ERIYARARE 15:4 - Edisana ñwed Abasi Ibom

⁴ Anie editre nditeŋe Fi, O Ɔbɔŋ, ndinyuŋ nnɔ enyiŋ Fo ubɔŋ? Koro Afo ikpɔŋ edi edisana; Kpukpru mme idut eyenyuŋ edi edituak ibuot ke iso Fo; Koro ndinen ikpe Fo ema eyarare ewut idem.

ERIYARARE 15:4 ပူးပေါင်းရင်းမြစ်များ

ŊWED MME PSALM 105:7

Enye edi Jehovah Abasi nnyin: mme ikpe esie edu ke ofuri ererimbot.

ŊWED MME PSALM 111:9

Enye ɔnɔ ufak esɔk ikɔt esiemɔ: onyuŋ owuk ediomi esie ke nsinsi: enyiŋ esie edi edisana, onyuŋ enyene uteŋe.

ŊWED MME PSALM 22:23

Mbufo emi ebakde Jehovah, ekwɔ enye; kpukpru ubon Jacob, ekpono Enye; kpukpru ubon Israel eteŋe Enye.

ŊWED MME PSALM 22:27

Kpukpru mme utit ererimbot eyeti, enyuŋ ekabare etiene Jehovah: kpukpru ufɔk mme idut eyenyuŋ etuak ibuot enɔ fi.

ŊWED MME PSALM 22:3

Ndien afo edi edisana, ke oduŋ ke otu itoro Israel.

ŊWED MME PSALM 86:9

Kpukpru mme idut emi afo akanamde eyedi edituak ibuot ke iso fo, Ɔbɔŋ; eyenyuŋ ekpono enyiŋ fo.

ŊWED MME PSALM 89:7

Abasi ekpenyene uteŋe ke odu ndisana owo; ndik esie okonyuŋ odoro kpukpru owo eke ekande enye ekuk.

ŊWED MME PSALM 97:8

Zion okop, onyuŋ adat esit; nditɔ-iba Judah enyuŋ ebre mbre ebaŋa mme ikpe fo O Jehovah.

ŊWED MME PSALM 99:5

Mbufo ekpono Jehovah Abasi nnyin, enyuŋ etuak ibuot ke ɔtɔ udorukot esie: enye edi edisana.

ŊWED MME PSALM 99:9

Mbufo ekpono Jehovah Abasi nnyin, enyuŋ etuak ibuot ke edisana obot esie; koro Jehovah Abasi nnyin edide edisana.

ISAIAH 24:15

Mbufo ke edem uŋwana ekpono ndien Jehovah, mbufo ke isuo inyaŋ ekpono enyiŋ Jehovah Abasi Israel.

ISAIAH 25:3

Mmɔdo ɔkpɔsɔŋ obio eyekpono fi, obio mbon afai eyebak fi.

ISAIAH 26:9

Afo ɔdɔŋ mi ke ukpɔŋ ke okoneyo; nyeda spirit mi ŋko emi odude mi ke esit mbak nyom fi: koro mme andiduŋ ererimbot ekpekpep se inende, ke ini mme ikpe fo enamde ekondo.

ISAIAH 45:23

Mmotomo idem mi, ikɔ ɔmɔwɔrɔ mi ke inua edinen, idinyuŋ ifiakke, nte kpukpru edɔŋ eyetɔŋɔ enɔ mi, kpukpru edeme eyenyuŋ etomo.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

ISAIAH 6:3

Ndien kiet ofiori okot kiet, onyuŋ ɔdɔhɔ ete, Edisana, edisana, edisana, Jehovah mme udim: ubɔŋ esie ke ɔyɔhɔ ke ofuri ererimbot.

ISAIAH 60:5

Ndien afo eyekut, onyuŋ atara idem, esit eyenyuŋ ebre, onyuŋ aŋwaŋa fi: koro inyene inyaŋ eyekabare etiene fi, odudu mme idut eyedi ke ɔtɔ fo.

JEREMIAH 10:7

Anie midibakke fi, O Edidem mme idut? Koro odotde fi: koro baba kiet eke ebietde fi miduhe ke otu kpukpru mme ɔfiɔkŋkpɔ owo mme idut, ye ke kpukpru mme obio mmɔ.

JEREMIAH 16:19

O Jehovah odudu mi, ye ɔkpɔsɔŋ ufɔk mi, ye ebiet ubɔhɔ mi ke ini ukut, mme idut eyeto ke mme utit isɔŋ etiene fi, enyuŋ edɔhɔ, ete, Ŋkɔm mme ete nnyin ekedia akpa nsu, ye ikpikpu ŋkpɔ, baba kiet eke odorode udori inyuŋ iduhe ke otu mmɔ.

JEREMIAH 5:22

Nte mbufo idibakke mi? Nte mbufo idinyekke ke iso mi, emi ŋkenimde ntan ke adaŋa inyaŋ ke nsinsi ewuhɔ, ndien inyaŋ idibehe enye; ndien odut esie okpot, edi ikanke; oyomo uyom, edi ikaŋake enye.

HOSEA 3:5

Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.

HABAKKUK 1:12

Nte afo udige Jehovah edisana Abasi mi toto ko? Nnyin idikpaha. O Jehovah, afo onim mmɔ ɔnɔ ikpe; O akwa itiat, afo owuk mmɔ onim ɔnɔ nduari.

ZECHARIAH 14:16

Ndien ama ekem kpukpru mbio kpukpru mme idut eke esuhɔde eke ekedide ekɔŋ ye Jerusalem, eyedɔk kpukpru isua ndituak ibuot nnɔ edidem, kpa Jehovah mme udim, nnyuŋ nnim usɔrɔ mme ataya.

ZECHARIAH 2:11

Ndien ediwak mme idut eyedian idem mmɔ ye Jehovah ke usen oro, eyenyuŋ edi ikɔt mi; ndien ami nyeduŋ ke ufɔt fo, ndien afo eyefiɔk ete ke Jehovah ɔmɔdɔŋ mi utom ke ɔtɔ fo.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

ŊWED MBON ROME 15:9

man mme Gentile enyuŋ enɔ Abasi ubɔŋ ebaŋa mbɔm Esie; nte ewetde ete, Ke ntak emi nyenɔ Fi itoro ke otu mme Gentile, Nyenyuŋ ŋkwɔ enyiŋ Fo.

1 PETER 1:16

koro ewet ntem ete, Mbufo edisana, koro Ami ndide edisana

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ERIYARARE 14:7

ndien enye ɔdɔhɔ ke ɔkpɔsɔŋ uyo ete, Mbufo eteŋe Abasi, enyuŋ enɔ Enye ubɔŋ; koro ekem ini ikpe Esie; enyuŋ etuak ibuot enɔ Enye emi okobotde enyɔŋ ye isɔŋ ye inyaŋ ye idim mmɔŋ.

ERIYARARE 16:5

Ndien ŋkop nte angel emi akarade mmɔŋ ɔdɔhɔde ete, O Edisana Abasi, emi odude-du, okonyuŋ odude-du, Afo emenen ke ikpe emi ekpede ntem;

ERIYARARE 16:7

Ndien ŋkop itie-uwa nte ɔdɔhɔde ete, Edi akpanikɔ, O Ɔbɔŋ Abasi, Andikara kpukpru ŋkpɔ, mme ikpe Fo enen enyuŋ edi akpanikɔ.

ERIYARARE 19:2

koro mme ikpe Esie edi ata akpanikɔ enyuŋ enen; koro Enye ama ebiere ikpe akwa akpara, emi akadade use esie abiat isɔŋ, Enye onyuŋ ada usiene iyip ikɔt Esie odori enye ke ibuot.

ERIYARARE 19:8

Enyuŋ enɔ enye ndisine ediye linen eke asanade onyuŋ esemde; Koro ediye linen oro edi edinen ido nti ikɔt Abasi.

ERIYARARE 3:7

Nyuŋ nɔ ŋwed esɔk angel ufɔk Abasi emi odude ke Philadelphia, ete: Ntem ke Enye emi edide edisana, emi edide ata akpanikɔ, emi enyenede ukpɔhɔre David, emi ɔkpɔhɔrede, ndien baba owo kiet iberike; onyuŋ eberide, ndien baba owo kiet ikpɔhɔkere, ɔdɔhɔ ete, Mmɔfiɔk mme utom fo.

ERIYARARE 4:8

Ndien ŋkpɔ-uwem inaŋ oro enyene mba itiokiet, emi enyin eyɔhɔde mmɔ ke enyɔŋ ye ke esit. Mmɔ inyuŋ inyeneke nduɔk-odudu ke uwem-eyo ye ke okoneyo, esuk edɔdɔhɔ ete, Edisana, edisana, edisana, Jehovah Abasi, Andikara kpukpru ŋkpɔ. Enye emi okodude-du, emi onyuŋ odude-du, emi edinyuŋ edide.

ERIYARARE 6:10

Ndien mmɔ efiori ke ɔkpɔsɔŋ uyo ete, O Ɔbɔŋ, emi edide Edisana onyuŋ anamde akpanikɔ, adaŋa didie ke editre ndikpe ikpe nnyuŋ nsio usiene iyip nnyin ke idem mme andiduŋ ke isɔŋ?

1 SAMUEL 2:2

Baba kiet isanake nte Jehovah: koro efen miduhe ke mibɔhɔke afo: baba itiat ibietke Abasi nnyin.