ERIYARARE 16:7 - Edisana ñwed Abasi Ibom

⁷ Ndien ŋkop itie-uwa nte ɔdɔhɔde ete, Edi akpanikɔ, O Ɔbɔŋ Abasi, Andikara kpukpru ŋkpɔ, mme ikpe Fo enen enyuŋ edi akpanikɔ.

ERIYARARE 16:7 ပူးပေါင်းရင်းမြစ်များ

ISAIAH 6:6

Ndien owo mme seraphim kiet efe etiene mi, ye mbubek ikaŋ eke enye akadade ufat-ikaŋ osio ke itie-uwa, ke ubɔk esie:

EZEKIEL 10:2

Ndien enye eneme ye owo oro esinede linen, onyuŋ ɔdɔhɔ enye, ete, Duk ke ufɔt mme wheel emi esinede ke idak cherub, nyuŋ wobi ebok ikaŋ ke ufɔt mme cherubim yɔhɔ ke ubɔk, sio kasuan ke enyɔŋ obio. Ndien enye adaha ke iso mi aka.

EZEKIEL 10:7

Ndien mme cherub oro etie ke ufɔt mme cherubim anyan ubɔk esie ke ikaŋ emi odude ke ufɔt mme cherubim, onyuŋ emen esin ke ubɔk owo oro esinede linen: ndien enye ɔbɔ ada ɔwɔrɔ.

ERIYARARE 1:8

Ami ndi Alpha ye Omega; ntem ke Jehovah Abasi, emi odude-du, okonyuŋ odude-du, edinyuŋ edide, Andikara kpukpru ŋkpɔ, ɔdɔhɔ.

ERIYARARE 13:10

Edieke ekenimde enɔ owo ndidi ibuot-ekɔŋ, enye eyedi ibuot-ekɔŋ; edieke owo owotde owo ke ofut, eyeda ofut ewot enye. Edi mi ke ime ye mbuɔtidem ikɔt Abasi ewut idem.

ERIYARARE 14:10

enye nde eyeŋwɔŋ wine ifuresit Abasi, emi ebuakde enana mbɔm ke cup iyaresit Esie; eyenyuŋ etuhɔre enye ke ikaŋ ye brimstone ke iso nti angel ye ke iso Eyen-erɔŋ:

ERIYARARE 14:18

Angel eŋwen onyuŋ ɔwɔrɔ ke itie-uwa, kpa angel emi akarade ikaŋ, ndien enye okot andinyene edisɔp ofut ke ɔkpɔsɔŋ uyo ete, Sin edisɔp ofut, kpok mme etuek vine emi edude ke isɔŋ; koro mme grape esie edat ema.

ERIYARARE 19:2

koro mme ikpe Esie edi ata akpanikɔ enyuŋ enen; koro Enye ama ebiere ikpe akwa akpara, emi akadade use esie abiat isɔŋ, Enye onyuŋ ada usiene iyip ikɔt Esie odori enye ke ibuot.

ERIYARARE 6:9

Ke adaŋemi Enye ama akadianare ɔyɔhɔ ufik-ŋkpɔ ition, ŋkut ke idak itie-uwa mme ukpɔŋ owo emi ekewotde kabaŋa ikɔ Abasi ye ikɔ-ntiense eke mmɔ enyenede.