ERIYARARE 17:1 - Edisana ñwed Abasi Ibom

¹ EKEM angel kiet ke otu mme angel itiaba oro enyenede eso itiaba edi edidɔhɔ mi ete, Di ken; nyewut fi ubiom-ikpe akamba akpara oro etiede ke enyɔŋ ediwak mmɔŋ;

ERIYARARE 17:1 ပူးပေါင်းရင်းမြစ်များ

ISAIAH 1:21

Anam didie obio akpanikɔ akabare edi akpara! se inende ɔkɔyɔhɔ ke esit; eti ido ɔkɔduŋ ke esit; edi ke emi mme owot-owo.

ISAIAH 57:3

Ama edi mbufo, nditɔ ŋwan idiɔŋ, ubon ŋwan efibe, ye eke akpara, esaŋa ekpere ken.

JEREMIAH 2:20

Koro ŋkobuŋde fi ɔkpɔnɔ tutu ko, ŋkonyuŋ ŋkibide fi ŋkpɔkɔbi: ndien afo ɔdɔhɔ ete Ndinamke ŋkpɔ; koro afo ɔsuhɔrede ana nte akpara ke enyɔŋ kpukpru edikoŋ obot, ye ke idak kpukpru awawa eto.

JEREMIAH 51:13

Afo emi etiede ke itie akwa mmɔŋ, awak ke inyene, utit fo emedi, ye idomo ŋwo fo.

EZEKIEL 31:4

Mmɔŋ anam enye okpon, inyaŋ anam enye okoŋ, mme idim esie esaŋa ekan ebiet emi etɔde enye ekuk; enye onyuŋ anam mme owowo esie ewet esim kpukpru eto iŋwaŋ.

LUKE 24:32

Ndien mmɔ edɔhɔ kiet eken ete, Nte esit ikofiopke nnyin, ke ini Enye enemede nneme ye nnyin ke usuŋ, onyuŋ asiakde ikɔ Abasi ɔnɔ nnyin?

LUKE 9:30

Ndien sese, owo iba edineme nneme ye Enye; mmɔ edi Moses ye Elijah; emi ebiɔŋɔrede ke ubɔŋ,

ERIYARARE 1:1

IKƆ eriyarare Jesus Christ, emi Abasi ɔkɔnɔde Enye, ete owut ikɔt Esie, kpa ŋkpɔ eke enyenede ndisu ke ekpri ibio ini: ndien Enye ɔkɔdɔŋ angel Esie okowut ŋkpɔ emi ɔnɔ owo Esie John;

ERIYARARE 15:1

EKEM ŋkut idiɔŋɔ eŋwen ke enyɔŋ, akamba ye utibe, angel itiaba, emi enyenede akpatre ufen itiaba, koro iyaresit Abasi ɔyɔhɔ ama ke mmɔ.

ERIYARARE 16:19

Unyek-isɔŋ oro okpon, onyuŋ ɔsɔŋ eti-eti. Akwa obio onyuŋ abahare ke mbak ita, mme obio eke mme idut enyuŋ ewure. Ndien Abasi eti akwa obio Babylon, ete inɔ enye cup wine ikaŋ-ikaŋ iyaresit Imɔ.

ERIYARARE 18:1

KE ŋkpɔ emi ema ekebe, ŋkut angel eŋwen nte otode ke heaven ɔsuhɔre ye akwa odudu; isɔŋ onyuŋ ayama ke ubɔŋ esie.

ERIYARARE 19:2

koro mme ikpe Esie edi ata akpanikɔ enyuŋ enen; koro Enye ama ebiere ikpe akwa akpara, emi akadade use esie abiat isɔŋ, Enye onyuŋ ada usiene iyip ikɔt Esie odori enye ke ibuot.

ERIYARARE 19:9

Angel onyuŋ ɔdɔhɔ mi ete, Ɔfɔnfɔn ɔnɔ mmɔ emi ekekotde edi udia ndɔ Eyen-erɔŋ. Enye onyuŋ ɔdɔhɔ mi ete, Ikɔ emi edi ata ikɔ Abasi.

ERIYARARE 21:15

Ndien enye emi enemede nneme ye ami onyuŋ akama eto idomo o-gold ndida ndomo obio oro, ye inua-otop esie ye ibibene esie.

ERIYARARE 21:9

Ekem kiet ke otu mme angel itiaba, emi enyenede eso itiaba oro eyɔhɔde ye akpatre ufen itiaba, edi edidɔhɔ mi ete, Di ken, nyewut fi ŋwan-ndɔ, ŋwan Eyen-erɔŋ.

ERIYARARE 4:1

KE ŋkpɔ emi ema ekebe, ŋkut, ndien sese, inua-otop eberere ke heaven; ndien akpa uyo eke ŋkokopde, nte ukorowo osiorode uyo ke utɔŋ mi, ete, Dɔk di ken, ndien nyewut fi se idisude ke ini emi edidide.