ERIYARARE 15:7 - Edisana ñwed Abasi Ibom

⁷ Ndien kiet ke otu ŋkpɔ-uwem inaŋ ɔnɔ angel itiaba oro eso o-gold itiaba, eke eyɔhɔde ye iyaresit Abasi, Andidu uwem ke nsinsi-nsinsi.

ERIYARARE 15:7 ပူးပေါင်းရင်းမြစ်များ

ŊWED MME PSALM 75:8

Koro cup odude Jehovah ke ubɔk; wine onyuŋ ofut mbuaha ɔyɔhɔ ke esit; enye onyuŋ ada enye ɔtɔhɔ: kpu-kpru mme idiɔk owo ke ererimbot enyene ndikɔrɔde nnyuŋ ŋŋwɔŋ ntak esie.

JEREMIAH 25:15

Koro ntem ke Jehovah Abasi Israel ɔdɔhɔ mi, ete, Bɔ mi cup wine ifuresit emi ke ubɔk, nyuŋ da enye nɔ kpukpru mme idut oro ami ŋkɔdɔŋde fi utom ke otu mmɔ, ete eŋwɔŋ.

1 ŊWED THESSALONICA 1:9

Mme owo ke idem mmɔ etaŋa oruk eriduk eke nnyin ikodukde ke otu mbufo; ye nte mbufo ekɔkpɔŋde ndem ewɔŋɔre etiene Abasi, ete inam ŋkpɔ inɔ Ata Abasi emi odude uwem,

ERIYARARE 1:18

Ami ndi Mbemiso ye Akpatre ye Andidu uwem; ndien mma ŋkabare ŋkpa, ndien sese, ndodu uwem ke nsinsi, nnyuŋ ŋkama ukpɔhɔre mkpa ye obio ekpo.

ERIYARARE 10:6

onyuŋ otomo Enye emi odude ke nsinsi, emi okobotde enyɔŋ ye se idude ke esit, ye isɔŋ ye se idude ke esit, ye inyaŋ ye se idude ke esit, ete ini idibihike aba;

ERIYARARE 14:10

enye nde eyeŋwɔŋ wine ifuresit Abasi, emi ebuakde enana mbɔm ke cup iyaresit Esie; eyenyuŋ etuhɔre enye ke ikaŋ ye brimstone ke iso nti angel ye ke iso Eyen-erɔŋ:

ERIYARARE 15:1

EKEM ŋkut idiɔŋɔ eŋwen ke enyɔŋ, akamba ye utibe, angel itiaba, emi enyenede akpatre ufen itiaba, koro iyaresit Abasi ɔyɔhɔ ama ke mmɔ.

ERIYARARE 16:2

Akpa angel aka akaŋwaŋa eso esie ɔduɔk ke obot, ndien idiɔk oyo, eke abiakde eti-eti, omum mme owo emi enyenede idiɔŋɔ unam ke idem, enyuŋ etuakde ibuot enɔ mbiet esie.

ERIYARARE 17:1

EKEM angel kiet ke otu mme angel itiaba oro enyenede eso itiaba edi edidɔhɔ mi ete, Di ken; nyewut fi ubiom-ikpe akamba akpara oro etiede ke enyɔŋ ediwak mmɔŋ;

ERIYARARE 21:9

Ekem kiet ke otu mme angel itiaba, emi enyenede eso itiaba oro eyɔhɔde ye akpatre ufen itiaba, edi edidɔhɔ mi ete, Di ken, nyewut fi ŋwan-ndɔ, ŋwan Eyen-erɔŋ.

ERIYARARE 4:10

Andidu-uwem ke nsinsi-nsinsi, mbiowo edip ye inaŋ oro eyeduɔŋɔ ke isɔŋ ke iso Anditie ke ebekpo, etuak ibuot enɔ Andidu-uwem ke nsinsi-nsinsi, enyuŋ eyak anyanya mmɔ eduɔŋɔ ke iso ebekpo, ete,

ERIYARARE 5:8

Ekem ke adaŋemi Enye ɔkɔbɔde ŋwed, ŋkpɔ-uwem inaŋ, ye mbiowo edip ye inaŋ oro eduɔŋɔ ke iso Eyen-erɔŋ; mmɔ kiet kiet enyene harp ye eso o-gold, emi eyɔhɔde ye incense, emi edide mme akam nti ikɔt Abasi.