ERIYARARE 16:1 - Edisana ñwed Abasi Ibom

¹ EKEM ŋkop ɔkpɔsɔŋ uyo emi otode ke temple ɔdɔhɔ angel itiaba oro ete, Mbufo eka ekeŋwaŋa eso iyaresit Abasi itiaba oro eduɔk ke isɔŋ.

ERIYARARE 16:1 ပူးပေါင်းရင်းမြစ်များ

ŊWED MME PSALM 79:6

Nte ufup fo edisak nte ikaŋ? Ŋwaŋa iyaresit fo ke mme idut eke mifiɔkke fi, ye ke mme obio eke misemeke ikot enyiŋ fo.

JEREMIAH 10:25

Ŋwaŋa iyaresit fo ke idem mme idut eke mifiɔkke fi, ye ke mme ufɔk eke mikotke fi enyiŋ: koro emedia Jacob, mmɔ esuk eta enye, enyuŋ etak enye, enyuŋ esobo iduŋ esie.

EZEKIEL 10:2

Ndien enye eneme ye owo oro esinede linen, onyuŋ ɔdɔhɔ enye, ete, Duk ke ufɔt mme wheel emi esinede ke idak cherub, nyuŋ wobi ebok ikaŋ ke ufɔt mme cherubim yɔhɔ ke ubɔk, sio kasuan ke enyɔŋ obio. Ndien enye adaha ke iso mi aka.

EZEKIEL 22:31

Ndien ŋŋwaŋa mmɔ ikpahaesit mi ke idem; nnyuŋ nsobo mmɔ ke ifuresit mi; nnyuŋ nda usuŋ mmɔ ndori mmɔ ke ibuot. Uyo Ɔbɔŋ Jehovah edi emi.

ZEPHANIAH 3:8

Jehovah ɔdɔhɔ, ete, Mbufo ebet mi ndien, tutu osim ke usen eke ndidahade ke enyɔŋ nda mbume. Koro mmaduak ndisop mme idut, nnyuŋ mbon mme obio ndidem, man ŋŋwaŋa mmɔ ifuresit mi ke idem, ofuri ikaŋ iyaresit mi: koro ofuri ererimbot eyeta ikaŋ ufup mi.

ERIYARARE 11:19

Ekem eberere temple Abasi emi odude ke heaven; enyuŋ ekut ekebe ediomi Esie ke temple Esie; ndien emireŋ-mireŋ, ye mme uyo, ye obuma, ye unyek-isɔŋ, ye ɔkpɔsɔŋ edim-itiat etibe.

ERIYARARE 14:15

Angel eŋwen onyuŋ ɔwɔrɔ ke temple ofiori ke ɔkpɔsɔŋ uyo, okot enye emi etiede ke ikpa-enyɔŋ, ete, Sin ofut fo, kpeŋe; koro ekem ini ukpeŋe; koro ini mbuŋwum isɔŋ ekem tutu ebe.

ERIYARARE 14:18

Angel eŋwen onyuŋ ɔwɔrɔ ke itie-uwa, kpa angel emi akarade ikaŋ, ndien enye okot andinyene edisɔp ofut ke ɔkpɔsɔŋ uyo ete, Sin edisɔp ofut, kpok mme etuek vine emi edude ke isɔŋ; koro mme grape esie edat ema.

ERIYARARE 15:1

EKEM ŋkut idiɔŋɔ eŋwen ke enyɔŋ, akamba ye utibe, angel itiaba, emi enyenede akpatre ufen itiaba, koro iyaresit Abasi ɔyɔhɔ ama ke mmɔ.

ERIYARARE 16:17

Ɔyɔhɔ angel itiaba aŋwaŋa eso esie ɔduɔk ke ofim; ndien ɔkpɔsɔŋ uyo oto ke ebekpo emi odude ke temple ɔwɔrɔ, ete, Ama okure ama.

1 SAMUEL 15:18

Ndien Jehovah ɔdɔŋ fi utom, ete, Ka kosobo mme idiɔk owo oro kpa mme Amalekite, nyuŋ ŋwana ekɔŋ ye mmɔ tutu ama mmɔ.

1 SAMUEL 15:3

Ka, ndien kasuan Amalek, mbufo enyuŋ esobo kpukpru se mmɔ enyenede, kufen mmɔ: edi wot eren, ye ŋwan, ye eyen-ɔwɔŋ, ye nsek-eyen, ye enaŋ, ye ŋkpri ufene, ye camel, ye ass.