onyuŋ ada gold ye ɔsɔŋ-urua itiat ye pearl abana idem, onyuŋ enyene cup o-gold ke ubɔk, emi ɔyɔhɔde ye mbubiam kpa ido ndek use esie.

ERIYARARE 18:12

ŋkpɔ urua o-gold, ye silver, ye ɔsɔŋ-urua itiat, ye pearl, ye eti linen, ye purple, ye silk, ye ididuot ɔfɔŋ; ye kpukpru mfuɔŋ-mfuɔŋ eto, ye kpukpru ŋkpɔ eke edade nduk-enin, ye ɔsɔŋ-urua eto, ye okpoho, ye ukwak, ye marble, enam;

ERIYARARE 18:16

akwa obio, emi ekesinde linen, ye purple, ye ididuot ɔfɔŋ, onyuŋ adade gold ye ɔsɔŋ-urua itiat ye pearl abana idem!

ERIYARARE 21:10

Ndien enye emen mi ke Spirit adaha aka ke akwa edikoŋ obot, onyuŋ owut mi Jerusalem, edisana obio, emi otode Abasi ɔsuhɔre ke heaven edi, emi enyenede ubɔŋ Abasi:

ERIYARARE 4:2

Idaha oro ŋkabare ndu ke Spirit; ndien sese, ebekpo ɔdiɔhɔ ke heaven, Anditie ke ebekpo onyuŋ odu.