ERIYARARE 17:14 - Edisana ñwed Abasi Ibom

¹⁴ Mmɔ eyeŋwana ekɔŋ ye Eyen-erɔŋ, ndien Eyen-erɔŋ eyekan mmɔ, koro Enye edide Ɔbɔŋ mbɔŋ ye Edidem ndidem; mmɔ emi edude ye Enye eyenyuŋ ekan, kpa mmɔ emi Abasi okokotde, onyuŋ emekde, emi enyuŋ edide mme anam akpanikɔ.

ERIYARARE 17:14 ပူးပေါင်းရင်းမြစ်များ

ŊWED MME PSALM 110:5

Ɔbɔŋ emi odude fi ke ubɔk nnasia, asuan ndidem ke usen iyaresit esie.

JEREMIAH 1:15

Koro, sese, ami mmɔŋ ŋkot kpukpru mme ubon mme idut edem edere, Jehovah ɔdɔhɔ; ndien mmɔ eyedi, kpukpru mmɔ eyenyuŋ ediɔk ebekpo mmɔ ke inua-otop Jerusalem, ye ke enyɔŋ kpukpru ibibene esie ekan ekuk, ye ke kpukpru mme obio Judah.

JEREMIAH 1:19

Ndien mmɔ eyeŋwana ekɔŋ ye afo; edi idikemeke ubɔk ye afo; koro ami ndude ye afo, man nnyaŋa fi: uyo Jehovah edi emi.

JEREMIAH 50:44

Sese, enye eyeto ke iseri Jordan nte lion, ɔdɔk aka ke iduŋ ata ɔkpɔsɔŋ: koro nyeyip enyin nnam enye oto ke esit efehe, ndien anie edi edimek owo eke ndinimde ke etubom esie? Koro anie ebiet mi? Anie edinyuŋ odori ini ɔnɔ mi? Anie owo onyuŋ edi ɔbɔk ufene eke edidade mi ke iso?

DANIEL 2:44

Ndien ke eyo ndidem oro, Abasi enyɔŋ eyenam ubɔŋ eke midisoboke ke nsinsi, adaha ada: ndien idikpɔŋke ubɔŋ emi inɔ mbio efen: enye eyenuak onyuŋ ama kpukpru mme idut emi, ndien enye eyeda ke nsinsi:

DANIEL 2:47

Edidem ɔbɔrɔ Daniel onyuŋ ɔdɔhɔ, ete, Ke akpanikɔ Abasi mbufo edi Abasi mme abasi ye Ɔbɔŋ ndidem: edi enye ayarare ndibe-ndibe ŋkpɔ, koro afo ekemede ndiyarare ndibe ŋkpɔ emi.

DANIEL 7:21

Ntie nse, ndien nduk oro aŋwana ekɔŋ ye ikɔt Abasi, onyuŋ akan mmɔ; tutu Andisɔŋɔ usen edi,

ZECHARIAH 2:8

Koro ntem ke Jehovah mme udim ɔdɔhɔ, ete Ke ini ubɔŋ edide, enye eyedɔŋ mi utom ke ɔtɔ mme idut oro ekebumede mbufo: koro enye emi otukde mbufo otuk eyen enyin esie.

MATTHEW 22:14

Koro mmɔ eke ekotde ewak, edi mmɔ eke emekde iwakke.

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

MATTHEW 28:18

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

JOHN 15:16

Idige mbufo ekemek Mi, edi Ami ŋkemek mbufo nnyuŋ nnim nte mbufo eka ekeŋwum mfri, mfri mbufo okponyuŋ osuk odu: man Ete ɔkpɔnɔ mbufo ŋkpɔ ekededi eke edibeŋede Enye ke enyiŋ Mi.

ŊWED MBON ROME 1:6

mbufo nde edu ke otu mmɔ oro, emi ekekotde mbufo ete edidi ikɔt Jesus Christ);

ŊWED MBON ROME 8:30

ndien mmɔ emi Enye ekebemde iso onim ntem, ke Enye onyuŋ okot mmɔ; mmɔ emi Enye okotde, ke Enye etebe mmɔ ikpe; ndien mmɔ emi Enye etebede mmɔ ikpe, ke Enye onyuŋ ɔnɔ mmɔ ubɔŋ.

ŊWED MBON ROME 8:37

Edi ke kpukpru ŋkpɔ emi nnyin imakan, inyuŋ idɔdiɔŋ ikan, oto ke Enye emi akamade nnyin.

1 ŊWED CORINTH 15:24

Edikem ke edisim utit ini, emi Enye ediyakde itie-ubɔŋ Esie ɔnɔ Abasi, kpa Ete Esie; ke Enye ama okosobo kpukpru erikara ye kpukpru nsɔŋ-uyo ye odudu.

DEUTERONOMY 10:17

Koro Jehovah mbufo edide Abasi mme abasi, ye ɔbɔŋ mme mbɔŋ, Abasi emi edide ata akwa, ye ɔkpɔsɔŋ, ye akpakop, emi miteŋeke owo baba kiet enyin, minyuŋ ibɔhɔ enɔ:

1ŊWED TIMOTHY 6:15

emi Abasi ediyararede ke edikem ini; kpa Enye emi edide Andikara, emi enyenede itoro onyuŋ ikpɔŋ-ikpɔŋ adade ubɔŋ, onyuŋ edide Edidem mme edidem ye Ɔbɔŋ mme ɔbɔŋ;

2 ŊWED TIMOTHY 2:4

Baba owo kiet eke akade ekɔŋ idaha idem ikɔkɔmɔ ke mbubehe uwem emi, man enye enem andisin enyiŋ esie ke ŋwed mbon-ekɔŋ esit.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;

ERIYARARE 11:7

Ke ini mmɔ edimade ikɔ mmɔ nte ntiense, unam emi otode ke akwa udem ɔwɔrɔ ɔdɔk edi, eyeŋwana ekɔŋ ye mmɔ, onyuŋ akan mmɔ, onyuŋ owot mmɔ.

ERIYARARE 16:14

mmɔ edi spirit mme demon emi enamde mme idiɔŋɔ, emi enyuŋ ewɔŋɔde eka ke ɔtɔ ndidem kpukpru ekondo, nditaŋ mmɔ mbok ɔtɔ kiet edi ekɔŋ akwa usen Abasi, Andikara kpukpru ŋkpɔ.

ERIYARARE 2:10

Kunyene ndik ubaŋa ukut eke ɔmɔŋ edisim fi. Sese, Satan ɔmɔŋ edisin ndusuk mbufo ke ufɔk-ŋkpɔkɔbi, man edomo mbufo ese, ndien mbufo eyekut ukut ke usen duop. Wut idem nte anam-akpanikɔ tutu osim mkpa, ndien nyenɔ fi anyanya uwem.

ERIYARARE 2:13

Mmɔfiɔk ebiet eke oduŋde do; kpa ebiet eke ebekpo Satan ɔdiɔhɔde; ndien ɔmɔsɔŋɔ omum enyiŋ Mi akama, ukonyuŋ ukaŋke mbuɔtidem Mi, kpa ke mme usen ntiense Mi Antipas, owo akpanikɔ Mi, emi ekowotde ke otu mbufo, ke ebiet oro Satan oduŋde.

ERIYARARE 3:21

Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.