ERIYARARE 17:12 - Edisana ñwed Abasi Ibom

¹² Nduk duop oro okokutde edi ndidem duop, emi mikɔbɔhɔ kaŋa obio ida ikara; edi mmɔ esaŋa ye unam oro ebɔ nsɔŋ-uyo nte edidem eda enyene ke hour kiet.

ERIYARARE 17:12 ပူးပေါင်းရင်းမြစ်များ

DANIEL 7:20

ye akpanikɔ nduk duop oro edude enye ke ibuot, ye eke eken oro okotibede, ndien esin ita eduɔŋɔ; ye nduk oro enyene enyin, ye inua oro etiŋde ikpɔ ŋkpɔ, ndien iso esie ɔsɔŋ akan eke mme nsaŋa esie.

DANIEL 7:24

Ndien ama edi nduk duop oro,ndidem duop eyedaha eda ke kpasuk ubɔŋ oro: eŋwen eyenyuŋ etiene mmɔ adaha ada; ndien enye eyedi isio ye mmɔ oro ekebemde enye iso, eyenyuŋ akan ndidem ita.

ERIYARARE 10:11

Ndien edɔhɔ mi ete afo enyene nditɔnɔ ntak ntiŋ nte prophet ndian ediwak mme idut ye mme obio ye mme usem ye ndidem.

ERIYARARE 12:3

Idiɔŋɔ efen onyuŋ owut idem ke enyɔŋ; ndien sese, akamba ididuot dragon, emi enyenede ibuot itiaba ye nduk duop, onyuŋ ayarade anyanya itiaba ke mbuot esie.

ERIYARARE 13:1

EKEM ndada do ke utan esuk inyaŋ. Ndien ŋkut unam otode ke inyaŋ ɔdɔk edi, emi enyenede nduk duop ye ibuot itiaba; enye onyuŋ ayara anyanya duop ke nduk esie, onyuŋ obiom enyiŋ eke esuŋide Abasi ke mbuot esie.

ERIYARARE 17:16

Nduk duop oro okokutde ye unam eyesua akpara oro, enyuŋ ebiat enye, enyuŋ enim enye iferi, enyuŋ eta enye ikpɔhidem, enyuŋ efɔp enye ke ikaŋ ewot.

ERIYARARE 18:10

Mbɔm, mbɔm, akwa obio, ɔkpɔsɔŋ obio Babylon! koro ke hour kiet ubiom-ikpe akabuat fi.

ERIYARARE 18:17

koro ke hour kiet inyene eke ewakde ntem ema ekabare ekpu. Ndien kpukpru etubom ubom ye mmɔ emi eyode ke inyaŋ, ye mbon uwat, ye kpukpru mme ebin mbubine ke inyaŋ,

ERIYARARE 18:19

Mmɔ enyuŋ ewobi ntɔŋ eduɔk ke ibuot, esio mkpo, etuaŋa enyuŋ efuhɔ, ete, Mbɔm, mbɔm, akwa obio, emi akanamde kpukpru mme enyene ubom ke akpa eforo oto ke eriduɔk inyene esie! ke hour kiet ema enam enye odu ke ndobo.